Bint E Aadam's Kitchen => Pak raha Hai Kya??

[Bint E Aadam]

Phulkay

Gundha hua Aata To her ghar min majood hota hai :-)

Aata k Paire................................2 adad



Desi Ghe.....................................1 chaye ka chamch ya hasb e zarurat

{Gundha hua aata lain aur usay hatheli aur ungliyon ki madad se gol sa bana lein}


khush aatay main isay dabatyein aur ab hatheli aur ungliyon k madad se chaknay k uper is trah s edabayein k azafi aata chaknay per gire

kuch yun shakal hoti hai



ab is per mazeed khushk aata dal ker belan se gol gol belti jayein agar gol nahi banti to asan tareeka jo mairi mumani ne mujhe sikhaya tha unhe aksar aise kerte dekhti thi belan ko roti beltay hue aise ghumayein k har janib se gol hoti jaye ya pehle samnay s eapni janib belein



then chaknay ko rukh tehra ker k phir uper se neechay dayein se bayein dono atarf k kono ki janib belein yaqeenan aik se do try epr aa he jaye gol roti bnana waise fiker na akrein dunya jahan k naqshay bnaye ham en bhi thay jo k kisi map per na milte thay {heheh}



khair ab jap bel lein roti to hath main le ker pehle aik hath per phir dusre hath per pathke yeh amal azafi atay ko jharne aur bari roti aur bareek karne main madad deta hai ab :-) garam garam taway per dal dein jab nichla hisa pak jaye


to palat lein


ab dono atraf se pakayein

aur hot pot main rakhein



desi ghe lagayein isay punjab main




CHOPRI hui Roti bhi kaha jata hai ab dusra phulka bhir kah dein k oil pighla rahe aur jhat se srv kere salan beshak jauns a marzi ho epr aisi roti ka sarson k saag k sath bara maza aata hai khair lein G phulka bnana bhi sikha diya aray han roti bareek bhelni hai per zyada nahi kune k taway per dalne se qabal ka amal bhi hota hai jo mazeed usay bareek ekrta hai is trah agar zyada patli ki to roti akar jaye gi

ab ijazat dein tc

fi aman Allah

[Bint E Aadam]

Bhunni hui kaleji gurday



Kalegi Aur gurday ................................ Aik Bakray K Lein Lein Yani Miqdar Main

Pyaz.....................................2 adad

{bareek akt lein}

LEhsan............................Aik gathi

Tamatar............................aik adad

Bareek Kat Lein

hari mirchein.......................2 adad

Namak..........................half chaye ka chamch

surkh mirch powder.....................half chaye ka chamch

haldi aik chutki k barabar

garam masala....................................2 chutki k brabar

hara dhaniya.....................................bareek kata aik khane ka chamch

oil ...............................................pakanay k liye hasb e zarurat

--------------------------------------------------------------------------------------------------

pakanay k bartan main oil lein us main pyaz,lehsan, tamatar, hari mirch dal ekr fry kerein pinky sa hone epr tumam maslaa jaat dal ker bhunein aur phir 2 glass pani dal ker steam laga dein

5 se 8 min baad steams ehatayein aur agar pani ho to taiz aanch epr khushk kerien agar pani nahi to masala pakanay k chamch s e bhunte hue piste jayein

ab jab masala oil chor de to is main kaleji gurday dal ker 10 min bhunein aur ab aik se derh glass pani dal ker pani dal ker steam laga dein 10,15 min per darmiyan main aik daffa check zarur kerein k kahin jal na jaye jab gal jaye to agar azafi pani ho to taiz aanch per bhunte bhunte khushk kerien aur phir bhunte bhunte jab oil chorne lage




to ab hara dhaniya dal ekr dish out kerein :-)



garam garam naan k sath ya tanduri roti k sath sath salad aur hari chutni bhi dahiw ali ho to maza dobala ho jata hai

Ab ijazat dein tc fi aman Allah

[Bint E Aadam]

Phulkay aur bhuni hui kaleji Gurdon ki recipie de di ham ne ab insha Allah next Rasmilayi Aur aaloo k pakoray :-) aur kajoo ki kheer theek hai na

[Bint E Aadam]

Chyanay ki daal ka halwa




Chanay Ki Daal....................................3 Cup

{Ubal Lein aur bareek pees lein}

Cheeni.............................2 cup

Khushk Dudh.........................................3 Piyali

Choti Ilaichi.............................Hasb e pasand

Badam o Pista...........................Hasb e zarurat

Ghee..................................2 Piyali

{kam lage to tab ap aur add ker sakte hain per half ya one more is se zyada qatan nahi}

==================================================

Aik Pakanay k bartan main ghee dal ker garam kerien aur ab ilaichi dal ker karkrayein aur ab is main chanay ki daal dirmiyani aanch ho aur is per bhunein jab sundhi si khushboo aaye to cheeni bhi shamil ekr k halki he aanch per as se 12 min bhunein khushk dudh bhi shamil ker k achay s emix kerein kinaron s ebhi amaiza utarte hain k sahi s e bhunei ab ap ne aik cup jo oil rkaha tha mean pehle starting main aik cup dalna hai baad main ab is stage epr half half ker k ad kerein k zyada na ho ab oil k baad achay s ebhunte jayein aur jab oil kinaray chore to phior chikni trey mean jis per oil laga ker grs kiya ho us epr yeh amaiza phela dein badam ki aur pistay ki hawaiyan bhi chork ekr thand ahone rakh dein thanda ho jaye to chakor ya dif styles k cutter bazar s emilte hain un ki madad se shapes kat ker dishout kijiye aur rv kerein

aur tip wohi hamesha ki trah Bismilah aur pak jane epr Rab se is main barkat aur zaiqa dalne k darkhawast yaqeenan is per amal ekrne k baad yeh sunne ko nahi milta k kharab bani han yeh sba karte us uper wali Zar per yaqeen rakhein k ap ki dua woh sun raha hai aur puri kare ga insha Allah

ab ijazat tc fi aman Allah

[~*Rano*~]

[sheem]

woow bhot hi zaberdast sharings BEA

[Bint E Aadam]

As Salam-o-Alaykum

Methi Aaloo

Methi.............................Aik gathi Bareek kat Lein
{Methi katne k liye ami ki madad lein main ne bhi unhi ki madad hasil ki thin hehehe}



Aaloo........................ 4 adad

Namak...........................Half Chaye Ka Chamch

Surkh Mirch.............................Half Chaye Ka Chamch

Haldi ................................2 Chutki K Brabar

Oil.................................pakanay k liye

============================================

Chulhay epr pateli l rkahiye aanch darmiyani ho

is epr ab pehle oil garam ekrien aur methy fry kerien thori si methi abhi dal ekr bus fry kerien k khushboo anay lage






jab fry ho ajye to namak mirch haldi dalein aur bhunein 2 min bhun ker pani ka chanta dein epr ikhtyat se then bhunein


aur baqi ki methi bih dal dein khub bhunein 5 min



then aaloo jo k chotay chotay kate thay{jais emix veg k liye katte hain chotay aalo waise} woh dal ker bhunein


aur baad main pani dal dein half glass




aur dheemi aanch per galne aur pakne k liye rkah dein darmiyan main check kerti rahein



pak jaye to dish out ekr k phulkon lemon salad aur haray dhaniye poodene ki chutny k sath srv kerein

[Bint E Aadam]

Aaloo K Pakoraz


Besan............................. 2 Cups

Aloo..................................4 s e5 adad

Hari Mirch..............................bareek kati hui 1 chaye ak chamch

Pyaz.......................................1 adad darmiyani size ki bareek kati hui

dahi.......................................2 khane k chamch

Namak............................................taqreeban Sawa chaye ka chamch ya sab e zaiqa

Surkh mirch aik chothayi chaye ka chamch

Chat misala.........................................aik chaye ka chamch {half amaiza bnatay hue dale ga aur half jab pakoraz fry ho jayein gay

oil.......................... fry kerne k liye


Sukha dhaniya .....................{danay daar jo hota hay half chaye ka chamch

==================================

Tarkeeb

Tumam ajza aik mixing bowl main dal lijiye
















ab hasb e zarurat pani dal ker btter bana lein


ab karahi main ghee daliye yad rahe dahi ham is liye dalien gay k after pakoraz jitne marzi kha lein pait main dard na ho aur sahi s ephul jayein pakoras ok

ab pakoras ko tal lein aur pakatay waqt chakoo se in main kat lagaty rahein k ander se bhi aloo gal jayein aur behter result k liye dheemi aanch epr pakoraz fry kerin






ab dishout ekr k lemons k sath aur chat masla chirk ekr katchup k sath srv kerein and tareefein payein

[Arslan]

yummy

[Bint E Aadam]

Chicken .....................................................half Kg

{Achay se dho lijiye }

Arvi .............................aik pao

{cheel ker darmiyan s ekat ker do tukray ker lein lambayi main aur namak laga ker adha chaye ka chamch mix ker k chor dein aur 20 min baad achay se dho lein k lass aur namak dhul jaye }

Pyaz...............................2 adad

LEhsan............................................aik gathi

adrak powder.....................................aik chaye ka chamch

namak...........................................aik Chaye ka chamch

surkh Mirch....................................{powder} Half Chaye Ka Chamch

{ham aaj kal black mirchi main salan paka rahay hayn kune k maiday ka amsla hay to black pepper aik chothayi mena half se bhi kam chaye ka chamch}


Haldi................................ 2 chutki k brabar


hari mirch.......................2 se 3 adad

lambayi main dundiyan utar ker kat lein aik mirch k 2 pcz hon

Garam Masala,.,,,,,,,,,,,,,,,,,,,,,,,,,,,,,,,,,,,,,,,,,,1 chaye ka chamch


Tamatar.........................................2 Adad Darmiyane Size ki

Oil ..............................Pakane k liye


---------------------------------------------------------------


ab ap aik kam kariye kuker lijiye behetr rahe ga kuker ho warna degchi main bhi paka skate hain

khair kuker main oil taqreeban adhi piyali k brabar daliye ab ap ne is main kate hue pyaz dal dijiye lehsan bhi aur fry kerein golden brown hone lage to namak mirch haldi, achay se mix kerien thora aur brown ho to ap tamatar hari mirch dal dijiye




aur 5 min bhun k adrak powder bhi dal dijiye ab sath main chicken bhi dal dijiye aur bhun lein




ker ab 2 glass pani dljiye




Ab steam laga dien


taqreeban 10 se 12 min tak aap pakaiye isay yad rahe k ap ko damriyan main aik daffa steam se utar ekr check kerna hai k pani khushk ho to nahi gaya ok na khushk hua to theek dubara steam ki zarurat nahi


ab is ko bhunein lehsna jo sabit tha piss lein achay se paste bane namak check ker lein sahi ho to ok nahi to jitni zarurat ho dal dijiye


ab is main stah he abhi oil na choray to arvi kati hui dal lein

bhunein




yad rahay pani thora sa ho to arvi dalein k bhuntay bhuntay pani khsuhk ho aur oil masala chore



aise oil chore ga arvia ur chicken



Jab aise oil chor dein aur nichay s ehalka sa masala lagay to ap ne kerna yeh hay k 3 se 4 glass pani dal dena hay



Ab darmiyani aanch epr paknay dein arvi galnay tak

20 min baa dchakoo ki nauk s earvi chak kerein chakoo ki nok ander aaram s echali ajye mean arvi gal gayi shorba dkehein garha hay to ok epr taiz aanch per garha ker lein aur phir dhaniya aur garam masala dal dein



Baad main dishout ekr lein yahan is ak colour readish nahi becuz ham ne red chili nahi dlai dats why



black pepper main bana hay

ok jee yeh tyar hay uisay tandoori roti k sath srv kerien aur sath lemon rkah dein halka sa nichorein to wah maza deta hay yeh