My Collection

[Mohammad Sajid]

Ye Aankhein To Barasti Hain Aur Najaane Kab Tak Barasti Rahein

Shayad Ta Qayamat Ye Saawan Na Bujhe

Suno Jaana Ab Tum Laut Ke Mat Aana Kyun Ke Doobara Mill Ke

Bicharne Ka Dukh Bohot Azziyat Naak Hota Hai

Tum Jaao Aur Apni Dunya Main Khush Raho

Ke Mujhe Yun Hi Tanha Tanha Pagal Pagal Rehne Do

Mujhe Apni In Aankhon Ke Saawan Se Ishq Ho Chala Hai

Ye Barasti Hain To Mujhe Sukoon Milta Hai

Suno Jaana Tum Ab Laut Ke Mat Aana

[Mohammad Sajid]

Us Ne Mujhe Mohobbat Main Zinda Jala Diya Hai Magar

Sachi Mohobbat Karne Waale Kabhi Marte Hi Nahin Usay Kehna

Har Taraf Tanhaayi Hai Har Taraf Khamoshi Hai

Main Phir Bhi Nahin Hoon Tanha Usay Kehna

Yaadein Aaj Bhi Us Ki Meri Rooh Ko Roshan Rakhti Hain

Sadiyon Se Jall Raha Hai Koyi Tanha Usay Kehna

Us Ko Bhulaaoun To Kaise Bhulaaoun Main

Naam Us Ka Mere Dil Pe Likha Hai Usay Kehna

Maut Bhi Nahin Aati Mujhe Tere Gham_E_Hijr Main

Sachi Mohobbat Ki Milli Hai Mujhe Saza Usay Kehna

Barsaat To Ruk Hi Jaati Hai Zara Si Dair Baras Kar

Sajid Ki Aankhon Ka Sawan Ab Tak Nahin Bujha Usay Kehna

KHUDA Dushman Ko Bhi Ye Mohobbat Ka Rog Na Lagaaye

Dua Main Wo Haath Uthaaye Usay Kehna

Ab Jism Jale Rooh Jale Yaa Jale Meri Zindagi

Hijr Main Sub Kuch Parta Hai Sehna Usay Kehna

Aankhein Thak Si Gayi Hain Teri Raah Takte Takte

Aankhon Main Ab Ik Toofaan Hai Usay Kehna

Ye Dukh Bhi To Qayamat Se Kam Nahin Sajid

Aankh Se Ashk Nahin Lahoo Barasta Hai Usay Kehna

[Mohammad Sajid]

Najaane Ye Kaisa Faisla Ho Gaya

Wo Meri Zaat Se Juda Ho Gaya

Wo Jo Meri Rooh Ka Saathi Tha

Wo Mujh Se Door Ho Gaya

Tanhaaiyaan Bhi Ajeeb Hain

In Hijr Ki Raaton Main Sajid

Jis Wehshat Se Main Bhaagta Tha

Wohi Mera Naseeb Ho Gaya

Khawab Kaise Kaise Us Ne

Meri Aankhon Main Jagaaye Thay

Un Khawabon Main Tujhe Dhoondna

Ab Meri Taqdeer Ho Gaya

Ab Bhi Waqt Hai Usay Jaa Ke Kaho

Ke Laut Aaye Wo

Ab Is Saans Ki Daur Ko Sajid

Sambhaalna Mushkil Ho Gaya

[Mohammad Sajid]

Main Bohot Thak Chuka Hoon Tere

Khayaal Ke Raaste Pe Chal Chal Ke

Tere Hijr Main Jo Aziyatein Milli

Unhein Seh Chuka Hoon Tarap Tarap Ke

Mohobbat Marti Nahin Maar Deti Hai

Mujhe Ye Raaz Pata Chala

Khud Ko Tujh Se Juda Kar Kar Ke

Tere Intezar Main Har Shaam

Chokhat Par Diye Jalaana Main

To Fanaa Ho Gaya Teri Yaad Main

Raaste Saja Saja Ke

Mohobbat Teri Apni Jaga Sajid

Par Wafa Ki Umeed Na Rakh

Ye Baat Pata Chali Mujhe

Tujhe Aazma Aazma Ke

Ashk Nikle To Cheekh Uthi Hasratein Tumaam

Khawahishon Ko Mitaaya Maine Khud Ko Maar Maar Ke

Jis Ki Aankh Se Nikle Ek Aansoo Par

Main Tarap Jaaya Karta Tha

Us Ne Mujhe Khushi Bhi Di To Rula Rula Ke

Kal Aayine Ki Bhi Maine Kirchiyaan Kirchiyaan Kar Daali

Har Baar Rulaata Tha Mujhe Aks Us Ka Dikha Dikha Ke

Kal Is Shiddat Se Wo Mujhe Yaad Aaya Ke Raha Na Gaya

Kar Diya Khud Ko Lahoo Lahoo Deewaron Pe Haath Utha Utha Ke

Kal Kisi Ne Poocha Us Ke Hijr Main Kiya Karte Ho Sajid

Num Aankhon Se Hum Ne Kaha

Naam Us Ka Likhte Hain Rait Pe Mita Mita Ke

[Mohammad Sajid]

Main Aisa Musafir Hoon Jis Ki Koyi Manzil Nahin Hai

Tanha Bhatak Raha Hoon Lekin Kuch Haasil Nahin Hai

Kahan Jaa Ke Kahoon Main Apni Daastaan

Koyi Bhi Sunne Waala Apna Nahin Hai

Tanha Tanha Kahan Kahan Nahin Bhatka Main

Lekin Raasta Dikhaane Waala Koyi Jugnoo Nahin Hai

Tumhari Yaad Main Dunya Se Gaafil To Main Pehle Hi Tha

Lekin Ab Tumhare Dil Tak Pohonchne Waala Koyi Raasta Nahin Hai

Kitne Khawab Sajaaye Thay Tumhare Saath Rehne Ke

Lekin Un Khawabon Ko Poori Karne Waali Koyi Taabeer Nahin Hai

Tanha Phirta Rehta Hoon Main Har Pal Sehra Main

Mere Dil Ki Pyaas Bhujaane Waala Koyi Saahil Nahin Hai

Tumhari Yaad Main Bhaita Rehta Hoon Sahil_E_Samandar Ke Paas

Lekin Hawa Keh Jaati Hai Ke Wo Ab Tera Nahin Hai

Haathon Ki Lakeeron Main Dhoondne Ki Koshish Karta Hoon Tumhein

Lekin Haathon Ki Lakeeron Main Kuch Likha Hi Nahin Hai

KHUDA Ne Na Jaane Kaun Sa Naseeb Diya Hai Mujh Ko

Jo Meri Zindagi Main Khushi Ka Ek Pal Bhi Nahin Hai

Ab Sochta Hoon Bhula Doon Tumhari Yaadon Ko Apne Dil Se

Lekin Tum To Meri Dharkan Ho Dil Main Kuch Rakha Hi Nahin Hai

Tumhare Naam Kiya Tha Maine Zindagi Ka Ek Ek Pal

Lekin Ab Tumhare Bina Zindagi Ka Ek Pal Guzarta Bhi Nahin Hai

Is Qadar Pyar Ab Bhi Hai Tum Se O Sanam Bewafa

Ke Tumhari Yaadon Main Tumhara Deewana Zinda Aaj Bhi Hai

Bhatak Rahi Hai Dunya Meri Tumhari Raahon Main

Ke Mere Qadam Dhoondte Tumhare Nishaan Aaj Bhi Hain

Mohobbat Main Wafa Ke Naam Pe Bohot Bara Dhoka Khaaya Hai Maine

Koyi Mujhe Dekhe To Kehta Hai Ke Tu Us Bewafa Ka Deewana Aaj Bhi Hai

Kaanton Main Kabhi Na Uljhe Mere Yaar_E_Bewafa Ka Daaman Sajid

KHUDA Se Us Ke Liye Meri Ye Dua Har Pal Aaj Bhi Hai

[Mohammad Sajid]

Aaj Khoon Ke Aansoo Rula Diya Us Ne

Jisay Khud Se Zyaada Chaha Tha Hum Ne

Zamaana Bhi Humdard Ban Gaya Mera Ye Haal Dekh Kar

Kaash Mohobbat Bedard Dil Se Na Ki Hoti Hum Ne

Judaayi Ka Har Lamha Sadiyon Sa Lagta Hai

Kaash Ye Baat Pehle Khud Ko Samjha Li Hoti Hum Ne

Mohobbat Bhala Kahan Paati Hain Manzilein Apni

Kaash Raaston Ko Ye Baat Bata Di Hoti Hum Ne

Bhatak Jaaoun To Koyi Raasta Dikha De

Ab To Ye Aas Bhi Gawa Di Hai Hum Ne

Teri Aankhon Ke Haseen Faraibon Ki Kasam

Ab Kabhi Ishq Na Karein Ge Hum

Ye Baat Aaj Dil Ko Sajid Samjha Di Hai Hum Ne

[Mohammad Sajid]

Sajid Jisay Tum Raahat_E_Jaan Samajhte Thay

Wo To Azaab_E_Jaan Nikla

Jisay Tum Sukoon_E_Zindagi Samajhte Thay

Wo To Zindagi Ko Be Sukoon Kar Gaya

Bolo Ab Kiya Karna Hai

Rona Hai Yaa Marna Hai

Tumhare Bus Main Kuch Nahin

Tum Ko Mohobbat Ne Itna Nidhaal Kar Diya

Ke Tumhein Apni Khabar Nahin

Sadiyon Jaise Safar Ko Akele Kaise Kaato Ge

Tanhaayi Dass Le Gi

Us Ke Hijr Main Tum Waise Hi

Zinda Laash Jaise Ho

Aag Se Mat Khelo

Khawab Jall Chuke Hain

Magar Zindagi Parri Hai

Umar Ka Ik Lamba Safar Tay Karna Hai

Meri Maano Usay Bhool Jaao

Maazi Main Kuch Nahin Rakha

Siwaaye Kuch Yaadon Ke

Ashkon Ke Azaabon Ke

Jisay Tumhari Parwah Nahin

Kyun Us Ke Peeche Tarapte Ho

Mohobbat To Saza Hai

Wafa Nahin Milti

Saare Aalam Main Dhoond Lo

Chahat Kisi Par Nahin Khulti

Meri Maano Jis Ne Tumhein Chor Diya

Tum Bhi Usay Ab Chor Do

Jis Ne Tumhein Bhula Diya

Tum Bhi Ab Usay Bhula Do

Us Ki Yaadon Ka Har Ik Naqsh Mita Do

Sajid Ab To Usay Bhula Do

[Mohammad Sajid]

Sajid Jisay Tum Mohobbat Kehte Ho

Wo To Bus Sirf Ik Tijarat Hai

Dilon Ka Soda Hai

Ashkon Ka Azaab Hai

Hijr Main Qayamat Jaisi Lambi Raatein Hain

Khawab To Saare Jall Jaate Hain

Pal Main Apne Badal Jaate Hain

Zamaane Main Ruswaayi Milti Hai

Magar Koyi Kyun Fikar Kare

Chahat To Tumhari Hai

To Ye Rona Kaisa Kisi Ki Bewafayi Par

Khud Ko Is Tarah Tarpaana Kyun

Veerane Main Aansoo Bahaana Kyun

Ye Mohobbat To Tijarat Hai

Apni Mohobbat Ko Bech Kar

Ruswaayi Ashk Azaab_E_Hijr

Azaab_E_Jaan Qayamat Bhari Raatein

Tum Khud Khareedte Ho

To Ye Mohobbat Kaisi

Mohobbat Ka Badle To Mohobbat Milti Hai Na

Lekin Dekho Mohobbat Main Kiya Kiya Milta Hai

Pal Pal Ka Tarapna Bekaar Jaata Hai

Tumhare Aisa Karne Se Kisi Ko Parwah Nahin Hoti

Sajid Ye Mohobbat Nahin Sirf Tijaarat Hai

[Mohammad Sajid]

Kitne Barbaad Huye Is Anna Ki Khaatir

Jin Main Ik Naam Sajid Ka Bhi Tha

[Mohammad Sajid]

Dukh To Kuch Kam Ho Jaata Hai Aansoo Bahaane Se Sajid

Magar Ye Zakham Gehre Daag Chor Jaata Hai