!! ABBAS cOllection !! ToPIC muhabbat

**danger boy** · 14-07-2011, 03:44 AM

vry Nise janab bohat khoob likha aap ne

**abbas786** · 14-07-2011, 03:16 PM

poem # 10

Wo kehti hai,
"Suno jaanan! Mohabbat moum ka ghar hai,
Tapish-e-bud-gumani ki,
Kahin pighla na de is ko...?"

Main kehta hoon,
"Jis dil main zara bhi bad-gumani ho,
Wahan kuch aur ho to ho,
Mohabbat ho nahi sakti..."

Wo kehti hai,
Sada aise he kia tum mujh ko chaho ge?
K main is main kami koi bhi,
Gawara ker nahi sakti...!

Main kehta hoon,
Mohabbat kia hai ye tum ne sikhaya hai,
Mujhe tum se mohabbat k siwa,
Kuch b nahi aata...

Wo kehti hai,
Judai se bohat darta hai mera dil,
K khud ko tum se hat ker dekhna,
Mumkin nahi hai ab...

Main kehta hoon,
Yahi khadshe bohat mujh ko satate hain...
Magar sach hai mohabbat main,
Judai saath chalti hai...!

Wo kehti hai,
Batao kia mere bin jee sako ge tum...?
Meri baaten, meri yaaden, meri aankhen,
Bhula do ge...?

Main kehta hoon,
Kabhi aisi baat per socha nahi main ne,
Ager ek pal ko bhi sochon to,
Saansen rukne lagti hain...

Wo kehti hai
Tumhen mujh se mohabbat is qader kyon hai?
K main ek aam si larrki,
Tumhen kyon khaas lagti hon...?

Main kehta hoon,
Kabhi khud ko meri aankhon se tum dekho...
Meri dewaangi kyon hai,
Ye khud he jaan jao gi...!

Wo kehti hai,
Mujhe waraftgi se dekhte kyon ho...?
K main khud ko bohat,
Qeemti mahsoos kerti hoon...!

Main kehta hon,
Mata-e-jaan bohat anmol hoti hai,
Tumhen jub dekhta hoon,
Zindagi mahsoos kerta hoon...!

Wo kehti hai,
Mujhe alfaz k jugno nahi milte...
K tumhen bata sakon,
K dil main mere kitni mohabbat hai...!

Main kehta hoon,
Mohabbat to nigahon se jhalakti hai,
Tumhari khamoshi mujh se,
Tumhari baat kerti hai...

Wo kehti hai,
Batao na kiss ko khone se darta ho...?
Batao kon hai wo jise...
Ye mousam bulate hain...?

Main kehta hoon,
Yeh meri shayeri hai aaina dil ka...
Zara dekho batao kia,
Tumhen is main nazar aaya...?

Wo kehti hai,
Atif jee! Bohat baaten banate ho...
Magar sach hai ye baaten,
Bohat he shaad rakhti hain...!

Main kehta hoon,
Yeh sub baaten ye fasane ek bhana hain,
K pal kuch zindagani k,
Tumhare saath kat jayen...

Phir us k baad khamoshi ka,
Dilkash raqs hota hai,
Nigahen bolti hain aur,
Lub khamosh rehte hain...!!!

**abbas786** · 14-07-2011, 03:19 PM

poem # 11

Suno!....Naraz ho ham se!

suno....
Naraz ho ham se?
Mager ham wo haiN ke jin ko manana bhi nahi ata
Kisi ne aaj tak ham se Muhabbet ju nahi ki he
Muhabbet kis terah hoti he?
Hamare shehr ke atraaf maiN tu,
Sakht pehhra tha KhizaoN ka,
Aur iss shehr-e-preshaN ki faseelaiN,
Zerd belloN se Ladi theeN,
Aur un maiN na Khushboo thi,Na koi phool tum jesa
Mehk uthey hamare deedah-o-dill jis ki qurbet se,
ham aise shehr ki sunsaan galiouyN maiN
Kisi sokhe huwe werraN patte ki terah se they
Ke jab zaalim hawa ham per qadem rakhti
Tu us ke paoN ke neeche hamara dum nikal jata,
Mager pett jherr ka woh MOUSAM,
Suna he tal chuka ab tu,
Meger jo Haar hona thi,
So, woh tu ho chuki ham ko,
Suno!
Harey huwe logoN se tu rotha nahi kertey!!!

**abbas786** · 14-07-2011, 03:21 PM

poem # 12

e shiishe, ye sapne, ye rishte, ye dhage
kise kya Khabar hai kahaaN TooT jaayeN
muhabbat ke dariya meN tinke vafaa ke
na jaane ye kis moRh par doob jaayeN

ajab dil kii bastii, ajab dil kii vaadi
har ik moRh mausam na_ii khwahishoN ka
lagaaye haiN hum ne bhii sapnoN ke paudhe
mager kyaa bhrosaa yahaaN baarishoN ka

muraadoN kii manzil ke sapnoN meN khoye
muhabbat kii raahoN meN ham chal paRhe the
zaraa door chal kar jab aankheN khuliiN to
kaRhii dhoop meN ham akele khaRhe the

jinheN dil se chaaha jinheN dil se pooja
nazar aa rahe haiN vahii ajnabii se
rivaayat hai shaayad ye sadiyoN puraanii
shikaayat nahiiN hai ko_ii zindagii se

**abbas786** · 14-07-2011, 03:25 PM

poem # 13

Mohabbat Ki Dosri Adhuri Nazm

Mohabbat Zaat Hoti Hai

Mohabbat Zaat Ki Takmeel Hoti Hai

Koi Jungle Mai Jaa Thehrey

Kisi Basti Mai Bas Jaye

Mohabbat Saath Hoti Hai

Mohabbat Khushbooun Ki Ley

Mohabbat Mosamon Ka Dhan

Mohabbat Aabshaaron Ke Nikharte Paaniyon Ka Mann

Mohabbat Jungalon Mai Raqs Karti Morni Ka Tan

Mohabbat Barf Parti Sardiyon Mai Dhoop Banti Hai

Mohabbat Chilchilaatey Garm Sehraaon Mai Thandi Chaaon Ki Manind

Mohabbat Ajnabi Duniya Mai Apne Gaon Ki Manind

Mohabbat Dil

Mohabbat Jaan

Mohabbat Rooh Ka Darmaan

Mohabbat Moorti Hai

Aur Kabhi Jo Dil Ke Mandir Mai Kahin Per Toot Jaye To

Mohabbat Kaanch Ki Guriya

Fizaaon Mai Kisi Ke Haath Se Gar Chhoot Jaye To

Mohabbat Aabla Hai Karb Ka

Aur Phoot Jaye To

Mohabbat Rogg Hoti Hai

Mohabbat Sogg Hoti Hai

Mohabbat Shaam Hoti Hai

Mohabbat Raat Hoti Hai

Mohabbat Jhilmilaati Aankh Mai Barsaat Hoti Hai

Mohabbat Nend Ki Rut Mai Haseen Khuwabon Ke Raston Par

Sulagtey, Jaan Ko Aate, Ratâ€™jagon Ki Ghaat Hoti Hai

Mohabbat Jeet Hoti Hai

Mohabbat Maat Hoti Hai

Mohabbat Zaat Hoti Hai

(Farhat Abbas Shah)