Dard Rehta Hai Be-karaN Muj Mein....[Ghazal]

[armaghan2]

Aa basi koi kehkshaaN muj me...
dard rehta hai be-karaaN muj me...

khud ko dhoundoN me kis jaga ja k...
tu basa hai kahaaN kahaaN muj me...

askh bantay hen jaam-e-jam mere...
raaz hotay hen youN ayaaN muj me...

phir se dhounday hai muj ko charagar...
phir se bikhri hai meri jaN muj me...

Rozz jaltaay hen hijrr kay badal...
rozz rota hay aasmaaN muj me...

zehr rag rag me ab bhi chalta hai...
is qadar heiN tere nishaaN muj me...

koi thak sa gaya musafat sayy...
koi phirta hai neem jaaN muj me...

kis k aansu hen shab k takiyay pe...
kon rota hai be-zubaaN muj me...

Hassnain Shami