My Poetry CollectiOn !!

[~Anjana~]

pagal wo kar deti hogi
ab bhi jab wo hansti hogi

mujh ko to barbaad kiya hai
khud bhi shayad roti hogi

arsa beeta hai bin dekhe
jaane ab wo kaisi hogi

usske haath ki lakeeron mein
ik lakeer meri bhi hogi

jis din uss se milna hoga
shaam bhi usske jaisi hogi

dulhan ban kar vo iss dil mein
socho kaisi lagti hogi

jin haathon ko maine chooma tha
unnko ab tak takti hogi

sun kar mera naam wo shayad
ik lamhe ko chonkti hogi

aur kisi ko na bole chahe
dil hi dil mein mujh pe marti hogi...