تا دیر کڑی دھوپ میں یہ جسم جلے آج

[*jamshed*]

تا دیر کڑی دھوپ میں یہ جسم جلے آج
جی چاہ رہا ہے کہ یہ سورج نہ ڈھلے آج

ایسا نہ ہو یہ کہہ کے دیئے لوگ بجھا دیں
یہ رات نہ مِل پائے گی سورج سے گلے آج

وہ جس کو بہت زعم ہے اعصاب پہ اپنے
دوچار قدم میری رفاقت میں چلے آج

خلقت جسے سُننے کیلئے بیٹھی ہے کب سے
وہ بات چھڑے بزم میں وہ ذکر چلے آج

آیا ہے نہ آئے گا پلٹ کر کوئی لمحہ
آنکھوں کو ملَے چاہے کوئی بات ملَے آج

اک اجنبی رستے کا سفر پیشِ نظر ہے
اے راز رگوں میں نہ کوئی وہم پلے آج

[lifeislove]

umdaaaaaa