میں کمسنی کے سبھی کھلونوں میں یوں بکھرتا جواں ہوا تھا
میں کمسنی کے سبھی کھلونوں میں یوں بکھرتا جواں ہوا تھا
اے دل میں تیرے حسیں خیالوں سے ڈرتا ڈرتا جواں ہو تھا
۔
مجھے ستاروں کی گردشوں سے ڈرائے گا کیا نصیب میرا
کہ میں بگولوں کے ساتھ صحرا میں رقص کرتا جواں ہوا تھا
۔
بڑا تعجب ہے، تیری آنکھوں کی اک تجلی سے جل گیا ہوں
وگرنہ شعلوں کی آنکھ پر میں گراں گزرتا جواں ہوا تھا
۔
اُسی جوانی نے رنگ دی ہے مری جوانی کی ہر نشانی
میں جس جوانی میں زندگانی کے رنگ بھرتا جواں ہوا تھا
۔
جو آج سینے کے ایک کونے میں خامشی سے پڑا ہوا ہے
یہ دل ثریا کے پار دنیا میں پاؤں دھرتا جواں ہوا تھا
۔
نہیں اچنبھے کی بات کوئی جو تجھ پہ ممتاز مر مٹا ہے
یہ شخص پہلے بھی تیری پائل پہ مرتا مرتا جواں ہوا تھا
Reply With Quote
Re: میں کمسنی کے سبھی کھلونوں میں یوں بکھرتا جواں ہوا تھا
