Idiot box...

**shazia rana** · 21-06-2013, 10:26 PM

Slam all,

jesa k naam se zahir hai k yahan kya karna hai yani ap ki ghar men bisti hoti hai tu wo yahan share ker den jesa k agar men karne lagun tu mere alawa iss thread men kisi or ko shamuliat ka moqa he na mile us k alawa ap k pas agar koi b paltu janwar hai tu use yahan le ain phir us ki dum k sath patakha baandh k use apne bair parrwa len

us k alawa koi or b tamirati kaam jo ap ki nazar men hai share ker den.

jokes apart rat ko men radio men idiot box sun rai thi tu mujhe idea aya k kiun na men b kuch aisa share karun..tu karna ye hai k koi mukhtasar kahani khud se takhleeq ya kisi film ki story le len or us ka end unusual sa ho...ab chunkeh mene cherr dali hai tu phir men he bismillah karti hun.

Neha bohat hasaas larrki thi...chotti chotti baton ko dil pe le k yun beemar parr jati jese dunya se mawra koi saniha pesh a gaya...us k walidain ki apas men thorri bohat chapqalish b ho jati tu wo buri tara ghabra jati or khud se he koi natija akhaz ker k ghanton roti rehti.

kuch arsa pehle ghar walon ne us ka nikkah us k mamoon zaad Ibaad se ker dia jo k bohat khubsurat,parrha likha or barsar-e-rozgar tha magar us ne ye shart rakhi k Neha apni parrhai ya nokri k liye ghar se qadam bahar nai nikaal sakti,chunkeh wo inter tak he parrh saki thi per phir b us k hukam k age sar-e-tasleem kham kar dia kiunkeh use man chaha mehboob jo mil gya tha.

har waqt wo us k khwab dekhti rehti or rafta rafta us ki muhabbat ki no molood kali aik tanawar darakht ki surat ikhtyar kar gai...jahan wo us k maan baap ki pasand tha wahan wo us ki jaan b ban gya tha or wo b use lambi lambi fone calls karta tu dono dheron khwab bunte,ab aisa ho gaya tha k dono ko aik dusre k bagher zinda rehna namumkin lagne laga tha.

kuch arse baad yun hua k wo us se khicha khicha rehne laga tu wo samjhi k shayad kaam k bojh ki wajah se aisa ho rha hai...us ka fone ana b taqriban napaid ho chuka tha or us ne use chotte chotte tahaif dena b band ker diye thay.

aik din bahar bell hone pe darwaza khola tu samne dakia hath men aik lifafa liye kharra tha us ne wo lifafa le lia or jab khol k dekha tu wo tallaq nama tha...kamre men a k use phir aik bar khol k dekha or phir us k 4,5 tukrre ker k fone ki taraf hath barrha dia,

"Asslam-o-alaikum...kya yahan parrhai mukammal karwane k baad job b dete hen??"