Kitne mausam sargardaan they

[lifeislove]

Kitne mausam sargardaan they mujh se hath milaney main
Main nay shayad dair kar di khud sey bahar aaney main


Ik nighah ka san’nata hai ik aawaz ka banjar pan
Main kitna tanha betha hoon qurbat ke veeraney main


Bistar sey karwat ka rishta toot gaya ik yaad kai sath
Khwab sarhaney sey uth bethe takiye ko sarkaney see


Aaj us phool ki khushbu mujh main peham shor machati hai
Jis nay be had ujlat barti khilney aur murjhaney main


Baat bananey wali ratein rang nikhaarney waley din
Kin raston par chor aaya main umr ka sath nibhaney main


Aik malal ki gard sametey main ney khud ko paar kiya
Kesay kesay wasl guzarey hijr ka zakhm chupaney main


Jitney dukh they jitni umeedein, sab sey brabar kaam lia
Main ney apney ainda ki ik tasweer bananey main


Aik wazahat kai lamhey main mujh par ye ehwaal khula
Kitni mushkil paish aati hai apna haal bataney main


Pehley dil ko aas dila kar be parwah ho jata tha
Ab to Azm bikhar jata hoon main khud ko behlaney main

[farida aslam]

wah... bht aalaaaaaa!!!

[sarfraz_qamar]

yeh nazzamm thiii

[Vampire]

yeh nazzamm thiii

ghazal hai sq bhaiyya

[Vampire]

bohat zabardast

[SenoriTa]

zbrdast

[m_noor]

gud h jee

[Danyal]

Bohat Hi Khoob....

[Yazdan]

bahot umda sharing

[sarfraz_qamar]

ghazal hai sq bhaiyya

butt ooperr too nazamm likhaa howa haiiii