Aehmaq Musafir, Andha Talib-e-Ilm

[Lost Passenger]

Assalam-o-Alaikum

Koi maney ya na maney laikin is haqiqet se inkar mumkin nahi k ye ek talkh sachai hey k hum min hasul qaum aisey hi hai'n k bajaye is k keh hum Allah k hazoor apni khataoo'n ki tobha krai'n hum us ki dalil daitey hai'n aur kehtey hai'n k uzr-e-gunha bedter as gunha hota hey



Aehmaq Musafir, Andha Talib-e-Ilm



Aaj ka din kuch ajeeb sa hey, ya phir yoo’n kahai’n tu zyadha munasib hoga k mood kuch ajeeb sa hey,ek afsurdagi si tari hey,aisa nahi hey k main aaj yaha’n pehli bar aaya hoo’n main yaha’n kai bar aa chukka hoo’n kabhi kisi apney ko kandha daitey huwey tu kabhi kisi janey waley k liye kalma-e-shahadet perhtey huwey mager ye ek haqiqet hey k aaj sey pehley kabhi main ney ye nahi socha tha k khud mujhey bhi tu ek din yaha’n aana hey aisey hi logoo’n ney mairey jasd-e-khaki ko uthya huwa hoga phir mujhey qaber main utar diya jaye ga aur phir upper sey wazni slabs rakh diya jai’nge,main waha’n akaila reh jaoo’n ga aur phir…………..phir kia hoga? Phir wo hoga jis k barey main main janta tu hoo’n, jis ka main zuba’n sey iqrar bhi kerta hoo’n jis k barey main baat kertey huwey main fasahet aur balaghet k derya baha daita hoo’n mager………….mager dil sey iman nahi lata, main ney shayed aaj pehli bar puri imandari sey apni zat ka tajziya kia hey aur….. aur mujhey khud sey ghin aarahi hey main tu dunya ki ghilazet main lithra huwa ek ghaliz tareen insane hoo’n jo her ghalet kaam ki koi na koi dalil dhond laita hey na janey aaj tek main kisey dhoka daita aaya hoo’n aaj ye aehsas ho raha hey k main tu us aehmaq musafir ki terha hoo’n jis ka safer us k sir pe hey mager wo zad-e-rah ki taiyari ki bajaye taveel aaram kerney ki soch raha hey,aaj ye aehsas huwa k mairi haisiyet tu us andhey talib-e-ilm ki si hey jisey ye bhi bata diya jaye k paper main kia kia sawal pochey jai’n ge aur un k jawabat bhi bata diye jai’n mager wo un ki taiyari kerney ki bajaye kisi aur hi taiyari main mashghol rahey aur aaj khayal aaya hey tu shyed kafi waqt beet chukka hey main kia karoo’n?.............ye sawal mustaqil mairey dimagh main gardish ker raha hey waqt ka bhi pata nahi kon janey kab whistle ho aur gari rawana ho jaye kab mumtahin paper k ikhtitam ka elan kerdey maira dil dard se phata ja raha hey apni ghaflet aur gunahoo’n ka ahsas mairi reg reg main saraiyet ker raha hey mairi aankhoon sey aansoo behney lagey hain in main koi ria kari nahi shayed ye is umeed pe us Rab-e-kainat k hazoor beh rahey hain k shayed abhi mujh aasi k liye tuba ka derwaza band na huwa ho aur main is yaqee’n k sath us malik k hazoor sajdha raiz honey ki soch raha hoo’n k wo tu ek Maa k muqabley main apney bandey se 70 derjey zyadha muhabbet kerta hey mujhey kyoo’n maaf na kerey ga mager is wadey k sath k aaindh hamisha wohi kerney ki puri koshish karoo’n ga k jis ka hukm hey.

[Vampire]

Walaikumusalam

waqai aik talakh sachayi hai
Insaan ko khud b us insan ki jagah khud ko rakh k dekhna chahiye jiska duniyavi safar khatam hogaya hai
lakin maine aksar dekha hai k kuch dino tak asar rehta hai phir wohi zindagi main ajata hai insaan

acha likha hai ap ne
keep writing

[ikram ullah]

Very nice sharin

[~Maliha~]

buhat khoob likha aap nay wakayi aisa hi haii aur is mai mein khud bhi shamil hon har baat ki daleel khud ko de kar dil ko to mutmaeen kar liya par kiya wakayi hum mutmaeen hain? lamha fikar aa chuka hai bas zrorat hai himmat aur mustaqil mizaji ki
Allah SWT sab ko apni janab se aqal day aur seedhi rah par chalaey Ameen

[ch kashif]

Walaikumusalam good sharing

[Falling Tears]

Allah humai naik amal krnay ki taufeeq ata farmaey (Ameen)

[Raniii]

khoob.

[T@nHA.D!L]

Walaikumusalam

waqai aik talakh sachayi hai

bht acha likha hai

[*jamshed*]

[Lost Passenger]

Walaikumusalam

waqai aik talakh sachayi hai
Insaan ko khud b us insan ki jagah khud ko rakh k dekhna chahiye jiska duniyavi safar khatam hogaya hai
lakin maine aksar dekha hai k kuch dino tak asar rehta hai phir wohi zindagi main ajata hai insaan

acha likha hai ap ne
keep writing

Hosla afzai k liye buhat shukria Vampire
hamaisha khush aur salamet raho
Ameen