Writers Club competition October 2012

[Falling Tears]

Is maah ap ko jo tehreer share krni hay us ka topic 'zameer' hu ya phir us mai 'zameer' ka lafz shamil hona chahyay.

Rules:
Last Date 20 october 2012 hay
Sharing edit nahi kar saktay
Faisla 50 % Polling or 50 % Admin team par depend karay ga.

[Cute PaRi]

walikumsalam je ok
Falling Tears

[мιѕнααℓ]

Walaikum Assalam
yeh again?
Hmm...ok

[*miss TiP tOp*]

Duniya kay bazaar mai Sheeraz nay apna zameer baicha tha....Uss nay apna sab say mehanga asaasa sab say "sasta" samajh kar diya tha...Ussay "zameer"k badlay "laakhon" milay....Yeh daam Sheeraz ko accha soda laga....Duniya kay bazar mai Zaini nay apni "Hayaa" rakh di thi....Uss nay apnay sab say qeemti asaasay ko "qeemti" samajh kar hi diya tha...Ussay "haya" k badlay "karoron" milay.....Jo bhi daa...m milay woh Zaini ko hamesha ghaatay ka soda hi laga.

Aansoo ab kia thamtay....Pachtawa ab kia jata....Uss raat woh saari naseehatain ussay yaad aati raheen jo sab ussay kartay rahay thay aur jinhain sun'nay per woh tayyar nahi thi.

"Woh "Haraam Rizq" ko "Man-o-Salwa" samajh kar kha raha hai usay janay do Zaini....Uss kay muqaddar mai Haraam khana hai...."Man-o-Salwa" nahi hai uss ki qismat mai."Uss kay baap nay uss say kaha tha.....Uss kay baap ko kia pata tha kay "Man-o-Salwa" tu Zaini k muqaddar mai bhi bahi tha...Sheeraz apni wajoohat ki wajah say pesay k peechay gaya tha....Woh apni wajhoohat ki wajah say....

"Jo cheez Allah nay dai Zaini ussay Insaanon say nahi maangna chahiye....Warna Insaan bara khuwar hota hai."Maan baap ki baatain itni dair say samajh mai kiun aati hain?

[мιѕнααℓ]

"Mera zameer"

"aaj uska zameer muttmain tha..aj usne woh kiya tha jo uske liye dilli sukoon ka bais bana tha..........."
.................................
Hareem maa baap ki ikloti aulaad thi unhein kabhi kisi cheez ki kami kisi cheez ki pareshaani nahiin thi zindagi mein sa kuch tha..khushi,rishte,izzat ,daultat aur apno ki mohabbat.....magar nahiin tha to sukoon..!
.............

aksar woh sochti is bechaiini ki waja kiya?
woh kya cheez hai jo din raat usko beqaraar rakhti hai..
woh kiya cheez hai jo raton ko sukon se sone nahiin deti? kiya hai woh? mafar ..usey jawaab nahiin mil saka tha..
usey din raat buhut si sochein apne hisaar mein rakhne lagi thein raat dair dair tak jagte rehne se ankhon ke gird gehrey halkey parney lage the...Ghar walon ne uski kayfiyat ko baarhaa note kiya tha....


............................

hareem ! Aye hareem......!!!

kiya hai? kya afat par rahi hai tum dono ko??woh ankhon par bazoo rakhe din charhe bistar par ainth rahi thi..ke apni czns rubab aur abeerah ke disturb karne mein buri tarhan jhunjhulayi........

Hareem ki bachi yeh kambal choro dekho kitna pyara mousam ho raha hai Imaan sey .. ghazab dha raha hai Aur Islamabaad ka mousam tu bhayee sab se juda hota hai khoobsurat aahhh.. chalo shopping par chalte hain.... kiya yaaad karo gi.. mabadolat apne jaib kharch se shopping karwane wale hain..rubaab ne gardan akra kar bari fiyaazi dikhate hue kaha..

nahiiin bhyeee tum log chale jao mujhe sona hain raat bhi neend poorui nahiin hui us ne kambal dobara odhte hue kaha..

lekin abeerah ne foran kambal khench dala ..

"jeeee nahiin aap chal rahi hain...aur kis ne kaha tha ke raat bhar jaago woh bhi cofeee ka big mug le kar bhatki hui rooh ki tarhaan idhar udhar chakraaney ko?
abeerah ne kamar par haath rakh kar achi khaasi uski claas le daali

"hello hello? yeh miss hareem hi hain na/ yeh shopping karne ke liye har dusre roz humein khench kar le jaati thein aur aaj hum inhein raazi karne ke jatan kar rahe hain?? :@ ghalat baat hai hareem..pichle kuch arse se tum aise hi behaave kar rahi ho? kiya baat hai??rubab ne fikermand ho ke poocha..

pata nahiin ...mein..aik dam se..jaise iktaaa si gayi hoon..mera dil nahiin manta..mujhe aisa lagta hai kuch hai jo mujhe pareshaan kar raha hai? kuch bechaini..aisa pehle kabhi nahiin hota tha..kabhi nahiin phir aj kyun? kyun mere andar kuch khataam ho raha hai?hareem dono hathon se chehra chupa kar phoot phoot kar rone lagi..
.............

"hareem yeh showpiece kaisa hai? rubab ne ne nazuk se dil wale khoobsurat show piece ki taraf uski tawajju dilayi..beezvi shakal mein bane hue us crystal ke showpiece ke andar nanhe nanhe laal rang ke khoobsurat chote chote dil oper se neeche ko ate hue behad bhale lag rahe the dil mein utar jane ki had tak khooburat manzar tha...

magar hareem ko bezzaari si hone lagi..
Acha hai na? sirf 10 thousand ka hai chalo le lete hain?rubab ne kaha
nahiin rubab tumhein lena hai to le lo mein nahiin le rahi..mujhe iska kiya karna hai ?aik tu itna expensive dusre meri nazar e karam ke liye tarasta hi rahe ga.. aur mera bilkul aj kal mood nahiin hai...is liye janaab jis eiski sataish karni hogi woh hi khareed le ga

expensive? yeh tum keh rahi ho hareem? woh hareem jo 20,000 ka dress ko bhi sasta aur quality less samajh kar nazar andaaz kar deti hai woh 10 thousand ko expensive keh rahi hai?un believable !!!! Abeerah ka to marey hairat ke bura haal tha rubaab ko bhi sakta sa ho gaya..

khud hareem ka sakta bhi abhi nahiin toot sakka tha..
waqi/ yeh mein hoon??kiya hota ja raha hai mujhe..?
usne sar jhatak kar khud ko mazeed sochne se roka..
aur mall se bahar nikal ayi..
apni hi jhoonk mein woh kisi se takrayi thi................

muqabil ko jharne ke liye usne nazar uthayi hi thi ke usey apni harkat pe afsosshone laga..

woh aik buhut hi zaeef sebuzurg the..jo hareem ki jald baazi ki waja se ab zameen boss the..

ya Allah !! usne kehte saath hi unko uthne mein madad di apne kiye ki maafi mangne ki himmat hi nahiin parahi thi khud mein..uski ankhon mein anasoo agaye usne unke samne haath jjor diye..

baba ji muskuraye..muskurahat mein bhi takleef ka ansar numaya tha...

hareem ne note kiya ke baba jee ki kamar bhi jhuki hui hai..chehray pe zamano ki thakan saaf nazar arahi thi...haath mein lothi emlay se shalwaar kameez mein woh uske samne khare the..unke tan pe aur koi kapra na tha jo is shadeed sardi meinsardi mein tan dhanpne ke kaam ata..
aur sardi ki shiddat ko kam karta..

baba jee se jab usne is baat ka izhaar ki tu woh hans parey
"arey beta..!! hum jaison par yeh mousam asar andaaz nahiin hote..agar hotey tu shayad aj mein zinda nazar nahiin araha hota..baba jee kehne ke sath khanse lage...

hareem unko doct ke paas le gayi kyunke baba jee ki taang mein girne ki waja se shadeed chot ayi thi aur hareem ko khudsha tha ke kahiin yeh fracture na ho...
aur shukar hai waqi koi fracture na tha woh unhein saath liye unhein ghar tak chorne ja rahi thi rubab aur abeerah ne saath jane se inkaar kar diya tha..baqol unke hareem ko aj kal bekhawabi ke saath saath social work ke dorey parna shru ho gaye hain..hareem unko khatir mein na latey hue ab baba je ke ghar ke samne khari thi..
gunjaan basti mein bhala ghar kaise hotey hain???
nahiin? woh ghar nahiin tha..woh tu aik tent tha? boseeda sa? jahan andar aik 7,8 saal ka kamzor sa bacha betha tha..

"yeh kaun hai baba jee"??hareem ne sawalia andaaz mein poocha?

"yeh mera nawasa hai..maa baap iske rahe nahiin agaa peecha iska koi nhi tha jab woh chal base tab yeh 3 saal ka tha phir mere burhe aur naatwaan kandhon par iski zimeydaari aan pari..pait ka dozakh bharne aur is masoom ki parwarish karne ke liye mujhe kuch to karna hi tha..baba jee ne ansoo ponch daale..Gadaagirii ..kaisa bura paisha hai..muashrey mein kis qadar bura samjha jata hai.par mein kiya karon?koi hunar nhi na hathon mein jaan ke mehnat mazdoori kar sakon?mgar karna parta hai is nanhi jaan ka saath hain warna mein bhi mano matti taley ja soya hota" baba jee kie rone mein shiddat agayi ti..hareem ke liye yeh sab kuch naya tha..aik karwi aur dardnaak haqeeqat uske samne thi...

woh buhut oper buhut ouncha urte hue yeh bhool gayi thi ke kuch log hain..kuch log hain jo isi muashre ka hissa hain..aur jinhein humari zarorat hai..!! kuch log hain..jo rukhi sokhi ke liye taraste hain aur usi peshe ko majboori apnate hain jo dunia ki nazar mein buhut bura hai dhatkare jate hain..log unke phele hue haath ko dekh kar usey notanki aur kisi dramay ka hissa samajhte hue side se guzar jate hain..

aaaj aik upper claas ki rehne wali shah kharch larki ne apne se kahiiin neeche rehne wali us majboor admi ko dekha tha..rote karlaatey,balaktey..kanpte phir u bache ko dekha tha jo takkar takkar kabhi apne nana ka rota chehra aur kabhi hareem ke ankhon mein atey ansoo dekkh kar baat samajhne ki koshish kar raha tha..
kaise hain hum log?kiya humara farz nahiin keh hum kabhi apni aish o ashrat se bhari zindagi se kuch pal nikaal kar ounchayi segardan jhuka kar apne neechay walon ki khabar lein? kiya humein maloom nahiin..ke humare maal pe unka bhi haq hain?kaun sochta hai? aur jo sochta hai woh unko is liye nazar andaaz karke guzaar jata hai ke kya pataa yeh jaali faqeer hon?chehray kaun parhta hai ansoo kaun dekhta hai haan humare paas time nahiin hai?

"hareem ko aaj apna aap apne qeemti kaprey dekh kar wehshat mehsoos ho rahi thi...aur bab jee ke samne us se sharam ke mare sar hi nahiin uthaya ja raha tha..."

baba jee ka nawasa unke kamzor ghutno pe haath rakh kar unhein hilate hue bola tha:

"nana..nana aap kyun rote hain? kiya inhone aapko mara hai?
un uncle ki tarhan jin se apne road par mere eid ke kapro ke liye paise mange the?bacha bhi ab nana ka dukh mehsoos karte hue ro raha tha"

hareem ke dil ko kuch hua...

"nahiin beta..yeh jo tumhari baji hai na...isne meri marham patti karayi mujhe yeh phal le kar diye..dekh yeh sab tere hain khale..."baba jee apni mayosion ka shikaar bache ko nahiin banana chahte the...woh usey goud mein le kar behlane lagey...

Usi pal hareem ne aik faisla kiya..aur usey ehssaas hua ke yeh ab tak uski zindagi ka behtareen faisla hai...

......................

Hareem beta??

usne mur kar dekha..baba jani kamre ke bahar darwaze p khare the...aur uska bagor jaiza le rahe the.. peach colour ke sadhe se doappattay ko namaaz ke se andaaz mein orhe..woh unhein hi dekh rahi thi..uska ke chehray per noor hi noor tha..sukoon aur itminaan ke rang uski halki si muskurahat wazeh kar rahi thi..woh namaaz parhne mein itni magan rahi thi ke usey baba jaani ki ahat bhi sunayi nahiin di thi..

jee baba jani?woh dheeme suron mein mein boli..

beta agar aapne namaaz parh li ho to aap bahar lounge mein ayiye hum aap balke sab ghar wale hi aap se kuch baat karna chahtey hain...

babajaan ki baat par usne sawaliya andaaz mein unki taraf dekha tu woh uska gaal thap thapa kar usey jaldi lounge mein aane ka keh kar chal diye..

woh jhijhakti hui lounge mein dhakil hui..sab hi mahu e intezaar the..

betho beta humare paas...baba jaani ne bari mohabbat se apne paas uski jaga banayi...aur kehna shru kiya
"Dekho beta pichley kuch arse se hum apko dekh rahe hain..aap kuch beichaain aur udaas dikhayi deti thein..poooch aap se is liye nahiin ke hum khayaal karte the yeh sab waqti hain aap khud hi thore din mein theek ho jayein gi..aur humein khushi hai ke aap ab buhut muttmain aur shaad nazar ati hain..lekin saat hi humne dekha hai ke aap tanhayi pasand ho gayi hain..apni czns ke saath na kahiin shopping karne jati hain agar karti hain to sou sou phir aap namaaz bhi parhne lagi hain,khairaat deti hain beta humein yeh buhut ach laga magar is sab ki is bari tabdeeli ki akhir kiya waja hai?yeh hum sab specially apki mama jaani janna chahti hain.. unhone muskurate hue kaha..: )

Abeerah ne aik nazar mamma jani ke chehrey ki taraf dekha jahan sawal hi sawaal the..woh abhi tak hareem ke aik dam change ho jane se muttmain nahiin thein..phir us ne kehna shru kiya...:

"baba jaani..! Hum log zahiri duniya ki chamakdamak mein kho kar apna asal bhool jatey hain..hum mitti se bane hain mitti mein mil jaye ge yeh aish o ashrat humare kiya kaam asake gi? zahiri dunia ki chamak damak mein kho kar hum unko logo ko bhool jate hain jo humari hi tarhan matti se bane hain humari tarhaan hi aik dil rakhte hain humari tarhan unki bhi kuch khawahishaat hain..kuch armaan hain izzat ki chah sabhi ko hoti hai lekin jab bhook aur iflaas ka samna ho tu izzat kisi ke pairon mein girgira kar khoni parti hai..baba jani apko woh baba jee yaad hain?jinka meine apko bataya tha ke kis tarhaan mein unse mili unki halat zaar dekh kar unki takleef ko mehsoos kiya? us roz mujhe khud pe sharam ayi thi ke kaise hum apni dunia mein magan hai?ke humein yeh log nazar nahi atey..us din meine aik faisla kiya tha..ke ab kabhi apki mehnat ki kamayi ko yun bedardi se kharch nahiin karongi..balke falahi kamo mein kharch karongi..
baba jee ke nawase ko eid ke naye kapre dilate hue baba ji ka nazar ka chashma banwate hue unke liye aik behter ghar ka intezaam karte hue unki zimeydaari uthate hue..baba jaani? aap yaqeen karein ge? ke mujhe kis qadar sukon mila? jis khushi sukon ki talaash mein bhatak rahi thi woh yehi tu tha?allah ne bab jee ke zariye meri soch ko sahi rah dikhadi thi mujhe mazeed bhatakne gumrah hone se bacha liya tha..asraaf kiya hai?zakaat kyun di jati hai?kisi ki madad kese ki jati hain huqooq-ul-ibaad ka sabaq meine ab ja ke parha tha..baba jaani yeh jo mujhpe bechaini chayi rehti thi..aur jo mujhe neend nahiiin ati thi..aisa pata hai kyun tha?? meri rooh pata hai kyun bechain thii? apko pata hai mere dil mein itna shor kyun tha? baba jani woh mera "zameer" tha..mera zameer jo mujhe malamat karta tha bechain rakhta tha..jo mujhse baar baar yeh kehta tha ke tum Allah ki makhlooq ke huqqoq adaa nahiin karpa rahi ho jab ke tumhare paas sab kuch hai..tum be sukooon ho kyun ke tum Allah ko naraz karti ho..aur mein samajh hi nahiin payi ke yeh wohi mamatt thi mere zameer ki jo raton mujhe bechain rakhti thi mein chahte hue bhi so nahiin paati thi..!!


ab hareem ka wajood haule haule laraz raha tha..apna chehra hathon mein chupaye woh sisak rahi thi...

baba jani ne buhut pyaar se uske sar pe haath rakh tha..
mujhe apni beti par fakhar hai..!zameer ki awaaz par buhut kam log labaik kehte hain..unhone hazreen per aise nazar dali jese keh rahe hon ..dekhlo mil gaye apko apne sare sawalon ke jawaab? sab ghar walon ko jaise sakta ho gaya tha..Meine phir Allah se buhut maafiyaan maangi thein baba jaani..meine Allah se uska qurb maanga tha phir uske bando ki khidmat karte karte mujhe uska qurb bhi mil gaya......Hareem ne asu ponchte hue kaha...mamma beawaaz ansoun baha rahi theiin..unhone akar hareem ko apni Aaghosh mein bhar liya.....

aur hareem unke aghosh ke hisaar mein ghiri soch rahi thi.."baat sirf ehsaas ki hoti hai...dosron ke liye sochna humein humesha mushkil lagta hai jab ke humara zameer uske haq mein gawahi bhi de raha hota hai..sukon apko tabhi mauysar ata hai jab aap zameer ki adalat mein surkhro hote hain..

aaj uska zameer muttmain tha..aaj woh uski adalat mein surkhro ho gayi thi..aur Allah ki adalat mein bhi..usney sukon ko paa liya tha....

.............

[sarfraz_qamar]

writer club main Sharing....

[Cute PaRi]

writer club main Sharing....

ji soche mat ap sarfraz jo kuch zameer k bare main janty likh dyyy

[sarfraz_qamar]

ji soche mat ap sarfraz jo kuch zameer k bare main janty likh dyyy

sochhoo b naa aorr likhh b dallooo,yehh aapp ki battoo main tazzad kioun hotaa haiiii

[Cute PaRi]

sochhoo b naa aorr likhh b dallooo,yehh aapp ki battoo main tazzad kioun hotaa haiiii

ya to ap tazzad se poche na k ya tazzad ku hota ha batton main

[sarfraz_qamar]

ya to ap tazzad se poche na k ya tazzad ku hota ha batton main

tazzadd parr miitii painn,comp walay threadzz main khapp dlnaa manaa haii