Yeh Bhi Saal Dard Ka Hai

[Saff-Shikan]

Essi Say Hota Hai Zaahir Jo Haal Dard Ka Hai,,,
Sabhi Ko Koi Na Koi Vabaal Dard Ka Hai,,,

Sehar Sisaktay Hovay Aasmaan Say Utri,,,
To Dil Nay Jaan Liya Yeh Bhi Saal Dard Ka Hai

Ab Ess Kay Ba'ad Koi Raabta Nahee'n Rakhna,,,
Yeh Baat Tay Hovi Laikin, Savaal Dard Ka Hai

Yeh Dil, Yeh Ujrhi Hovi Chashm E Namm, Yeh Tanhaayi,,,
Humaaray Paas To Jo Bhi Hai Maal Dard Ka Hai

Yeh Jhaank Laiti Hai Dil Say Jo Doosray Dil Mai'n,,,
Meri Nigaah Mai'n Saara Kamaal Dard Ka Hai,,,

Aseer Hai Meri Shaakhh E Naseeb Pat-Jharh Mai'n,,,
Meray Parinda E Dil Par Bhi Jaal Dard Ka Hai,,,

Badal Gaye Meray Haalaat E Dil To Kyaa Ho Ga ??
Yeh Aisi Baat Hai Jis Mai'n Zavaal Dard Ka Hai

Dilo'n Pay Zinda Tha, Dil Hi Nahee'n Rahay Yahaa'n,,,
Ab Aisay Shehar Mai'n Jeena Muhaal Dard Ka Hai

Jamood Torhti Aankhai'n, Sukoot Torhtay Lab,,,
Yeh Naak Naqsha Yeh Sab Khhad O Khhaal Dard Ka Hai,,,

Suna Hai Teray Nagar Jaa Basa Hai Bay-Chaara,,,
Sunaaow Kaisa Vahaa'n Haal Chaal Dard Ka Hai ??

VaGarna Khhaar O Khhizaa'n Kay Sivaa Nahee'n Kuchh Bhi,,,
Bus Aik Phool Meri Daal Daal Dard Ka Hai,,,

Ukharhti Jaati Hai Deevaana-Vaar Airhiyo'n Say,,,
Zameen E Jaa'n Pay Humaari Dhamaal Dard Ka Hai,,,

Kay Hum Nay Kis Kay Liye Jaa'n Azaab Mai'n Daali,,,
Humai'n To Aaj Bhi Khhud Say Malaal Dard Ka Hai,,,

Humaaray Seenay Mai'n Dil Ki Jagah Pay Pathar Hai,,,
Essi Liye To Yahaa'n Aisa Kaal Dard Ka Hai,,,

Tumhaari Chaah Nay Dhoondhi Thi Meri Aabaadi,,,
Yeh Ghaaow Seenay Ki Basti Mai'n Khaal Dard Ka Hai,,,

Yeh Eshq Hai !! Essay Teemaardaariyaa'n Kaisi,,,
Essay Na Poochh Yeh Boorh'Ha Nidhaal Dard Ka Hai :-P

Hum Uss Ko Daikhtay Jaatay Hai'n, Rotay Jaatay Hai'n,,,
Yeh Sehan E Shab Parha Hai Jo Thaal Dard Ka Hai

Na Tum Mai'n Sukh Ki Koi Baat Hai Na Mujh Mai'n Hai,,,
Tumhaara Aur Mera Milna Visaal Dard Ka Hai

Abhi Kahee'n Say Karhi Koi Bhi Nahee'n Tooti,,,
Abhi To Silsila Saara Bahaal Dard Ka Hai

Meri Taraf Say Guzar Ka Khhayaal Rehnay Do,,,
Yeh Raasta Bhi Bohat Paa'imaal Dard Ka Hai,,,

Dil O Nazar To Rahai'n Gay Sukoon Mai'n Laikin,,,
Shab E Firaaq Mujhay Aehtimaal Dard Ka Hai,,,

Kisi Ka Dard Ho Apna Samajhnay Lagtay Hai'n,,,
Humaaray Paas To Yahi Kuchh Maal Dard Ka Hai

Yahee'n Kahee'n Meray Andar Ko Tarhapta Hai,,,
Yahee'n Kahee'n Pay Koi Yarghamaal Dard Ka Hai,,,

Essi Liye To Humai'n Ejz Ka Qareena Hai,,,
Humaari Zaat Mai'n Jah O Jalaal Dard Ka Hai

Hai Maar Rakhnay Kay Darpa'iy Teri Maseehaayi,,,
Jo Dorha Hai Mann Mai'n Ghazaal Dard Ka Hai

Vohee'n Kahee'n Kisi Ghaati Mai'n Tera Hijar Bhi Hai,,,
Meray Lahoo Say Jahaa'n Etisaal Dard Ka Hai

Nafas Nafas Pay Parhay Aablo'n Say Lagta Hai,,,
Naa-Jaanay Kab Say Rooh Mai'n Ubaal Dard Ka Hai

Yahi To Fark Hai Aap Mai'n Aur Un Mai'n Farhat',,,
Kisi Ko Apna Kisi Ko Khhayaal Dard Ka Hai

Kisi Nay Poochha Kay Farhat' Bohat Haseen Ho Tum,,,
To Muskura Kay Kaha "Yeh Sab Jamaal Dard Ka Hai" :-)

Saff-Shikan♥

[ÑaaZS]

b0hat kho0b...

[life2]

nice...

[Hidden words]

[whitepearl]

very nice

[SenoriTa]

bht Khooob

[Saff-Shikan]

Shukriyaah :-)