محبت تم نے کی ہوگی

[Zindagi]

جو تم کہتے ہو تو میں مان لیتی ہوں
محبت تم نے کی ہوگی
مگر جاناں!
محبت سلسلہ در سلسلہ اپنے تقاضوں میں مقیٌد ہے
تمہیں بھی تو پتہ ہوگا؟
اگر محبوب کے ماتھے پہ آئے اک شکن تک بھی
دراڑیں اَن گِنت سی چاہنے والے کے دل پر بھی اُبھر آئیں
لبوں کی مسکراہٹ توڑ دے دَم،
دھڑکنیں بے دَم سی ہوجائیں
انا محبوب کے پیروں تلے رکھ کر لگے معراج پالی ہے
لگے جاں آئینہ خانے میں تنہا ڈولتی، چاروں طرف بے کل سی پھرتی ہے
سبھی آئینوں میں محبوب کا پیکر دکھائی دے
بچھڑ کے اس سے کچھ بھی نہ سجھائی دے
ہتھیلی پر لیے آنکھیں ، قدم جب بھی اٹھیں تو اس کی جانب ہی سدا اٹھیں
اسے رب کی جگہ مت دو مگر۔۔۔۔۔۔۔۔۔۔۔۔۔۔۔۔
رب سے اسے کم تر بھی مت جانو
یہ تن مٹی میں مٹی کرکے بھی اس کو منانا جو پڑے تم کو
منالینا۔۔۔۔۔۔۔۔۔۔گلے اس کو لگا لینا
ذرا بتلاؤ گے جاناں!
کہ تم ان انتہاؤں کے سفر میں کس جگہ پر ہو؟
مگر چھوڑو۔۔۔۔۔۔۔۔۔۔۔۔۔۔۔
جو تم کہتے ہو تو میں مان لیتی ہوں
محبت تم نے کی ہوگی

[Kunwal]

such a heart touchingggggggggggggggg

just just justtttttttt BEAUTIFULLLLLL

انا محبوب کے پیروں تلے رکھ کر لگے معراج پالی ہے

[Zindagi]

Thanks

[Vampire]

bohat zabardast

[captain planet]

khooob

[Zindagi]

thanks

[naz]

vnice