Haqeeqat Jan Ker Aisi Hamaqat kon Karta Hay?
Bhala Be-Faiz Logon Se Muhabbat Kon Karta Hay?

Batao Jis Tijarat MainKhasara Hi Khasara Ho
Bina Sochay Khasaray Ki Tijarat Kon Karta Hay?

Hamain Hi Ghalat Fehmi Thi Kisi K Wastay Warna
Zamanay K Riwajon SeBaghawat Kon Karta Hay?

Khuda Nay Sabar Karnay Ki Mujhay Taufeeq Bakhshi Hay
Tum Jee Bhar K Tarpao, Shikayat Kon Karta Hay?

Zamanay Ki Ni gahon Se Dilon K Bhaid Mehfi Hain
Khaloos-E-Dil Se Rab Janay Ibadat Kon Karta Hay?