Muhabbat ki aik nazm

[Zindagi]

Agar kabhi meri yaad aaye

Tau chaand raaton ki naram dil geer roshni main

Kisi sitaarey ko dekh lena

Agar voh Nakhl Falak se urr kar tumhaarey qadmon main aagirey Tau

yeh jaan lena

Voh ista'ara tha merey dil ka

Agar na aaye......

Magar yeh mumkin hi kis tarah hai keh tum kisi per nigaah daalo

Tau uski deewar e jaan na tootey

Voh apni hasti na bhool jaaye!!!

Agar kabhi meri yaad aaye

Gureiz karti hava ki lehron pey haath rakhna

Main khushbu'on main tumhein miloon ga

Mujhey gulaabon ki pattiyon main talaash karna

Main Oas qatron k aai-non main tumhein miloon ga

Agar sitaaron main, Oas qatron main khushbu-on main

Nah paao mujhko

Tau apney qadmon main dekh lena

Main gird hoti masafaton main tumhein miloon ga

Kahin pe roshan chiraagh dekho tau jaan lena

Keh har patangey k saath main bhi bikhar chuka hun

Tum apney haathon se un patangon ki khaak darya main daal dena

Main khaak ban kar samanderon main safar karoon ga

Kisi na dekhey huwe jazirey pe rukk kar tumhein sadaayen doon ga

Samandaron k safar pe niklo

Tau is jazirey pe bhi utarna...!!!

[R. M. Dixit]

Wah Mohterma kya
baat hai. Kaabile tareef,
baahtareen Nazm pesh ki
aapne. Khuda salamat rakhe aapko.

[Seven Tiles]

Wah...
Very Nice Sharing........

[Zindagi]

thanks