Chalo tum ko batate hain

[SenoriTa]

Chalo tum ko batate hain ..

Kay tum ko daikh kar dil nay
Kaha tum rishta-e-jaan say bhi barh kar ho
Dua ki sarhadon par
Jo ik adhoori hai mairi aisi tamanna ho
Mairay dil ka muqaddar ho
Kay tum ik roshni ban kar shifa le kar
Kabhi dast-e-maseeha ki tarha
Utray huye har zakhm-e-dil par ho
Chalo tum ko batatay hain
Kay tum eemaan hamaara ho
Siraaye dehar main andesha-e-zindgani main
Tum hi dil ka sahaara ho
Jo rooh ke aasman pay jagmagaya hai mohabbat say
Suhaani shaam ki chahaton ka pehla taara ho
Wafa ka isteaara ho
Tumhaaray qurb ki khushboo say pathhar ki tarha ham nay
Sulagti dhoop main phailaao paaya hai
Tumhaaray pyar kay rangeen kanwal thandi hawa say sarsaraatay hain
Ham saawan main bheegay pairron ko choo lain to
Tumhaaray lams ki khushboo kay lamhay jagmagatay hain
Chalo tum ko bata tay hain
Kay ham nay zindagi kay sab warq lay karr
Sab hi satron main likh li hai tamanna tum ko paanay ki
Zamanay bharr main shayad katib-e-taqdeer kay haathon
Mairay dill nay likh li hai tumhaari chah ki khuwahish
Tumhaari aarzooun ka jo ik idraak hai mujh main
Kissi main ho nahin Sakta
Tumhaari muskurahat ka ik armaan hai mujh main
Kissi main ho nahin sakta

Chalo tum ko bata tay hain!!!

[shm]

v nice
ye to m ny buhat pehly shuaa dijest m shamil ik novel m perhe the.
bt ab prhe to again yaad i.

[sarfraz_qamar]

superb choice

[Zindagi]

very nice

[Raniii]

wah..

[danger boy]

zabrdast

[*resham*]

نہت خوب

[SenoriTa]

thanks al

shmm mei ne khawateen se uthayi hai per

[Paras]

acha intikhab hai

[SenoriTa]

thanks..