khushbu,

**Zindagi** · 28-05-2012, 01:55 AM

badan say uth ti thi us ki khushbu ,saba k lahjay main bolta tha
yea meri ankhain thi us ka bister, wo meray khawabon main jaagta tha
~ ~** ~ ~**~ ~** ~ ~**~ ~

haya say palkain jhuki hui thin ,hawa ki saansain ruki hui thin
wo meray seenain main sir chupayay, na janain kia baat sochta tha
~ ~** ~ ~**~ ~** ~ ~**~ ~

koi tha chashm_e_karam ka taalib , kisi pay shoq_e_wisaal ghalib
sawaal phailay thay char jaanib , bas ek main tha jo chup khara tha
~ ~** ~ ~**~ ~** ~ ~**~ ~

ajeeb sohbat ajeeb rut thi ,khamosh baithay huay thay hum donon
main us ki awaz sun raha tha ,womeri awaz sun raha tha
~ ~** ~ ~**~ ~** ~ ~**~ ~

bahar aai to titliyon k paron main rangon k khawab jaagay
or ik bhanwra kali kali ka labon ko rah rah k choomta tha
~ ~** ~ ~**~ ~** ~ ~**~ ~

wo or hon k jin ko ,AMJAD, nayay manazir ki chah ho gi
main us k chahray ko daikhta hon, main us k chahray ko daikhta tha