Hijaab Ankhen

[Danyal]

Gulaab Ankhen, Sharaab Ankhen,
Yehi To Hain Lajawaab Ankhen,

Innhi Mai Ulfat, Innhi Mai Nafrat,
Sawaab Ankhen, Azaab Ankhen,

Kabhi Nazar Mai Balaa Ki Shokhi,
Kabhi Sarapaa Hijaab Ankhen,

Kabhi Chupati Hain Raaz Dil Ka,
Kabhi Hain Dil Ki Kitaab Ankhen,

Kisi Ney Dekhi To Jheel Jesi,
Kisi Ne Paaen Saraab Ankhen,

Main Saraapa-E-Sajda Tha Maikaday Main,
Thien Zehn-o- Dil Main Sharaab Ankhen,

[Seven Tiles]

Nice.....