kaha men ne kab mal o zar de k jatey
mohabbat k zinda'n men dar de k jatey

kari dhoop men chor kar tum gaye ho
koi sayeba'n koi ghar de k jatey

men kab rok pati tera rakhsh e wehshi
agar jana hi tha khabar de k jatey

men chiryon ko dana khilaya to karti
mujhey koi aangan shajar de k jatey

mujhey tujh se koi shikayat na hoti
mujhey koi dhoka agar de k jatey

men sabir sahi Noor pochon gi us se
mere sabr ka kuch samar de k jatey