Gehri gehri ankhoun wali ..

[Afshii]

Gehri gehri ankhoun wali ..

surkh gulaboun pe marti thi
hath ko mehndi se bharti thi
Rat k gheray sunnatay main
Tanha apni chat pe bethi
Khoon e dil main qalam dabo kar
Kuch nazmain, ghazlain likhti thi
Chanda se batain karti thi….
Or sitaroun se larti thi
Chand sitare dekh k usko
Mann hi mann main muskatay thay
Apnay hi alfaz main usko
Beth k shabb bhar samjhatay thay

Gehri gehri ankhoun wali ..
Kis k hont gumaan main rakh kar
Tu phoolon ko choom rahi hay
Takkiye ko aaghosh main bhar kar
Soch main kiski jhoom rahi hay??

Pagal ladki ! ab to so ja
Janay kab se jag rahi hay
Wo hay panchi urr jaye ga
Jis kay peechay bhaag rahi hay
Band palkoun per taan k ansoo
Aanchal main do hath uthaye
Jaanay kis ko mang rahi hay

Gehri gehri ankhoun wali ..

Tere jesi kachi kaliyan
Tann k payasay in bhanwroun ki
Tishna ankhoun ki chahat main
Khilnay se bhi pehlay aksar
murjhaati hain....
Sari nazmain sari ghzlain,
Khoon se ik din bhar jati hain
Gheri ankhain marr jati hain...
Gehri gheri ankhoun wali
pagal ladki….”

Gehri gehri ankhoun wali
Wo nadaan wo pagal ladki
Saari bataoun per hansti thi
Or faqat itna kehti thi
Mainay jisse payar kia hay
Chand Sitaro uska pekar
Tumse bhi ujla ujla hay....
mujhko itna ilam hay k wo...
sirf mera hay, sirf mera hay….”

Lakin ik din.....
Gheri gheri ankhoun wali
wo nadan wo pagal ladkee
apni nabzain kaat chuki thi...
Khoon main dono hath range thay
Gehri gheri do (2) ankhaoun main
jane kitnay ashk rukay thay
Us bhanwray k ishq main haaye!
Gehri gehri ankhun wali
pagal lardkee haar chuki thi
Kho k sab kuch ishq main apna
Apne aap ko maar chuki thi…...


Chand siatare
uski gheri ankhoun main bus
jhaank k usko bol rahay thay
Gehri gehri ankhoun wali ..
Ham NA kehtay thay
Ab to so ja janay kab se jag rahi hy”
Wo hay panchi urr jaye ga
Jis k peechay bhaag rahi hy……
ham na kehtay thay...?
saari ghazlain,sari nazmain marr jati hain
gehri ankhain marr jati hain.....
Gehri gehri ankhoun wali ..
pagal Ladkee!!

[Zindagi]

Zabardast

[Seven Tiles]