Bint E Aadam's Kitchen => Pak raha Hai Kya??

[Bint E Aadam]

Steam Fried Hara Masala Chicken

Chicken .........................................6 Drum Sticks {Murghi ki Raan ka Gosht}

Hara Dhaniya..................................................... ......1 Piyali

Hari mirchein ....................................4 se 6 adad

Zeera......................................Bhuna hia 1 Chaye ka chamch

{hara Dhaniay,Hari murchen dhundiayn utar ker aur zeeray ko Grainder main pees lijiye ho sake tpo sil battay per pees lein Agar aap thori zyada mehnat kerna chhati hain warna grainder main pees lein }

yeh aik paste tyar hua

Pyaz.........................................2 adad

Lehsan..............................aik gadi{gathi hoti hai jsi main joye hote hain}

Adrak Powder/Paste.....................................aik chaye ka chamch

{is ko bhi sil battay per ya grainder main pees lijiye per aik baat kehte chale pyaz ko sil battay per peestay hue aansoo bohat niklein gay becuz mere sath hua na so agar aap rona nahi chhatay to grinder main pees lijiye pyaz lehsan and adrak}

Yeh 2nd paste tyar hua

Ab hum btaty hain dusri ashya

Namak..........................1 khane ka chamch



Lemon Juice...................................4 se 5 khane k chamch

Garam Masala...........................1 khane ka chamch

Kali mirch pisi hui...................................1chaye ka chamch

Namak........................... 1 chaye ka chamch {alaida se}

Pakanay k liye Oil
--------------------------------------------------------

Tarkeeb

Chicken k Drum sticks lijiye achay se saaf ker k dho lijiye aur aik channi main rakhiye 15 min baad dubara pani main bhigyein and 5 min rkahne k baad phir dho lijiye maqsad just yeh hai k blood achay s eremove ho jaye chicken ka

us k baad Drum sticks ko kantay ki madad se good lein goodne se murad chicken main achay se tak lagana hai okay

ab aap ne bowl main aik khane ka chamch namak lemon juice aur chicken drum sticks dal deni hain achay se hathon s elemon juice namak mila jo ho ga lagaiye chicken per half hour k liye chor dein k namak ruch jaye



half hour baad aap is main hara dhaniya,hari mirch and zeeray ka paste daliye



phir pyaz lehsna adrak ka paste daliye



aur ab bari hai isay achay se mix kerne ki masala achay se lag jaye to half chaye ka chamch aur namak dlaiye aur achay se mic kerne k baad Fridge main 1 ghentay k liye rkah dein baad main aik ghentay baad





is aik bartan main steamer channi jo market mein basani mil jati hai woh rkahiye chani partan main ab thora s apani us steam bowl main daliye pani itna dalna hai k cteamer channis eneechay rahe abhi us chani per drum stickes rakh dijiye aur dhakan rkahd ein k steam main chicken qadray gal jaye



15 to 25 baad chicken ko steamer se nikal lein {aik baat yad rkahiye kuker main ise bilkul steam k liye nahi rkahn hamein mukaml nahi gilana qadray bus gilana hai}
khair ab karahyi {nonstick} main oil dlaiye achay s egaram ho jaye to isya deep fry ker lijiye

golden hone lage to aik alag dosh main tissu per nikal lijiye kuch der baad garam garam he rahein to is per jhat se Aluminum Foil sticks k kinaray per lagaiye fries k sath tamatar k phool rkahiye aur steam fried hara masala chicken srv kijiye per yaad rhae katchup aur imli ki chutny ko mat bhuliye ga





Duwoan main yaad rakhiye ga


TC

Fi aman Allah

[Bint E Aadam]

Qeema Pulaow



Qeema........................... 1 pao
Qeema Pulaow


{Bareek Machine ka peecha hua}

Pyaz..............................Aik Khane k chamch k brabar

{Bareek kati hui

Chawal................................................Half KG{Aadha Kilo}

{dho k achay s ebhigo dein pakanay s ehalf hour qabal}

Tamatar........................................... 1 Adad

{Bareek Kata Hua}

Lehsan Paste...............................1 chaye ka chamch

Hari Mirch....................... 4 Adad

{darmiyan main se lambayi ki shakal main Kaat Lein }




Namak................................................1 and half Chaye ka chamch

Surkh mirch powder...............................adhi chaye ak chamch

garam masala.......................................Aadhi Chaye ka chamch


Zeera ................................1 chaye ka chamch

Sukha Dhaniya...............................1 chaye ka chamch

{yeh hara dhaniya nahi hota amsala jaat main aata hai yeh}

kali mirch sabit......................................4 s e6 adad

oil pakanay k liye

---------------------------------------------------------------

Tarkeeb:

Sab se pehle Paknay ka Bartan Jis main Chawal bnanay hon woh chulhe per rakhiye us main 4 khane k chamch oil daliye aur agar aap ghee main paka rahe ho to 2 khane k chamch daliye ab is main

pyaz aur lehsan paste dal dijiye aur fry kijiye brown ho jaye to dhakan uper rakh ker kinaray se pani daliye aur jhat se dhakan barabar ker dijiye k cheente na urein yeh colour nikalne k liye pani add hua hai jab shot pateeli se aana kam ho to dhakan hata ker chamch chaliye ab is main namak garam masal surkh mirch powder sukha dhaniya zeera sab dal ker achay se mix kerein k brown pyaz ka mota sa he sahi apste sa ban jaye ab is {yad rkahein pani sukhne na paye} to is main tamatar,hari marchein dal ker bhunein jab achay se bhun jaye aur tamatar thoray se naram par jayein aur phir Qeema Dal dijiye yaad rahiye achay se dho ker khsuhk ker k dalna hai k blood cells ander na rahein qeemay k achay se bhunein Aur phir pani dlaiye 2 se 3 glass jis main qeema achay se gal jaye Theek darmiyan main check ekrtin rahe taqreeban 30 min main qeema gal ajye ga check ekrne k dauran pani kam ho toa ur add ker saktin hain aur anmak b check keiye pni khsuhk ho to kuch is halat main ho ga



achay s ebhunein thora panir ahe to chaal dal dijiye aur sath main 1 n half glass pani ta k chawal gal jayein

aur taiz aanch epr aap ne bnanay hai rite

pani khushk ho to bus dheemi aanch ekr k dhakan rakh dein aur dum lagaiye 5 min baad check ekriye ga chawal gal jayein to dish out kijiye Qeema pulaow tyar hai

aur yaad hai na Bismilah zarur parhni hai aur sar dhaka ho



phi

[~*Rano*~]

wooooowwwwwwwww


u ini achi coook


me ko invite karo na apnay gahar khanay per





try karon gi u ki dishes..InshaAllah

[DaNgErOuS tEaRs]

me ko b krna Boht achi dishes hain

[Bint E Aadam]

[b]Salam-o-Alaykum



Matar chicken ka Salan


Chicken or gosht................... Aik paow{ya jitna aap chahyein }

Payaaz......................Darmiyani 2 Adad {Bareek aur lambi kat lein}

Lehsan Paste...........................aik khane ka chamch

Adrak Paste ya Adrak Powder...................Aik chaye ka chamch

Namak.............................Aik Chaye Ka Chamch/Hasb e Zarurat

Surkh Mirch.............................Half Chaye ka chamch {ya hasb e pasand }

Haldi .............................................2 Chutki k barabar

Tamatar......................................2 adad

Garam Masala................................Aik Chaye Ka Chamch

Hari Mirch..............................................4 Adad Choti bari hon to 3 le lein

Hara Dhaniya...................................2 khane k chamch bareek kata hua

Oil .................................hasb e zarurat

__________________________________________________

Tarkeeb:

Kuker ya pakanay k bartan main oil dlaiye us main pyaz aur lehsan daliye thora sa bhunne k bad is mein namak daliye aur chicken dal dijiye agar taza hai to b aur agar freezer ka hai to pehle bhigo dein botiyan alaida alida ho jayein to pakanay ka amal shuru kijiye khair pyaz lehsan k sath chicken bhi bhunein ta k namak ka zaiqa chicken main bhi rach bus jaye aur agar ap mutton dalna chhatay hain chicken k bajaye to tab ap pakane se kuch der pehle 1 khane ka chamch Papeeta paste laga dein {yeh mutton ko jaldi gala deta hai }khair jab pyaz brown hone lage to is main tumam masala jaat dal ker aanch dheemi ekr dein ab aik chulhe per aik pain main 4 khane k chamch oil dalein us main tamatar kate heu beej samait dalne hain aur jab yeh galna shuru hon aur paste sa ban jaye to aap ne jo hum ne pyaz lehsan aur chicken ya mutton bhuna tha us main tamatar paste dal dein aur achay se mix kerien 5 min bhunein aur ab agar ap kuker main paka rahe hain to 1 n half glass pani dlaiye aur agar dhakan walay bartan main to 2 glass pani <= yeh chicken k liye aur agar mutton paka rahe hain to 2 glass kuker main pani dalein aur agar dhakan walay bartan hai to phir 3 glass pani dlaiye aur dhakan laga dein aur kuker hai to steam laga djiye {umeed hai smajh a agayi ho gi }khair ab aap ne kuker main Chicken bana rahi hain to 8 min baad dhakan khol lein aur agar mutton bana rhai hain to phir 10 to 12 min baad check kerien chicken to jhat pat galta hai mutton main zara time lagta hai khair gosht gal jaye to ab pani jo azafi ho usay sukhne dein aur sath sath bhunte rahein jab masla aur gosht bhun jaye to ap ne matar dal dene hain 5 min inhe bunna hai masla oil chorne lage to bus 2 se arhayi glass pani daliye aur chahyein to steam laga lein 2 min k liye chhayein to dheemi aanch epr paka lijiye jab matar gal jayein to bus pani thora khushk ker lein na zyada garha salan hona chaiye na he bohat patla aur bus pak jaye to dhaniya hara bareek kata dlaiye aur dish out ker k chawlon k sath srv kijiye yeh qeema pulaow,matar pulaow brown rice k sath behetr lagta hai


Aik Tip

Aur Jab aap yeh paka rahe hon to sar ko lapait lein k bal chupe hon khawateen duppatay se apna sar dhanp lein aur shuru waat
Bismmilah se karein aur her chiz jo bi dalein chahye choti se choti chiz kune na ho ap ne Bismillah aprhni hai parhna bhool b jayein to baad main jab yaad aaye pakate hue to parhein

Bismilalh Irhman niraheem Awalau wa akhiratu

yeh perh lein aur jab Dam per lagayein to dil mein kahein K Aye Allah main ne tera nam le ekr pakana shuru kiya tha is main barkat tu ne dalni hai Zaiqa tu ne dena hai Aur sab theek bane}

Insha Allah Dekhiye ga sab itna mazay ka lage ga aur sab ko itna pasand aaye ga jaise restuarnt ka bana hai

[Bint E Aadam]

Aalu Gosht



Gosht ......................................................Adha Killo

Aalu........................................2 Se 3 Adad {aur agar Chotay hon to 4 Se 6 Adad

{Cheel ker Achay Se Dho ekr Kat lein Sahulat k liye sath image de rahe hain }




Pyaz........................................................ ...2 Adad

{Bareek aur lambi kat lein}

Lehsan................................................Aik Gathi

Tamatar......................................1 Adad lamba kat lein

Hari mirch..........................................4 adad

{lambayi main kat lein}

Adrak Powder............................................1 chaye ka chamch

Namak..........................................Half Chaye Ka Chamch

Surkh mirch Powder......................................Half Chaye Ka Chamch {Hasb e Zaiqa}

Haldi....................................2 Cutki K Brabar

garam masala..................................half chaye ka chamch

hara dhaniya..............................bareek kata hua hasb e zarurat

Oil pakanay k liye


------------------------------------------------------

Kuker ya pakanay k bartan main Pyaaz lehsan aur oil dal ker Darmiyani aanch per fry kerein golden hone lage to ab is main namak aur gosht dal dein {agar aap kuker main paka rahe ho to phir khair ai aur agar aap isay pateeli type bartan main paka rahe ho to pakanay se qabal gosht {Mutton ko Papeeta Pisa hua ya Powder jo mil jaye asani se 1 chaye ka chamch laga lijiye yeh amal jaldi galanay k liye hota hai pateeli main chun k steam theek s enahi lagti so............} khair kuker main mutton,Hari mirchein aur namak dal ker ab ikathe fry keriye 5 min mazeed fry kerien jab pyaz zara brown hone lage to fauran surkh mirch powder aur haldi powder bhid al dein 2 min bhun ker 2 galss pani dal ker steam laga dijiye {but pateeli main aap 3 glass daliye ga} kuker main sab dalne k baad steam lagaiye 10 min baad kuker steam se hata ker dekhiye gosht gal gaya gal gaya to theek per agar to kuch yun halat ho gi pani hoga



aur masala khara khara sa



ghabrana nahi bus taiz aanch epr pani sukha lena hai aur sath sath chamch chalatay rehna hai masala bhi pis jaye ga aur pani bhi khushk



aur agar steam se hatanay k baad pani bilkul na ho to bhi chamch chaliye k bus maslaa pisna hoye ga theek hai na

jab gosht bhun jaye aur masa oil chore to alu dal dijiey yad rahe sirf alu dalne hain pani nahi 5 min abhi gosht k sath aalu bhunein aur phir 2 galss pani dal ker


ab dheemi aanch per am dhakan {kuker ka steam wala dhakan nahi aam sa dhakan rakh ker dam main alu galaiye 20 min lagein gay taqreeban khair alu gal jaye to hara dhaniya daliye aur garam masala aur bus garama garm dishout kijiye aur brown rice, ya chicken pulaow k sath srv kerein yad rahe sath main salad aur hari chutny wid dahi rakhna na bhuliye ga jo k hum pehle bhi sikha chuke hain


Tip

Hamesha Ki Trah Wohi pakatay lamhay Sar epr Duppata Aur Choti Se Choti chiz bhi dalte waqt "BISMILLAH IRAHMAN ILAHEEM "

Aur agar shuur main bhool gaye to drmiyan main jab bhi yaad aaye to

"BISMILLAH IRAHMANIRAHEEM WA AWALU WAAKHIRATU"

bus aur jab pak jaye to rab s ekhane main barkat aur Lazat ki dua kijiye bad maind kehiye kaise sab tareef ekrte hain aur bus lagan se pakayein to sab kuch aik dum perfect

ijazat dein Tc

Fi aman Allah

[Bint E Aadam]

Chicken Koftay


Kofton k liye

Chicken Ka Qeema ................................................Half KG

Pyaz.................................................1 Adad Bari

{Achay s epees lein k paste sa ban jaye}

Namak......................................... Chothayi Chaye Ka Chamch

Anda ............................................. Aik Adad

Ya Besan.......................................1 n half khane ka chamch

{anda daliye ya Besan}

Surkh mirch powder.......................................half chaye ka chamch

Hari mirch............................................1 adad{is ka bhi bareek sa paste bana lein

adrak paste............................................half chaye ka chamch

garam masala..............................................Half Chaye k chamch se bhi kam

In Sab ashya ko Cil batay per {jis eham dauri danda bhi kehte hain} achay se pees lein k sab chizein yak jaan ho jayein yaad rahe anda agar ap dal rahi hain to woh start main nahi dalein gin Woh jab sahi s epis jaye to last main dale ga aur agar aap besan use ker rahe hain to phir ap besan bhi mila dein achay se jab sab pis jaye to kuch der k liye fridge main Rakhein

baa dmain ath per halka halka oil laga ker is k koftay bana lein gol gol aur again isay fridge main rakh dein

half hour baad ap nonstick fringpan lin is per thora sa oil dalien aur kofton ko shelow fry ker lein is s eiak brown part se kofton epr ban jaye gi halka halka brown ho to bus kofton ko plate main nikal lein

-----------------------------------------------------------

Kofton ki Grevi {masala k liye}

Pyaaz......................................................2 adad bari wali

{bareek kat lein }

Lehsan..............................................aik gathi

adrak powder....................................1 chaye ka chamch

tamatar.............................................1 adad

dahi.............................................1 khane ka chamch

hari mirch.........................................4 adad

{lambayi main kat lein}

namak................................................hasb e zarurat

surkh mirch..........................................half chaye ka chamch

haldi................................................2 chutki k brabar

garam masala.............................................1 chaye ka chamch

oil...................... pakanay k liye

-------------------------------------------------------

pakanay k bartan main oil dlaiye aur pyaz lehsan aur usay darmiyani aanch per fry hone rakh dein golden brown hone lage to tumam masal jaat siwaye garam masala k sab dal ker hamaa tamatar aur hari mirchein bhi achay se bhunein baad az pani 2 galss dal ker steam {kuker main paka rahein hon to} laga dein aur pateeli main bhi 2 glass he pani dal ker dhakan rakh dein k bhanp s epyaz lehsan gal jaye pateeli main 20 min aur kuke rmain 5 se 10 min main masala gal chuka ho ga depend ekrta hai aap k chulhe ki direction kaisi hai behter hai drmiyan main check kerti jayei kuch mins baad khair steam s ehata ker pani hai azafi to khushk kerien musalsal chamch chalati rhaien k masala pista bhi jaye to paste sa bhi banta jaye mukamal pani khsuhk ho to bhi bhunte jayein masala bhunne ki nishani hai k masla kinaray se oil chore ga bus ab is main koftay dla dijiye aur halki aanch per 5 bhin bhunein chamch zyada na chalayein



ab 5 min baad is main dhai ka aik chamch dal dijiye aur achay se mix ker k pe rikhtyat s ekoftay na tutein aur pani ka chanta dein ker dum epr rakh dein 20 min k liye drmiyan main check kerte rahien k lag na jayein jahan maloom ho lag raha hai pani ka phir se chanta dein aur bus pak jaye to dish out kijiye garam garam tanduri roti k sath ya phulke jo bhi roti ho koftay yeh maza dein gay

sath main chutny aur Salad nahi bhulna aap ne




Tip

Hamesha Ki Trah Wohi pakatay lamhay Sar epr Duppata Aur Choti Se Choti chiz bhi dalte waqt "BISMILLAH IRAHMAN ILAHEEM "

Aur agar shuur main bhool gaye to drmiyan main jab bhi yaad aaye to

"BISMILLAH IRAHMANIRAHEEM WA AWALU WAAKHIRATU"

bus aur jab pak jaye to rab s ekhane main barkat aur Lazat ki dua kijiye bad maind kehiye kaise sab tareef ekrte hain aur bus lagan se pakayein to sab kuch aik dum perfect

ijazat dein Tc

Fi aman Allah

[Bint E Aadam]

Shalgham Gosht

Shalgham ...............................................Aik Kilo

{bareek lambayi main kuch kat lein sahulat k liye image de rahe hain }










{pcz ka size same ho }

Gosht..................................................Half KG

Pyaz ............................................2 Adad

Lehsan...........................................Aik gathi

Adrak powder....................................................ai k chaye ka chamch

Tamatar..............................................1 adad

{lambayi main kata ho}

Hari mirchein.................................................... ..lambayi main kati hon 4 adad



Sugar....................................................... ...........Halg khane ka chamch

hara dhaniya.......................................bareek kata hasb e zarurat

garam masala.....................................half chaye ka chamch

namak...............................................half chaye ka chamch

surkh mirch.............................................powder half chaye ka chamch

haldi....................................2 chutki

Oil Pakanay k liye

-----------------------------------------------------------

Kuker ya pateeli main oil dlaiye aur sath main pyaz lehsan bhi dal ker darmiyani aanch per isay fry kerein jab kuch is trah piyazi se pyaz lehsan hon



To aap ne tamatar aur hari mirchein bhi dal ker fry kerna hai



Ab jab achay se fry ho ker brown hone lage




to ap ne tumam masala jaat dal ker achay se siwaye garam masala k bhun jaye to gosht {ab btanay ki zarurat to nahi phir b itna k aap ne pateeli main pakana hai to pehle half chaye ka chamch papeepta powder ya apste gosht per laga lena hai yeh amal jaldi gosht galanay k liye hota hai} dal ker 5 min bhun ker 2 glass pani dal ker steam laga dien aur agar pateeli main paka rahe hain to 3 glass khair 10 min baad steam se hata lein lekin 5 min baad aik daffa check zarur kijiye kahin jal he na jaye

khair steam se hatanay k baad achay s ebhunein pani extra ho to khushk ekr k achay se bhunein masalay ko pakanay k chamch s emasalte jayein k apste sa banta jaye jab masala bhun jaye is ki nishani yun k oil kinaray chore ga

khair bhun jaye to ab aap ne shalgham kate hue dal dene hain




ab ap ne isay mix kerna hai



achay se mix kerna hai k masala theek se lag jaye



khair ab ap ne 5 min k liye dhakan rkah dena hai aam sa dam laganay k liye 5 min baad dhakan hatayein to kuch aisii surat ho gi




is stage epr aap ne jhat se 2 glass pani dal ker mix kerna hai




aur phir 10 mins k liye steam laga deni hai

10 min baad steam hata ker dekhein to kuch yun ho ga



aap ne ghabrana nahi kerna kya hai bus pakanay k chamch se maslana hai shalgham k pcz ko




taqreeban ghule hon to aap ne ab is main sugr {cheeni} dla deni hai




aur achay se shalghamon ko maslte jana hai yad rahe gosht ko na pees dijiyega



achay s eshalgham pis jayein to shakal kuch yun ho gi



bus hara dhaniya daliye aur dishout ker k white rice k sath srv kijiye

[Bint E Aadam]

Murgh Chanay

Chanay........................................Half Kg

{Haldi(half chaye ka chamch ) Daal Ker aur namak {half chaye ka chamch} daal ekr achay se boil ker lein }

Chicken........................................half Kg

Pyaz................................2 Adad

Lehsan Ki Gati.............................................aik Adad

Adrak Powder...........................................half chaye ka chamch

Tamatar...................................................1 adad

{bareek kat k oil main fry ekrein naram parein to pees lein pakanay k chamch s epaste si ban ajye to chulhe se hata lein}

Namak..........................................half chaye ka chamch

Surkh mirch.......................................half chaye ka chamch

Haldi.................................1 chutki

Garam masala........................................half chaye ka chamch

hara dhaniya...................................2 khane k chamch k brabar bareek sa kata hua

Oil pakanay k liye

----------------------------------------------------

pyaz lehsan pakanay k bartan main dlaiye dheemi aanhc epr rkah ekr oil dlaiye fry ekrien thoray say fry hon to sirf namak abhi dal ker stah main chicken aur tamatar paste jo bnayi thi dal dein achay s e5,7 min tak fry kerein us k baad is main tumam masala jaat siwaye adrak powder aur garam masala k sab daal ekr bunein 5 min baad one and half glass pani daal ker 5 min steam lagayein us k baad steam s ehata ker agar azafi pani ho to khusk kijiye aur masalay ko achays epakanay k chamch s epees ker paste sa bana lein jab amsala oil chorne lage to adrak powder daliye aurachy se mix ker ab chanay daal dijiye yad rhae chann k sath tagreeban {jis pani main boil kiya woh pani hona chaiye} taqreeban chanon k sath chanon ka he pani half glass hona chaiye woh dal ker achay se bhunein aur bus ab 10 min k liye dum epr rkah dien baad main dhaniya dal ekr garam maslaa dalein aur dishout ker k srv kijiye garam garam roghni nana,phulkay ya chapati k sath

yaad hai na Top kya hai ab to bhool nahi payein gay k Bismillah Irahman Iraheem parhna hai bhl gaye to jab yaad aaye Bismialh Irahman Iraheem Awalau waakhiratu

[Bint E Aadam]

Gobhi Chicken



Gobhi .............................................Safa Kilo ka aik phool le lijiye

pyaaz...........................2 adad

Chicken ................................half Kg

Lehsan ........................................aik gathi



{jo k aisi hai jitne bhi joye hon leni aik hai}

tamatar....................................................1 adad





namak............................................half chaye ka chamch

surkh mirch ...............................half chaye ak chamch

haldi.....................................2 chutki

garam masala...................................half chaye ak chamch

hara dhaniya......................................2 khane k chamch k brabnar bareek kata hua

oil pakanay k liye







-------------------------------------------------------------

{gobhi Bnanay ka Tareeka}



tray epr aap ne gobhi ko pic k style ki trah se ulta rakhna hai k cutting main asani ho

ab jab aap ketein gay to sab tukray utarne per aisi kuch shakal ho gi



ab aap ne yeh kerna hai k phool k aik aik pcz ko aise pakarna ker kehnchna hai




to kuch is surat main rukra utare ga



aise sab pcz aap en utar lene hai




pichay danthal {muth} bache ki aap ne churi s ekat lagatay jana hai jahan jahan hisa naram lage us k nichay s ekatte jayein jahan skaht lage wahan se nahi aur wapis uper jahan kat laga ker check kiya bus utnay hise ko kat lein jaise k yeh image main hai



ab aap ne is ko saaf ekrna hai to kuch yun shakal nikle gi




ab aap ne is k chotay chotay pcz katne hain










ab jo gobhi k pcz kate thay un k dundiyan bhi kat lijiye ga





aur chotay tukray kat lein to kuch yun gobhi finaly kate gi



ab pani main siay bhigo dein achay se dho ke

{bus G sabzi kat gayi }


khair ab pakanay k bartan main oil dlaiye ar pyaz lehsan bhi aur fry kijiye




is haad tak ho to aap ne ab is main tamatar dal dene hain 5 min bhunne k baad tumam masala jaat siwaye garam masala k dal ekr chicken bhi dal dena hai aur achays ebhun ekr one n half glass pani dal ek r5 min k liye steam laga dijiye us k baad kuch yun shakal hoye gi





bus aap ne bhunna hai aur pakanay k chamch s emasalay ka apste bnatay rehna hai to jab maslaa bhoon jaye aur oil masala chor dei



to aap ne gobhi without pani gobhi dal ekr mix kerna hai k maslaa gobhi epr lag jaye



phir 10 min k liye dheemi aanch aur dhakan rakh dein k steam si {steam laganay nahi dum ki shakal main dhakan rakhna hai} 10 min baad gobhi ki shakal kuch yun hoye gi



bus ab aap en murghi ki botiyon ko alag plate main nikal len hai



aur pani 2 glass taqreeban daal dena hai gobhi main



itna jitna hai pic main aur bus phir steam 5 se 7 min k liye

phir hata ker steam aap ne gobhi ko pakanay k chamch s episna hai qadray pis jaye to bus chicken dal ekr bhunna hai 5 min phir garam masala daal ekr hgara dhaniya daal ker mix keriye ga ab doshout ker k aap ne uper se garnishin k taur epr dhaniya dlaiye aur bus srv kijiye parathas k tanduri roti k sath