اے عشقِ جنوں پیشہ

[sarfraz_qamar]

اے عشقِ جنوں پیشہ


ــــــــــــ ــــــــــــ ــــــــــــ ـــــ

عمروں کی مسافت سے
تھک ہار گئے آخر

سب عہد اذیت کے
بیکار گئے آخر

اغیار کی باہوں میں
دلدار گئے آخر

رو کر تری قسمت کو
غمخوار گئے آخر

یوں زندگی گزرے گی
تا چند وفا کیشا

ــــــــــــ ــــــــــــ ــــــــــــ ـــــــــ

وہ وادئ کلفت تھی
یا کوہِ الم جو تھا

سب مدِّ مقابل تھے
خسرو تھا کہ جم جو تھا

ہر راہ میں ٹپکا ہے
خوننابہ بہم جو تھا

رستوں میں لٹایا ہے
وہ بیش کہ کم جو تھا

نے رنجِ شکستِ دل
نے جان کا اندیشہ

ــــــــــــ ــــــــــــ ـــــــــــ

کچھ اہلِ ریا بھی تو
ہمراہ ہمارے تھے

رہرو تھے کہ رہزن تھے
جو رُوپ بھی دھارے تھے

کچھ سہل طلب بھی تھے
وہ بھی ہمیں پیارے تھے

اپنے تھے کہ بیگانے
ہم خوش تھے کہ سارے تھے

سو زخم تھے نس نس میں
گھائل تھے رگ و ریشہ

ــــــــــــ ــــــــــــ ــــــــــــ ـ

جو جسم کا اندھن تھا
گُلنار کیا ہم نے

وہ زہر کہ امرت تھا
جی بھر کے پیا ہم نے

سو زخم ابھر آئے
جب دل کو سیا ہم نے

کیا کیا نہ Ù…Ø+بت Ú©ÛŒ
کیا کیا نہ جیا ہم نے

لو کُوچ کیا گھر سے
لو جوگ لیا ہم نے

جو کچھ تھا دیا ہم نے
اور دل سے کہا ہم نے

رکنا نہیں درویشا

ــــــــــــ ــــــــــــ ــــــــــــ ــــــ

یوں ہے کہ سفر اپنا
تھا خواب نہ افسانہ

آنکھوں میں ابھی تک ہے
فردا کا پریخانہ

صد شکر سلامت ہے
پندارِ فقیرانہ

اس شہر خموشی میں
پھر نعرہِ مستانہ

اے ہمّتِ مردانہ
صد خارہ و یک تیشہ

اے عشقِ جنوں پیشہ
اے عشقِ جنوں پیشہ





شاعر اØ+مد فراز

[Zindagi]

[SenoriTa]

wah kya baat hai zabrdasttt

[sweet-fairy]

bht umda

[Vampire]

bohat zabardast

[T@nHA.D!L]

▼B•O•H•T♥K•H•O•O•B▼
â–¼Acha Intikhab Hai Hamarey Sath Share Karne K Liyeâ–¼