محبت حرف آخر ہے

[sarfraz_qamar]

محبت حرف آخر ہے
یہ ہے ایک جذبہ جو
ظہور اپنے میں ماہر ہے
زمانے میں اداسی بھی
محبت بانٹ سکتی ہے
محبت چھانٹ سکتی ہے
محبت باوفا بھی ہے
محبت دلربا بھی ہے
محبت کرنےوالوں کو
محبت سے گلہ بھی ہے
محبت میں جو ہوتے ہیں گلے
وہ سب محبت ہیں
لگن، چاہہت، وفاداری
یہ سارے ڈھب محبت ہیں
محبت آن جیسی ہے
محبت مان جیسی ہے
محبت پھول جیسی ہے
محبت جان جیسی ہے
محبت جان لیتی ہے
محبت جان دیتی ہے
محبت سرفروشی کو
ہمیشہ مان لیتی ہے
محبت اک تبسم ہے
جو پھولوں میں بھی کھلتا ہے
کبھی تتلی کے پنکھوں میں
کبھی ممتا میں ملتا ہے
محبت سانس لیتی ہے
محبت دیکھ سکتی ہے
محبت ساتھ چلتی ہے
محبت راہ بدلتی ہے
کسی کی شادمانی کو
محبت سوچ سکتی ہے
یہ ساری زندگانی کے غموں کو نوچ سکتی ہے
محبت اک نگینہ ہے
یہ جینے کا قرینہ ہے
کبھی جو ڈوب نہ پائے
محبت وہ سفینہ ہے
جہاں کے سب مذاہب میں
محبت کا تقدس ہے
یہ انسان کے سب جذبوں میں
عطا سب سے مقدس ہے
محبت کا یہ جذبہ اب
بڑا پامال ہوتا ہے
یہ جس کے دل میں بس جائے
بہت بےحال ہوتا ہے
محبت کل بھی ہوتی تھی
محبت اب بھی ہوتی ہے
مگر اپنے مقدر پر
محبت کل بھی روتی تھی
محبت آج بھی روتی ہے

[Vampire]

bohat umda

[Hidden words]

alaaa

[Zindagi]

vry nice

[*resham*]

یہ جس کے دل میں بس جائے
بہت بےحال ہوتا ہے
محبت کل بھی ہوتی تھی
محبت اب بھی ہوتی ہے
مگر اپنے مقدر پر
محبت کل بھی روتی تھی
محبت آج بھی روتی ہے

بہت عمدہ ۔۔۔۔

[sweet-fairy]

bht umda