Meri hasein yadein

[SiLenT ScReaM]

Meri Hasein Yadein

meri hasein yadein,apna naqosh choray ja rahi hein
titliyon k pichay wo hamara door tak bhagna

soraj ki kirno ko muthi mein band kerna
miti ki sondi khushbo pay jhomna

meri hasein yadein,apna naqosh choray ja rahi hein
wo samander ki gehrayon ko chonay ki arzoo

sitaron ko hathon mein bharnay ki tamanna
kachay raston pay door tak dornay ki khawahish

meri hasein yadein,apna naqosh choray ja rahi hein
wo tapti dhoop mein,nehr k kinaray kheilna

or khizan mein sookhay paton ko rond k khush hona
udasi pay khushi ka badal ban k baras jana

meri hasein yadein,apna naqosh choray ! ja rahi hein
mein in yadon k bin aik dhalti hoi sham hn

kash meri in yadon k jugnoon ko koi louta de
tu mein in ko seep k moti ki manid hathon mein bher loon
meri hasein yadein,apna naqosh choray ja rahi hein

Seemaz

[DaNgErOuS tEaRs]

Wah

[Mohammad Sajid]

Bohot Khoob

[~*Rano*~]

achi hai..