پروین شاکر کی ایک خوبصورت نظم

**sarfraz_qamar** · 05-10-2012, 02:28 AM

پروین شاکر کی ایک خوبصورت نظم
__________________________________

چراغِ ماہ لیے تجھ کو ڈھوُنڈتی گھر گھر
تمام رات میں یاقُوت چُن رہی تھی مگر

یہ کیا کہ میں تِری خوشبُو کا صرف ذکر سُنوں
تُو عکسِ موجہء گُل ہے تو جسم و جاں میں اُتر

ذرا یہ حبس کٹے، کُھل کے سانس لے پاؤں
کوئی ہوا تو رواں ہو، صبا ہو یا صَر صَر

گئے دنوں کے تعاقب میں تتلیوں کی طرح
تِرے خیال کے ہمراہ کر رہی ہُوں سفر

ٹھہر گئے ہیں قدم، راستے بھی ختم ہُوئے
مسافتیں رگ و پے میں اُتر رہی ہیں مگر

میں سوچتی تھی، تِرا قُرب کچھ سُکوں دے گا
اُداسیاں ہیں کہ کچھ اور بڑھ گئیں مِل کر

تِرا خیال، کہ ہے تارِ عنکبُوت تمام
مِرا وجُود، کہ جیسے کوئی پُرانا کھنڈر