Raigaan si aik Musafat part1
jisy aap rooh ki gehraion se chaty hon, jo aap ki ati jati sanson men door tak basa hua ho, jis k naam aap nen apni sari zindgi or zindgi ki sari khushian kar di hon, zaroori nehin k wo aap ka ho bhi jaye, ye sab to qismat k khel hen, qismat chahy to usy aaap ki jholi men daal de or chahy to usy aap se sadion ki musafat py khara kar de.or aap k daman men us shakhs ki siraf yaden reh jayen.
Yaar men nen to hmesha tujhy payar ka munkar hi jana, or tum nen hmesha yehi tasur b dia hmen, men to samajhta tha k tu kabhi kisi se muhabbat nehin kar sakta, mgr ye sab kya he mere yaar ...
Aman nen pareshan hoty hue kaha ...
Jo shakhs Muhabbat ka jitna bra Munkar hota he ye Blaa usy utni hi shiddat se apny hony ka ehsas dilati he, or esy Munkar logon ko jab Muhabbat hoti he to unki Muhabbat ki kahanian banti hen Aman.
Men nen Mushkil se Muskuraty hue kaha ...
Mgr fir ye udasian kiun mere Bhai, Rooh men ye draren kis lie ??? Aman nen preshan hoty hue kaha ...
Chor na yaar ye sab Muhabbat ki ataayen hen or mujhy azeez tar hen, chal chor tu suna kesi guzar rehi he ? men nen topic badalny k lie baat badli.
Ary mujhy chor men theek hun, mgr tu nen ye kya haal bana lia he ? na chehry py wo hansi na ankhon men wo chamak, mujhy yaqeen dila k tu whi Arham he jis k bina parties adhoori samjhi jati thin, jis k qehqehon ki goonj poory Campus men goonja karti thi, Mujhy us Arham se milao jisy haar kisi keemat py qabool nhi thi, Toofan k jesi zindgi yun achanak nehin tham sakti yaar, mujhy bta tujhy kya hua he teri ye kafiat dekh k meri sansen thamti jaa rehi hen, mujhy saaf saaf btao hamara Arham kahan kho gaya ? ... Aman nen jhallaty hue kaha ...
Toofan ? hahahaha
Tumhara Arham Toofan hahahhaa
Bohat ooncha urna chaha, mgr lamha bhar men hi garad-e-karwan hua, or esi garad-e-karwan jisy log manzil py pohanchny se pehly hi jhar dia karty hen, lambi kahani he yaar bus itna jan lo k zindgi meharbaan nehin rehi ... Men nen kaha ...
Nehin mujhy bta ye sab kesy hua he ? Aman nen zid krty hue kaha ...
Chor na yaar koi or baat kar Raakh k dher ko kuredny ki koshish mat kro, kehin kisi dabi hui chingari nen sar utha lia to draron se bhari ye rooh Raakh ka dher ho jaye gi ... Bus itna jaan lo k ...
Muhabbat Rog he dil da ...
Idy which ghum hi ghum milda ...
Men nen kaha ...
Yaar Muhabbat to zindgi men rang bharti he, Muhabbat to esi bahar he jo kabhi nazar-e-khizan nehin hoti, Muhabbat khushi he, Rangeeni he Tazgi he mere yaar ...
Aman nen alfaz se Muhabbat k zakhmon py Marham rakhty hue kaha ...
Han shayed tu theek kehta he, Muhabbat ye sab kuch he jo tum nen kaha, Mgr sab naseeb ka khel he yaar, Exames, Races k sath sath zindgi k har medan men Qismat nen mera sath dia magar Muhabbat ki is bazi men Qismat mujh se rooth gai, Or dekho sab kuch chin gaya ...
Men nen kaha ...
ye ghar, office, Car, sab he magar wo nehin he to kuch b nehin he, sab kuch hoty hue b Tehi daman hun Men nen kaha or 2 ansoo tapak k ankhon k kinary bhigo gaye ...
ye tu kesi baten kr rha he yaar, chal uth ghar chal or Manahil b tujhy miss krti he chal k usy b mil le, or darakht se taik lagaye mere badan ko sahara de k uthaya or ghar le aya ...
To Be Continude ...
Reply With Quote
Originally Posted by Sky Angel
