Zindagi k Melay Mein..

Zindagi k melay mein,
khawahishon k relay mein,
tumse kya kahen jana?
Is qadar jhamelay mein
waqt ki rawani hai
bakht ki girani hai
sakht be'zamini hai
sakht lamha'kani hai
hijr k samundar mein
takht or takhtay ki
ek he kahani hai
tum ko jo sunani hai

bat go zara si hai
bat umar bhar ki hai
umar bhar ki baten kab
2 gharri mein hoti hain
dard k samandar mein
an'ginat jaziray hain
beshumar moti hain
ankh k dareechay mein
tum ne jo sajaya tha
bat us diye ki hai
bat us gilay ki hai
jo lahu ki khilwat mein
chor ban k aata hai
lafz k fasilon pay,
lut lut jata hai...

Zindgi se lambi hai
bat rat'jage ki hai
rastay mein kaise ho
bat takhliye ki hai
takhliye ki baton mein
guftagu izafi hai
pyar karne walon ko
ik nigah kafi hai
ho sakay to sun jao
ek din akelay mein
tumse kya kahen jana
is qadar jhamelay mein...?