Jab Tera Hukam Mila Tark Muhabat Ker Di

Jab tera hukm mila tark muhabbat kar di
Dil magar is pe vo dharkaa K qayaamat kar di

Tujh se kis tarah main izhaar-e-tamanna karta
Lafz soojhaa to maani ne bagaavat kar di

Main to samajha tha K laut aate hain jaane vaale
Tu ne jaakar to judaai meri qismat kar di

Mujh ko dushman ke iraadon pe bhi pyaar aata hai
Teri ulfat ne muhabbat meri aadat kar di

Puchh baithaa hoon main tujh se tere kooche kaa pataa
Tere haalat ne kaisi teri surat kar di


Ahmad Nadeem Qasmi