Roz Taaron Ki Numaish Main Khalal Parta Hai

Chaand Pagal Hai Andhery Main Nikal Parta Hai

Aik Deewana Musafir Hai Meri Ankhon Main

Waqt Be-Waqt Thehr Jata Hai Chal Parta Hai

Apni Tabeer K Chakar Mein Mera Jagta Khawab

Roz Suraj Ki Tarha Ghar Se Nikal Parta Hai

Roz Pathar Ki Himayat Me Ghazal Likhtay Hain

Roz Sheeshon Se Koi Kam Nikal Parta Hai

Us Ki Yaad Ai Hai Sanso Zara Ahista Chalo

Dharkano Se Bhi Ibadat Main Khalal Parta Hai...