Tumhain kitna ye bola tha...

[Unsaid words]

Tumhain kitna ye bola tha,
K meri zindagi me,
Is tarah shamil nahi hona,
Jab aankhain subha ko kholun,
Pukarun naam me tera,
Kabhi jab aayina dekhaun,
Tumhara aks,
Meri aankh ki putli me jam jaye,
Khushi mujh ko milay koi,
Tumhara sath me dhundun,
Dukhon me bhi yahi chahun,
K mere pas ho bus tum,

Tumhain kitna ye bola tha ...!
Mujhay badal se baarish se,
Muhabbat hai hamesha se,
Magar tum ne muhabbat ko,
Junoon me kyun badal dala,
K ab barish k mosam me,
Tumhi ko dhundta kyun hun,
Inhi sochon me bheega hun,
Me tanha bheegta kyun hun,

Tumhain kitna ye bola tha...!
Meri aadat nahi badlo,
Meri khatir nahi badlo,
Magar tum ne badal dala,
Mera sab kuch badal dala,
Me ab jo khud ko takta hun,
Mujhay tum yaad aati ho,

Tumhain kitna ye bola tha ...!
Mujhay tum yaad mat aana,
K tum ko bhoolna wese hi,
Mere bas se baahir hai,
Mujhay jab yaad aati ho,
To ye mehsoos hota hai,
Mujhay tum yaad karti ho,

Tumahin kitna ye bola tha...!
Meri is zindagi me is tarah,
Shamil nahi hona,
Yaad hai na...!
Tumhain kitna ye bola tha...!

[Raniii]

khooooob

[Shahzar]

Umdah!

[Hidden words]

[Unsaid words]

thanks sb ka

[Arslan]

/up
Ahan !!

[Zindagi]

[near2moon]

kia lajawab nazam share ki hy ,
bohat khush rahin
bohat shukria

[Unsaid words]

bohat shukria sb