'Meri zaat zarra.e.be nishan'

[Hidden words]

Main woh kis tarha say karon bayan,

jo kiye gay hain sitam yahan,

Sunay kon meri ye dastan,

koi ham nasheen ha na razdan,

Jo tha jhoot wo bna sach yahan,

nahi kholi main ne magr zuban,

Ye akela pan ye udasiyan,

meri zindgi ki hain tarjuman,

'Meri zaat zarra.e.be nishan',.,

Kbhi soni subha mein ghomna,

kabhi ujrri shamon ko dekhna,

Kbhi bhegi Aankhon say jagna,

kbhi bety lamhon ko sochna,

Mgar aik pal ha umed ka,

mujhe ha khuda ka jo Aasra,

Nahi main ne koi gila kia,

nahi main ne di hain duhaiyan,

'Meri zaat zarra.e.be nishan,.,

Main btaon kya mujhe kya mile,

mujhe sabr hi ka sila mile,

Kisi yaad hi ki rida mile,

kisi dard hi ka sira mile,

Kisi gham ki dil mein jaga mile,

jo mera ha wo mujhe aa mile,

Rahy shaad yonhi mera jahan,

yaqeen mein badle mera guman,

'Meri zaat zarra.e.be nishan,.,


Meri zaat zarra.e.be nishan'....