Woh Kehti Hay

[Seven Tiles]

Woh Kehti Suno Jana Mohabbat Moom Ka Gher Hai
Tapesh Ye Badgumani Ki Kahein Pighla Na Dey Is Ko
Mein Kehta Houn Key Jis Dil Mein Zara Bhi Badgumani Ho
Wahan Kuch Aur Ho Too Ho Mohabbat Ho Nahi Sakti
Woh Kehti Hai Sada Aysey Hi Kiya Tum Mujh Ko Chaho gey
Key Mein Is Mein Kami Bilkul Gawara Kar Nahi Sakti
Mein Kehta Houn Mohabbat Kiya Hai Yeh Tum Nay Sikhaya Hai
Mujhey Tumsey Mohabbat Kay Siwa Kuch Bhi Nahi Ata
Woh Kehti Hai Judaai Sey Bohot Darta Hai Mera Dil
Kah Khud Ko Tum Sey Hat Ker Dekhna Mumkin Nahi Hai Ab
Mein Kehta Houn Yahi Khadshay Bohot Mujh Ko Satatey Hain
Mager Sach Hai Mohabbat Mein Judaai Saath Chalti Hai
Woh Kehti Hay Batao Kiya Meray Bin Ji Sako gey Tum
Meri Batein Meri Yadein Meri Ankhein Bhula Do Gey
Mein Kehyta Houn Kabhi Is Baat Per Socha Nahi Mein Nay
Ager Ik Pal Ko Bhi Sochoun Tu Sansein Rukney Lagtein Hain
Woh Kehti Hai Tumhein Mujhsey Mohabbat Is Qader Kyun Hai
Key Mein Ik Aam Si Lerki Tumhey Kyun Khas Lagti Houn
Mein Kehta Houn Kabhi Khud Ko Meri Aankhon Sey Tum Dekho
Meri Dewangi Kyun Hai Yeh Khud Hi Jan Jao Gi
Woh Kehti Hai Mujhey Waaraf-Tagi Sey Dekhtey Kyun Ho
Key Mein Khud Ko Bohot Hi Kimti Mehsoos Kerti Houn
Mein Kehta Houn Matay Jaan Bohot Anmool Hoti Hai
Tumhey Jab Dekhta Houn Zindagi Mehsoos Kerta Houn
Woh Kehti Hai Mujhey Ilfaz Key Jugno Nahi Miltey
Tumhey Batla Sakoun Dil Mein Meray Kitni Mohabbat Hai
Mein Kehta Houn Mohabbat Tu Nigahoun Sey Chalakti Hai
Tumhari Khamoshi Mujhsey Tumhari Baat Kerti Hai
Woh Kehti Hai Batao Na Kissey Khoney Sey Dertey Ho
Bataona Kon Hai Woh Jis Ko Yeh Mosam Bulatey Hain
Mein Kehta Houn Yeh Meri Shairi Hai Ayna Dil Ka
Zara Dekho Bao Kiya Tumhein Is Mein Nazer Aya
Woh Kehti Hai Key Suniye Ji Bohot Batein Banatey Ho
Megar Sach Hai Key Batein Bohot Shaad Rakhtein Hain
Mein Kehta Houn Yeh Sab Batein Fasana Ik Bahana Hai
Key Pal Kuch Zindagani Key Tumharey Saath Kat Jaye
Phir Us Key Baad Khamoshi Ka Dilkash Raks Hota Hai
Nigahein Bolein Hain Aur Lab Khamosh Rehtey Hain