Meri Apni Khataa Hai Baba, Tera Kiya...!

[Saya]

Meri Apni Khataa Hai Baba, Tera Kiya

Mera Dukh Mera Hai Baba, Tera Kiya,

Mere Paas Na Bayth, Tu Apna Rastaa Le

Dil To Mera Toota Hai Baba, Tera Kiya,

Kiyoon Hai Parai Aag Ki Tujhe Itni Fikar

Ghar Mera Jalta Hai Baba, Tera Kiya,

Us Ko Bair Agar Mujh Se Hai Hone De

Woh Mera Apna Hai Baba, Tera Kiya,

Us Ka Hansna Rone Se To Behtar Hai

Woh Mujh Pe Hansta Hai Baba, Tera Kiya,

An Ban Apne Aap Se Hai ya Duniya Se

Yeh Mera Jhagra Hai Baba, Tera Kiya,

Chotaa Saa Ghar Aur bari Si Tanhai

Yeh Meri Duniya Hai Baba, Tera Kiya,

Naap Rahaa Hai Kiyoon Tu, Aunche Ohdon Se

Mera Qad Chota Hai Baba, Tera Kiya,

Jaisa Bhi Hai Us Mein Naqli Pan To Nahi

Yeh Mera Chera Hai Baba, Tera Kiya,

Lafzun Kay Ras Gullay Mere Paas Nahi

Talkh Agar Lehja Hai Baba, Tera Kiya,

Dhundla Pan Hai Aye "Qaisar" Ya Ujla Pan

Mera Ayena Hai Baba, Tera Kiya....!

[Hidden words]

wah,bohaat umda
keep posting

[Zindagi]

buhat khub

[sarfraz_qamar]

Bohatt aallaa