~*~Nazam of the day 3rd April 2013~*~

[Hidden words]

Tumhey main kya kahun k tum
Khizan ki baat kartey ho
Mera jeevan nahi taktey..
Mera Beyrang jeevan bhi
Kabhi rangeen rehta tha
Khizan ka dar nahi tha tub
K tub tou zindagi main har qadam pe phool they bikhrey
Magar kuch yun huwa k phir
Merey rangeen jeevan ko
Buri nazroon ney bikhraya
Tumhey ab kya batain hum..??
K is rangeen mousam ko
Khiza'on main badaltey hum ney dekha hai
Usi din zindagi bikhri
Usi din gham ka har lamha meri aankhun ney dekha tha
K us din is khizan sey hum ney rishta jor dala tha
Usi din sey ye aalam hai
Koi mousam nahi bhaata
Khizaen raas aati hain
Khizaen raas aati hain

cute ruba