Meherban Mujh Par Aj Hua Kon Hai

**zindagi jee** · 22-08-2013, 07:43 PM

مہرباں آج مجھ پر ہوا کون ہے
تو نہیں ہے تو پھر یہ بتا کون ہے

اب بھی بیدار ہے میرا شہر ہوس
دل بیابان میں بولتا کون ہے

سب حکایات ماضی بھلا دی گئیں
تیرے غم کو مگر بھولتا ہے کون

اس کی صورت کی تمثیل ممکن نہیں
موج آب رواں آئینہ کون ہے

گا رہا ہے کوئی طائر خوش بیاں
سب بھلے ہیں یہاں پر، برا کون ہے

غم نہ کر جس کو جانا ہے، جائے گا وہ
دل جہاں میں ہمیشہ رہا کون ہے

وہ بھی خاموش ہیں، میں بھی خاموش ہوں
درمیاں آج پھر آ گیا کون ہے
٭٭٭