مجروح سلطانپوری کی ایک خوبصورت غزل

[sarfraz_qamar]

مجروح سلطانپوری کی ایک خوبصورت غزل

جب ہوا عرفاں تو غم آرامِ جاں بنتا گیا
سوزِ جاناں دل میں سوزِ دیگراں بنتا گیا

رفتہ رفتہ منقلب ہوتی گئی رسمِ چمن
دھیرے دھیرے نغمۂ دل بھی فغاں بنتا گیا

میں اکیلا ہی چلا تھا جانبِ منزل مگر
لوگ ساتھ آتے گئے اور کارواں بنتا گیا

میں تو جب جانوں کہ بھر دے ساغرِ ہر خاص و عام
یوں تو جو آیا وہی پیرِ مغاں بنتا گیا

جس طرف بھی چل پڑے ہم آبلہ پایانِ شوق
خار سے گل اور گل سے گلستاں بنتا گیا

شرحِ غم تو مختصر ہوتی گئی اس کے حضور
لفظ جو منہ سے نہ نکلا داستاں بنتا گیا

دہر میں مجروح کوئی جاوداں مضموں کہاں
میں جسے چھوتا گیا وہ جاوداں بنتا گیا

[Zindagi]

nice

[T@nHA.D!L]

بہت خوبصورت انتخاب ھے- شکریہ

[~Maliha~]

[Vampire]

wah bohat aala

[Hidden words]

bohaat khubsurat

[*jamshed*]

بہت خوبصورت انتخاب ھے- شکریہ

[yawar azeem]

waah bohat umda ghazal.

[sarfraz_qamar]

sab ka shukriyaa