Ye pichlay ishq ki batain hain
Jab aankh main khawab damaktay thay
Jab dil main dagh chamaktay thay
Jab palkain sher ke rastoon per
Ashkoon ka noor lutati thi
Jab sansain ujlay chehroon ki
Tun mann main phool sajati thi
Jab chand ki rim jhim kirnoon se
Sochoon main bhanwaar per jatay thay
Jab aik tlatum rehta tha
Apnay be-ant khialoon main
Har ehd nibhanay ki kasmain
Khat khoon se likhnay ki rasmain
Jab aam thi hum dil waloon main

Ab apni ujri aankhon main
Jitni roshan se ratain hain
Us umer ki sab soghatain hain
Jis umer ke khawab khial hoay
Ye pichli umer thi beet gai
Ye umer bitaaye saal hoay

Ab apni deed ke rastay main
Kuch rang hai guzray lamhoon ka
Kuch ashkoon ki baratain hain
Kuch bhoolay bisray cheray hain
Kuch yadoon ki barsatain hain
Ya Pichlay Ishq Ki Batain hain