bachpan ka zamana thaa
Ek bachpan ka zamana thaa
Jisme khushio ka khazana tha
Chahat chaand ko paaney ki thi
Par dil titli ka dewana tha
Khabar na thi kuch subah ki
Na sham ka koi thikana tha
Thuk haar k aana school se
Par khelne bhi janaa tha
Maa ki kahani thi
Paryon ka fasana tha
Barish mein kaghaz ki naao thi
Har mausum kitna suhana tha
Har khel mein saathi thay
Har rishta nibhana tha
Ghum ki zubaan na hoti thi
Na zakhmo ka paimana tha
Roney ki waja na hoti thi
Na hansney ka bahana tha
Kuon hogaey hum itni jaldi barray
Aj se acha tu bachpun ka zamana tha
Reply With Quote