Urdu Ke 50 Mashoor Ashaar
اردو کے پچاس مشھور اشعار
ﻟﺐ ﭘﮧ ﺁﺗﯽ ﮨﮯ ﺩُﻋﺎ ﺑﻦ ﮐﮯ ﺗﻤﻨﺎ ﻣﯿﺮﯼ
ﺯﻧﺪﮔﯽ ﺷﻤﻊ ﮐﯽ ﺻﻮﺭﺕ ﮨﻮ ﺧﺪﺍﯾﺎ ﻣﯿﺮﯼ
ﻋﻼﻣﮧ ﺍﻗﺒﺎﻝؒ
ﺑﻨﺎ ﮐﺮ ﻓﻘﯿﺮﻭﮞ ﮐﺎ ﮨﻢ ﺑﮭﯿﺲ ﻏﺎﻟﺐؔ
ﺗﻤﺎﺷﺎﺋﮯ ﺍﮨﻞِ ﮐﺮﻡ ﺩﯾﮑﮭﺘﮯ ﮨﯿﮟ
ﻣﺮﺯﺍ ﻏﺎﻟﺐ
ﻗﺘﻞ ﺣﺴﯿﻦ ﺍﺻﻞ ﻣﯿﮟ ﻣﺮﮒِ ﯾﺰﯾﺪ ﮨﮯ
ﺍﺳﻼﻡ ﺯﻧﺪﮦ ﮨﻮﺗﺎ ﮨﮯ ﮨﺮ ﮐﺮﺑﻼ ﮐﮯ ﺑﻌﺪ
ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ
ﻧﺎﺯﮐﯽ ﺍﺱ ﮐﮯ ﻟﺐ ﮐﯽ ﮐﯿﺎ ﮐﮩﯿﮯ
ﭘﻨﮑﮭﮍﯼ ﺍﮎ ﮔﻼﺏ ﮐﯽ ﺳﯽ ﮨﮯ
ﻣﯿﺮﺗﻘﯽ ﻣﯿﺮ
ﺧﻮﺩﯼ ﮐﺎ ﺳﺮ ﻧﮩﺎﮞ ﻻ ﺍﻟﮧ ﺍﻻ ﺍﻟﻠﮧ
ﺧﻮﺩﯼ ﮨﮯ ﺗﯿﻎ ﻓﺴﺎﮞ ﻻ ﺍﻟﮧ ﺍﻻ ﺍﻟﻠﮧ
ﺣﻀﺮﺕ ﻋﻼﻣﮧ ﺍﻗﺒﺎﻝؒ
ﺩﺍﻣﻦ ﭘﮧ ﮐﻮﺋﯽ ﭼﮭﯿﻨﭧ ﻧﮧ ﺧﻨﺠﺮ ﭘﮧ ﮐﻮﺋﯽ ﺩﺍﻍ
ﺗﻢ ﻗﺘﻞ ﮐﺮﻭ ﮨﻮ ﮐﮧ ﮐﺮﺍﻣﺎﺕ ﮐﺮﻭ ﮨﻮ
ﮐﻠﯿﻢ ﻋﺎﺟﺰ
ﻗﯿﺲ ﺟﻨﮕﻞ ﻣﯿﮟ ﺍﮐﯿﻼ ﮨﮯ ﻣﺠﮭﮯ ﺟﺎﻧﮯ ﺩﻭ
ﺧﻮﺏ ﮔﺰﺭﮮ ﮔﯽ ﺟﻮ ﻣﻞ ﺑﯿﭩﮭﯿﮟ ﮔﮯ ﺩﯾﻮﺍﻧﮯ ﺩﻭ
ﻣﯿﺎﮞ ﺩﺍﺩ ﺧﺎﻥ ﺳﯿﺎﺡ
ﺭﻧﺪِﺧﺮﺍﺏ ﺣﺎﻝ ﮐﻮ ﺯﺍﮨﺪ ﻧﮧ ﭼﮭﯿﮍ ﺗﻮ
ﺗﺠﮫ ﮐﻮ ﭘﺮﺍﺋﯽ ﮐﯿﺎ ﭘﮍﯼ ﺍﭘﻨﯽ ﻧﺒﯿﮍ ﺗﻮ
ﺍﺑﺮﺍﮨﯿﻢ ﺫﻭﻕ
ﺩﯾﺎﺭِﻋﺸﻖ ﻣﯿﮟ ﺍﭘﻨﺎ ﻣﻘﺎﻡ ﭘﯿﺪﺍ ﮐﺮ
ﻧﯿﺎ ﺯﻣﺎﻧﮧ ﻧﺌﮯ ﺻﺒﺢ ﻭ ﺷﺎﻡ ﭘﯿﺪﺍ ﮐﺮ
ﻋﻼﻣﮧ ﺍﻗﺒﺎﻝؒ
ﮐﻌﺒﮯ ﮐﺲ ﻣﻨﮧ ﺳﮯ ﺟﺎ ﻭﮔﮯ ﻏﺎﻟﺐ
ﺷﺮﻡ ﺗﻢ ﮐﻮ ﻣﮕﺮ ﻧﮩﯿﮟ ﺁﺗﯽ
ﻣﺮﺯﺍ ﻏﺎﻟﺐ
ﺧﻨﺠﺮ ﭼﻠﮯ ﮐﺴﯽ ﭘﮧ ﺗﮍﭘﺘﮯ ﮨﯿﮟ ﮨﻢ ﺍﻣﯿﺮ
ﺳﺎﺭﮮ ﺟﮩﺎﮞ ﮐﺎ ﺩﺭﺩ ﮨﻤﺎﺭﮮ ﺟﮕﺮ ﻣﯿﮟ ﮨﮯ
ﺍﻣﯿﺮ ﻣﯿﻨﺎﺋﯽ
ﭼﻞ ﺳﺎﺗﮫ ﮐﮧ ﺣﺴﺮﺕ ﺩﻝِ ﻣﺤﺮﻭﻡ ﺳﮯ ﻧﮑﻠﮯ
ﻋﺎﺷﻖ ﮐﺎ ﺟﻨﺎﺯﮦ ﮨﮯ ﺫﺭﺍ ﺩﮬﻮﻡ ﺳﮯ ﻧﮑﻠﮯ
ﻓﺪﻭﯼ ﻋﻈﯿﻢ ﺁﺑﺎﺩﯼ
ﭘﮭﻮﻝ ﮐﯽ ﭘﺘﯽّ ﺳﮯ ﮐﭧ ﺳﮑﺘﺎ ﮨﮯ ﮨﯿﺮﮮ ﮐﺎ ﺟﮕﺮ
ﻣﺮﺩِ ﻧﺎﺩﺍﮞ ﭘﺮ ﮐﻼﻡِ ﻧﺮﻡ ﻭ ﻧﺎﺯﮎ ﮦ ﺑﮯ ﺍﺛﺮ
ﺍﻗﺒﺎﻝؒ
ﺗﮭﺎ ﺟﻮ ﻧﺎﺧﻮﺏ ﺑﺘﺪﺭﯾﺞ ﻭﮨﯽ ﺧﻮﺏ ﮨﻮﺍ
ﮐﮧ ﻏﻼﻣﯽ ﻣﯿﮟ ﺑﺪﻝ ﺟﺎﺗﺎ ﮨﮯ ﻗﻮﻣﻮﮞ ﮐﺎ ﺿﻤﯿﺮ
ﻋﻼﻣﮧ ﺍﻗﺒﺎﻝؒ
ﻣﺪﺍﻋﯽ ﻻﮐﮫ ﺑﺮﺍ ﭼﺎﮨﮯ ﺗﻮ ﮐﯿﺎ ﮨﻮﺗﺎ ﮨﮯ
ﻭﮨﯽ ﮨﻮﺗﺎ ﮨﮯ ﺟﻮ ﻣﻨﻈﻮﺭِ ﺧﺪﺍ ﮨﻮﺗﺎ ﮨﮯ
ﻓﺼﻞ ﺑﮩﺎﺭ ﺁﺉ، ﭘﯿﻮ ﺻﻮﻓﯿﻮ ﺷﺮﺍﺏ
ﺑﺲ ﮨﻮ ﭼﮑﯽ ﻧﻤﺎﺯ، ﻣﺼﻠّﺎ ﺍﭨﮭﺎﺋﯿﮯ
ﺁﺗﺶ
ﺁﺋﮯ ﺑﮭﯽ ﻟﻮﮒ، ﺑﯿﭩﮭﮯ ﺑﮭﯽ، ﺍﭨﮫ ﺑﮭﯽ ﮐﮭﮍﮮ ﮨﻮﺋﮯ
ﻣﯿﮟ ﺟﺎ ﮨﯽ ﮈﮬﻮﻧﮉﮬﺘﺎ ﺗﯿﺮﯼ ﻣﺤﻔﻞ ﻣﯿﮟ ﺭﮦ ﮔﯿﺎ
ﺁﺗﺶ
ﻣﺮﯼ ﻧﻤﺎﺯﮦ ﺟﻨﺎﺯﮦ ﭘﮍﮬﯽ ﮨﮯ ﻏﯿﺮﻭﮞ ﻧﮯ
ﻣﺮﮮ ﺗﮭﮯﺟﻦ ﮐﮯ ﻟﺌﮯ، ﻭﮦ ﺭﮨﮯ ﻭﺿﻮ ﮐﺮﺗﮯ
ﺁﺗﺶ
ﺍﻣﯿﺪ ﻭﺻﻞ ﻧﮯ ﺩﮬﻮﮐﮯ ﺩﺋﯿﮯ ﮨﯿﮟ ﺍﺱ ﻗﺪﺭ ﺣﺴﺮﺕ
ﮐﮧ ﺍﺱ ﮐﺎﻓﺮ ﮐﯽ 'ﮨﺎﮞ' ﺑﮭﯽ ﺍﺏ 'ﻧﮩﯿﮟ' ﻣﻌﻠﻮﻡ ﮨﻮﺗﯽ ﮨﮯ
ﭼﺮﺍﻍ ﺣﺴﻦ ﺣﺴﺮﺕ
ﺩﺍﻭﺭ ﺣﺸﺮ ﻣﯿﺮﺍ ﻧﺎﻣﮧ ﺀ ﺍﻋﻤﺎﻝ ﻧﮧ ﺩﯾﮑﮫ
ﺍﺱ ﻣﯿﮟ ﮐﭽﮫ ﭘﺮﺩﮦ ﻧﺸﯿﻨﻮﮞ ﮐﮯ ﺑﮭﯽ ﻧﺎﻡ ﺁﺗﮯ ﮨﯿﮟ
ﻣﺤﻤﺪ ﺩﯾﻦ ﺗﺎﺛﯿﺮ
ﺍﺏ ﯾﺎﺩ ﺭﻓﺘﮕﺎﮞ ﮐﯽ ﺑﮭﯽ ﮨﻤﺖ ﻧﮩﯿﮟ ﺭﮨﯽ
ﯾﺎﺭﻭﮞ ﻧﮯ ﮐﺘﻨﯽ ﺩﻭﺭ ﺑﺴﺎﺉ ﮨﯿﮟ ﺑﺴﺘﯿﺎﮞ
ﻓﺮﺍﻕ ﮔﻮ ﺭﮐﮭﭙﻮﺭﯼ
ﮨﺮ ﺗﻤﻨﺎ ﺩﻝ ﺳﮯ ﺭﺧﺼﺖ ﮨﻮ ﮔﺊ
ﺍﺏ ﺗﻮ ﺁﺟﺎ ﺍﺏ ﺗﻮ ﺧﻠﻮﺕ ﮨﻮ ﮔﺊ
ﻋﺰﯾﺰ ﺍﻟﺤﺴﻦ ﻣﺠﺬﻭﺏ
ﻭﮦ ﺁﺋﮯ ﺑﺰﻡ ﻣﯿﮟ ﺍﺗﻨﺎ ﺗﻮ ﺑﺮﻕ ﻧﮯ ﺩﯾﮑﮭﺎ
ﭘﮭﺮ ﺍﺳﮑﮯ ﺑﻌﺪ ﭼﺮﺍﻏﻮﮞ ﻣﯿﮟ ﺭﻭﺷﻨﯽ ﻧﮧ ﺭﮨﯽ
ﻣﮩﺎﺭﺍﺝ ﺑﮩﺎﺩﺭ ﺑﺮﻕ
ﭼﺘﻮﻧﻮﮞ ﺳﮯ ﻣﻠﺘﺎ ﮨﮯ ﮐﭽﮫ ﺳﺮﺍﻍ ﺑﺎﻃﻦ ﮐﺎ
ﭼﺎﻝ ﺳﮯ ﺗﻮ ﮐﺎﻓﺮ ﭘﮧ ﺳﺎﺩﮔﯽ ﺑﺮﺳﺘﯽ ﮨﮯ
ﯾﮕﺎﻧﮧ ﭼﻨﮕﯿﺰﯼ
ﺩﯾﮑﮫ ﮐﺮ ﮨﺮ ﺩﺭﻭ ﺩﯾﻮﺍﺭ ﮐﻮ ﺣﯿﺮﺍﮞ ﮨﻮﻧﺎ
ﻭﮦ ﻣﯿﺮﺍ ﭘﮩﻠﮯ ﭘﮩﻞ ﺩﺍﺧﻞ ﺯﻧﺪﺍﮞ ﮨﻮﻧﺎ
ﻋﺰﯾﺰ ﻟﮑﮭﻨﻮﯼ
ﺍﭘﻨﮯ ﻣﺮﮐﺰ ﮐﯽ ﻃﺮﻑ ﻣﺎﺋﻞ ﭘﺮﻭﺍﺯ ﺗﮭﺎ ﺣﺴﻦ
ﺑﮭﻮﻟﺘﺎ ﮨﯽ ﻧﮩﯿﮟ ﻋﺎﻟﻢ ﺗﯿﺮﯼ ﺍﻧﮕﮍﺍﺉ ﮐﺎ
ﻋﺰﯾﺰ ﻟﮑﮭﻨﻮﯼ
ﺩﯾﻨﺎ ﻭﮦ ﺍُﺱ ﮐﺎ ﺳﺎﻏﺮِ ﻣﺌﮯ ﯾﺎﺩ ﮨﮯ ﻧﻈﺎﻡ
ﻣﻨﮧ ﭘﮭﯿﺮ ﮐﺮ ﺍُﺩﮬﺮ ﮐﻮ ﺍِﺩﮬﺮ ﮐﻮ ﺑﮍﮬﺎ ﮐﮯ ﮨﺎﺗﮫ
ﻧﻈﺎﻡ ﺭﺍﻡ ﭘﻮﺭﯼ
ﯾﮩﯽ ﻓﺮﻣﺎﺗﮯ ﺭﮨﮯ ﺗﯿﻎ ﺳﮯ ﭘﮭﯿﻼ ﺍﺳﻼﻡ
ﯾﮧ ﻧﮧ ﺍﺭﺷﺎﺩ ﮨﻮﺍ ﺗﻮﭖ ﺳﮯ ﮐﯿﺎ ﭘﮭﯿﻼ ﮨﮯ
ﺍﮐﺒﺮ ﺍﻟﮧ ﺁﺑﺎﺩﯼؒ
ﺑﮯ ﭘﺮﺩﮦ ﮐﻞ ﺟﻮ ﺁﺋﯿﮟ ﻧﻈﺮ ﭼﻨﺪ ﺑﯿﺒﯿﺎﮞ
ﺍﮐﺒﺮ ﺯﻣﯿﮟ ﻣﯿﮟ ﻏﯿﺮﺕ ﻗﻮﻣﯽ ﺳﮯ ﮔﮍ ﮔﯿﺎ
ﭘﻮﭼﮭﺎ ﺟﻮ ﺍﻥ ﺳﮯ ﺁﭖ ﮐﺎ ﭘﺮﺩﮦ ﻭﮦ ﮐﯿﺎ ﮨﻮﺍ
ﮐﮩﻨﮯ ﻟﮕﯿﮟ ﮐﮧ ﻋﻘﻞ ﭘﮧ ﻣﺮﺩﻭﮞ ﮐﯽ ﭘﮍ ﮔﯿﺎ
ﺍﮐﺒﺮ ﺍﻟﮧ ﺁﺑﺎﺩﯼؒ
ﺁ ﻋﻨﺪﻟﯿﺐ ﻣﻞ ﮐﺮ ﮐﺮﯾﮟ ﺁﮦ ﻭﺯﺍﺭﯾﺎﮞ
ﺗﻮ ﮨﺎﺋﮯ ﮔﻞ ﭘﮑﺎﺭ ﻣﯿﮟ ﭼﻼﻭﮞ ﮨﺎﺋﮯ ﺩﻝ
ﺍﻗﺒﺎﻝ ﺑﮍﺍ ﺍﭘﺪﯾﺸﮏ ﮨﮯ ، ﻣﻦ ﺑﺎﺗﻮﮞ ﻣﯿﮟ ﻣﻮﮦ ﻟﯿﺘﺎ ﮨﮯ
ﮔﻔﺘﺎﺭ ﮐﺎ ﯾﮧ ﻏﺎﺯﯼ ﺗﻮ ﺑﻨﺎ، ﮐﺮﺩﺍﺭ ﮐﺎ ﻏﺎﺯﯼ ﺑﻦ ﻧﮧ ﺳﮑﺎ
ﺍﻗﺒﺎﻝؒ
ﺗﻮﮌ ﮐﺮ ﻋﮩﺪ ﮐﺮﻡ ﻧﺎ ﺁﺷﻨﺎ ﮨﻮ ﺟﺎﺋﯿﮯ
ﺑﻨﺪﮦ ﭘﺮﻭﺭ ﺟﺎﺋﯿﮯ، ﺍﭼﮭﺎ ، ﺧﻔﺎ ﮨﻮ ﺟﺎﺋﯿﮯ
ﺣﺴﺮﺕ ﻣﻮﮨﺎﻧﯽ
ﺗﻤﮩﯿﮟ ﭼﺎﮨﻮﮞ، ﺗﻤﮩﺎﺭﮮ ﭼﺎﮨﻨﮯ ﻭﺍﻟﻮﮞ ﮐﻮ ﺑﮭﯽ ﭼﺎﮨﻮﮞ
ﻣﺮﺍ ﺩﻝ ﭘﮭﯿﺮ ﺩﻭ، ﻣﺠﮫ ﺳﮯ ﯾﮧ ﺟﮭﮕﮍﺍ ﮨﻮ ﻧﮩﯿﮟ ﺳﮑﺘﺎ
ﻣﻀﻄﺮ ﺧﯿﺮ ﺁﺑﺎﺩﯼ
ﺩﯾﮑﮫ ﺁﺀﻭ ﻣﺮﯾﺾ ﻓﺮﻗﺖ ﮐﻮ
ﺭﺳﻢ ﺩﻧﯿﺎ ﺑﮭﯽ ﮨﮯ، ﺛﻮﺍﺏ ﺑﮭﯽ ﮨﮯ
ﺣﺴﻦ ﺑﺮﯾﻠﻮﯼ
ﺧﻼﻑ ﺷﺮﻉ ﺷﯿﺦ ﺗﮭﻮﮐﺘﺎ ﺑﮭﯽ ﻧﮩﯿﮟ
ﻣﮕﺮ ﺍﻧﺪﮬﯿﺮﮮ ﺍﺟﺎﻟﮯ ﻣﯿﮟ ﭼﻮﮐﺘﺎ ﺑﮭﯽ ﻧﮩﯿﮟ
ﺍﮐﺒﺮ ﺍﻟﮧ ﺁﺑﺎﺩﯼ
ﺣﻀﺮﺕِ ﮈﺍﺭﻭﻥ ﺣﻘﯿﻘﺖ ﺳﮯ ﻧﮩﺎﯾﺖ ﺩﻭﺭ ﺗﮭﮯ
ﮨﻢ ﻧﮧ ﻣﺎﻧﯿﮟ ﮔﮯ ﮐﮧ ﺁﺑﺎﺀ ﺁﭖ ﮐﮯ ﻟﻨﮕﻮﺭ ﺗﮭﮯ
ﺍﮐﺒﺮ ﺍﻟﮧ ﺁﺑﺎﺩﯼ
ﺩﯾﮑﮭﺎ ﮐﺌﮯ ﻭﮦ ﻣﺴﺖ ﻧﮕﺎﮨﻮﮞ ﺳﮯ ﺑﺎﺭ ﺑﺎﺭ
ﺟﺐ ﺗﮏ ﺷﺮﺍﺏ ﺁﺋﮯ ﮐﺊ ﺩﻭﺭ ﮨﻮ ﮔﺌﮯ
ﺷﺎﺩ ﻋﻈﯿﻢ ﺁﺑﺎﺩﯼ
ﮨﻢ ﻧﮧ ﮐﮩﺘﮯ ﺗﮭﮯ ﮐﮧ ﺣﺎﻟﯽ ﭼﭗ ﺭﮨﻮ
ﺭﺍﺳﺖ ﮔﻮﺉ ﻣﯿﮟ ﮨﮯ ﺭﺳﻮﺍﺉ ﺑﮩﺖ
ﺣﺎﻟﯽ
ﺳﺐ ﻟﻮﮒ ﺟﺪﮬﺮ ﻭﮦ ﮨﯿﮟ ﺍﺩﮬﺮ ﺩﯾﮑﮫ ﺭﮨﮯ ﮨﯿﮟ
ﮨﻢ ﺩﯾﮑﮭﻨﮯ ﻭﺍﻟﻮﮞ ﮐﯽ ﻧﻈﺮ ﺩﯾﮑﮫ ﺭﮨﮯ ﮨﯿﮟ
ﺩﺍﻍ ﺩﮨﻠﻮﯼ
ﺩﯼ ﻣﻮﺀ ﺫﻥ ﻧﮯ ﺷﺐ ﻭﺻﻞ ﺍﺫﺍﮞ ﭘﭽﮭﻠﯽ ﺭﺍﺕ
ﮨﺎﺋﮯ ﮐﻢ ﺑﺨﺖ ﮐﻮ ﮐﺲ ﻭﻗﺖ ﺧﺪﺍ ﯾﺎﺩ ﺁﯾﺎ
ﺩﺍﻍ ﺩﮨﻠﻮﯼ
ﮔﺮﮦ ﺳﮯ ﮐﭽﮫ ﻧﮩﯿﮟ ﺟﺎﺗﺎ، ﭘﯽ ﺑﮭﯽ ﻟﮯ ﺯﺍﮨﺪ
ﻣﻠﮯ ﺟﻮ ﻣﻔﺖ ﺗﻮ ﻗﺎﺿﯽ ﮐﻮ ﺑﮭﯽ ﺣﺮﺍﻡ ﻧﮩﯿﮟ
ﺍﻣﯿﺮ ﻣﯿﻨﺎﺋﯽ
ﻓﺴﺎﻧﮯ ﺍﭘﻨﯽ ﻣﺤﺒﺖ ﮐﮯ ﺳﭻ ﮨﯿﮟ، ﭘﺮ ﮐﭽﮫ ﮐﭽﮫ
ﺑﮍﮬﺎ ﺑﮭﯽ ﺩﯾﺘﮯ ﮨﯿﮟ ﮨﻢ ﺯﯾﺐ ﺩﺍﺳﺘﺎﮞ ﮐﮯ ﻟﺌﮯ
ﺷﯿﻔﺘﮧ
ﺯﺭﺍ ﺳﯽ ﺑﺎﺕ ﺗﮭﯽ ﺍﻧﺪﯾﺸﮧِ ﻋﺠﻢ ﻧﮯ ﺟﺴﮯ
ﺑﮍﮬﺎ ﺩﯾﺎ ﮨﮯ ﻓﻘﻂ ﺯﯾﺐِ ﺩﺍﺳﺘﺎﮞ ﮐﮯ ﻟﯿﮯ
ﻋﻼﻣﮧ ﺍﻗﺒﺎﻝؒ
ﮨﺮ ﭼﻨﺪ ﺳﯿﺮ ﮐﯽ ﮨﮯ ﺑﮩﺖ ﺗﻢ ﻧﮯ ﺷﯿﻔﺘﮧ
ﭘﺮ ﻣﮯ ﮐﺪﮮ ﻣﯿﮟ ﺑﮭﯽ ﮐﺒﮭﯽ ﺗﺸﺮﯾﻒ ﻻﺋﯿﮯ
ﺷﯿﻔﺘﮧ
ﻭﮦ ﺷﯿﻔﺘﮧ ﮐﮧ ﺩﮬﻮﻡ ﮨﮯ ﺣﻀﺮﺕ ﮐﮯ ﺯﮨﺪ ﮐﯽ
ﻣﯿﮟ ﮐﯿﺎ ﮐﮩﻮﮞ ﮐﮧ ﺭﺍﺕ ﻣﺠﮭﮯ ﮐﺲ ﮐﮯ ﮔﮭﺮ ﻣﻠﮯ
ﺷﯿﻔﺘﮧ
ﻟﮕﺎ ﺭﮨﺎ ﮨﻮﮞ ﻣﻀﺎﻣﯿﻦ ﻧﻮ ﮐﮯ ﺍﻧﺒﺎﺭ
ﺧﺒﺮ ﮐﺮﻭ ﻣﯿﺮﮮ ﺧﺮﻣﻦ ﮐﮯ ﺧﻮﺷﮧ ﭼﯿﻨﻮﮞ ﮐﻮ
ﻣﯿﺮ ﺍﻧﯿﺲ
ﺷﺐ ﮨﺠﺮ ﻣﯿﮟ ﮐﯿﺎ ﮨﺠﻮﻡ ﺑﻼ ﮨﮯ
ﺯﺑﺎﮞ ﺗﮭﮏ ﮔﺊ ﻣﺮﺣﺒﺎ ﮐﮩﺘﮯ ﮐﮩﺘﮯ
ﻣﻮﻣﻦ ﺧﺎﻥ ﻣﻮﻣﻦ
ﺍﻟﺠﮭﺎ ﮨﮯ ﭘﺎﺀﻭﮞ ﯾﺎﺭ ﮐﺎ ﺯﻟﻒ ﺩﺭﺍﺯ ﻣﯿﮟ
ﻟﻮ ﺁﭖ ﺍﭘﻨﮯ ﺩﺍﻡ ﻣﯿﮟ ﺻﯿﺎﺩ ﺁ ﮔﯿﺎ
ﻣﻮﻣﻦ ﺧﺎﻥ ﻣﻮﻣﻦ
ﺍﺫﺍﮞ ﺩﯼ ﮐﻌﺒﮯ ﻣﯿﮟ، ﻧﺎﻗﻮﺱ ﺩﯾﺮ ﻣﯿﮟ ﭘﮭﻮﻧﮑﺎ
ﮐﮩﺎﮞ ﮐﮩﺎﮞ ﺗﺮﺍ ﻋﺎﺷﻖ ﺗﺠﮭﮯ ﭘﮑﺎﺭ ﺁﯾﺎ
ﻣﺤﻤﺪ ﺭﺿﺎ ﺑﺮﻕ
ﮐﻮﭼﮧ ﺀ ﻋﺸﻖ ﮐﯽ ﺭﺍﮨﯿﮟ ﮐﻮﺉ ﮨﻢ ﺳﮯ ﭘﻮﭼﮭﮯ
ﺧﻀﺮ ﮐﯿﺎ ﺟﺎﻧﯿﮟ ﻏﺮﯾﺐ، ﺍﮔﻠﮯ ﺯﻣﺎﻧﮯ ﻭﺍﻟﮯ
ﻭﺯﯾﺮ ﻋﻠﯽ ﺻﺒﺎ
ﺩﺍﻡ ﻭ ﺩﺭ ﺍﭘﻨﮯ ﭘﺎﺱ ﮐﮩﺎﮞ
ﭼﯿﻞ ﮐﮯ ﮔﮭﻮﻧﺴﻠﮯ ﻣﯿﮟ ﻣﺎﺱ ﮐﮩﺎﮞ
ﻏﺎﻟﺐ
ﮔﻮ ﻭﺍﮞ ﻧﮩﯿﮟ ، ﭘﮧ ﻭﺍﮞ ﮐﮯ ﻧﮑﺎﻟﮯ ﮨﻮﺋﮯ ﺗﻮ ﮨﯿﮟ
ﮐﻌﺒﮯ ﺳﮯ ﺍﻥ ﺑﺘﻮﮞ ﮐﻮ ﻧﺴﺒﺖ ﮨﮯ ﺩﻭﺭ ﮐﯽ
ﻏﺎﻟﺐ
ﺟﺎﻧﺘﺎ ﮨﻮﮞ ﺛﻮﺍﺏ ﻃﺎﻋﺖ ﻭ ﺯﮨﺪ
ﭘﺮ ﻃﺒﯿﻌﺖ ﺍﺩﮬﺮ ﻧﮩﯿﮟ ﺁﺗﯽ
ﻏﺎﻟﺐ
ﻏﺎﻟﺐ ﺑﺮﺍ ﻧﮧ ﻣﺎﻥ ﺟﻮ ﻭﺍﻋﻆ ﺑﺮﺍ ﮐﮩﮯ
ﺍﯾﺴﺎ ﺑﮭﯽ ﮐﻮﺉ ﮨﮯ ﮐﮧ ﺳﺐ ﺍﭼﮭﺎ ﮐﮩﯿﮟ ﺟﺴﮯ
ﻏﺎﻟﺐ
ﺑﻠﺒﻞ ﮐﮯ ﮐﺎﺭﻭﺑﺎﺭ ﭘﮧ ﮨﯿﮟ ﺧﻨﺪﮦ ﮨﺎﺋﮯ ﮔﻞ
ﮐﮩﺘﮯ ﮨﯿﮟ ﺟﺲ ﮐﻮ ﻋﺸﻖ ﺧﻠﻞ ﮨﮯ ﺩﻣﺎﻍ ﮐﺎ
ﻏﺎﻟﺐ
ﺍﺳﯽ ﻟﺌﮯ ﺗﻮ ﻗﺘﻞ ﻋﺎﺷﻘﺎﮞ ﺳﮯ ﻣﻨﻊ ﮐﺮﺗﮯ ﮨﯿﮟ
ﺍﮐﯿﻠﮯ ﭘﮭﺮ ﺭﮨﮯ ﮨﻮ ﯾﻮﺳﻒ ﺑﮯ ﮐﺎﺭﺭﻭﺍﮞ ﮨﻮ ﮐﺮ
ﺧﻮﺍﺟﮧ ﻭﺯﯾﺮ
ﺯﺍﮨﺪ ﺷﺮﺍﺏ ﭘﯿﻨﮯ ﺳﮯ ﮐﺎﻓﺮ ﮨﻮﺍ ﻣﯿﮟ ﮐﯿﻮﮞ
ﮐﯿﺎ ﮈﯾﮍﮪ ﭼﻠﻮ ﭘﺎﻧﯽ ﻣﯿﮟ ﺍﯾﻤﺎﻥ ﺑﮩﮧ ﮔﯿﺎ
ﺫﻭﻕ
ﮨﺰﺍﺭ ﺷﯿﺦ ﻧﮯ ﺩﺍﮌﮬﯽ ﺑﮍﮬﺎﺉ ﺳﻦ ﮐﯽ ﺳﯽ
ﻣﮕﺮ ﻭﮦ ﺑﺎﺕ ﮐﮩﺎﮞ ﻣﻮﻟﻮﯼ ﻣﺪﻥ ﮐﯽ ﺳﯽ
ﺍﮐﺒﺮ ﺍﻟﮧ ﺁﺑﺎﺩﯼ
ﻓﮑﺮ ﻣﻌﺎﺵ، ﻋﺸﻖ ﺑﺘﺎﮞ، ﯾﺎﺩ ﺭﻓﺘﮕﺎﮞ
ﺍﺱ ﺯﻧﺪﮔﯽ ﻣﯿﮟ ﺍﺏ ﮐﻮﺉ ﮐﯿﺎ ﮐﯿﺎ ﮐﯿﺎ ﮐﺮﮮ
ﺳﻮﺩﺍ
ﯾﮧ ﺩﺳﺘﻮﺭ ﺯﺑﺎﮞ ﺑﻨﺪﯼ ﮨﮯ ﮐﯿﺴﺎ ﺗﯿﺮﯼ ﻣﺤﻔﻞ ﻣﯿﮟ
ﯾﮩﺎﮞ ﺗﻮ ﺑﺎﺕ ﮐﺮﻧﮯ ﮐﻮ ﺗﺮﺳﺘﯽ ﮨﮯ ﺯﺑﺎﮞ ﻣﯿﺮﯼ
ﺍﻗﺒﺎﻝ
ﺗﻘﺪﯾﺮ ﮐﮯ ﻗﺎﺿﯽ ﮐﺎ ﯾﮧ ﻓﺘﻮﯼ ﮨﮯ ﺍﺯﻝ ﺳﮯ
ﮨﮯ ﺟﺮﻡ ﺿﻌﯿﻔﯽ ﮐﯽ ﺳﺰﺍ ﻣﺮﮒِ ﻣﻔﺎﺟﺎﺕ
ﻋﻼﻣﮧ ﺍﻗﺒﺎﻝ
ﯾﮧ ﺑﺰﻡ ﻣﺌﮯ ﮨﮯ ﯾﺎﮞ ﮐﻮﺗﺎﮦ ﺩﺳﺘﯽ ﻣﯿﮟ ﮨﮯ ﻣﺤﺮﻭﻣﯽ
ﺟﻮ ﺑﮍﮪ ﮐﺮ ﺧﻮﺩ ﺍﭨﮭﺎ ﻟﮯ ﮨﺎﺗﮫ ﻣﯿﮟ ﻭﮦ ﺟﺎﻡ ﺍﺳﯽ ﮐﺎ ﮨﮯ
ﺷﺎﺩ ﻋﻈﯿﻢ ﺁﺑﺎﺩﯼ
ﺣﯿﺎﺕ ﻟﮯ ﮐﮯ ﭼﻠﻮ، ﮐﺎﺋﯿﻨﺎﺕ ﻟﮯ ﮐﮯ ﭼﻠﻮ
ﭼﻠﻮ ﺗﻮ ﺳﺎﺭﮮ ﺯﻣﺎﻧﮯ ﮐﻮ ﺳﺎﺗﮫ ﻟﮯ ﮐﮯ ﭼﻠﻮ
ﻣﺨﺪﻭﻡ ﻣﺤﯽ ﺍﻟﺪﯾﻦ
ﺍﮔﺮ ﺑﺨﺸﮯ ﺯﮨﮯ ﻗﺴﻤﺖ ﻧﮧ ﺑﺨﺸﮯ ﺗﻮ ﺷﮑﺎﯾﺖ ﮐﯿﺎ
ﺳﺮ ﺗﺴﻠﯿﻢِ ﺧﻢ ﮨﮯ ﺟﻮ ﻣﺰﺍﺝِ ﯾﺎﺭ ﻣﯿﮟ ﺁﺋﮯ
ﻣﯿﺮﺗﻘﯽ ﻣﯿﺮ
ﺍﻧﺪﺍﺯ ﺑﯿﺎﮞ ﮔﺮﭼﮧ ﺑﮩﺖ ﺷﻮﺥ ﻧﮩﯿﮟ ﮨﮯ
ﺷﺎﯾﺪ ﮐﮧ ﺍﺗﺮ ﺟﺎﺋﮯ ﺗﺮﮮ ﺩﻝ ﻣﯿﮟ ﻣﺮﯼ ﺑﺎﺕ
ﺍﻗﺒﺎﻝ
ﺁﮦ ﮐﻮ ﭼﺎﮨﯿﮯ ﺍﮎ ﻋﻤﺮ ﺍﺛﺮ ﮨﻮﻧﮯ ﺗﮏ
ﮐﻮﻥ ﺟﯿﺘﺎ ﮨﮯ ﺗﯿﺮﯼ ﺯﻟﻒ ﮐﮯ ﺳﺮ ﮨﻮﻧﮯ ﺗﮏ
ﻣﺮﺯﺍﻏﺎﻟﺐ
ﺩﺍﺋﻢ ﺁﺑﺎﺩ ﺭﮨﮯ ﮔﯽ ﺩﻧﯿﺎ
ﮨﻢ ﻧﮧ ﮨﻮﻧﮕﮯ ﮐﻮﺋﯽ ﮨﻢ ﺳﺎ ﮨﻮ ﮔﺎ
ﻧﺎﺻﺮﮐﺎﻇﻤﯽ
ﻧﯿﺮﻧﮕﺊ ﺳﯿﺎﺳﺖ ﺩﻭﺭﺍﮞ ﺗﻮ ﺩﯾﮑﮭﺌﮯ
ﻣﻨﺰﻝ ﺍﻧﮭﯿﮟ ﻣﻠﯽ ﺟﻮ ﺷﺮﯾﮏ ﺳﻔﺮ ﻧﮧ ﺗﮭﮯ
ﻣﺤﺴﻦ ﺑﮭﻮﭘﺎﻟﯽ
ﺍﺏ ﺗﻮ ﺟﺎﺗﮯ ﮨﯿﮟ ﺑﺖ ﮐﺪﮮ ﺳﮯ ﻣﯿﺮ
ﭘﮭﺮ ﻣﻠﯿﮟ ﮔﮯ ﺍﮔﺮ ﺧﺪﺍ ﻻﯾﺎ
ﻣﯿﺮ ﺗﻘﯽ ﻣﯿﺮ
ﺷﺮﻁ ﺳﻠﯿﻘﮧ ﮨﮯ ﮨﺮ ﺍﮎ ﺍﻣﺮ ﻣﯿﮟ
ﻋﯿﺐ ﺑﮭﯽ ﮐﺮﻧﮯ ﮐﻮ ﮨﻨﺮ ﭼﺎﮨﺌﯿﮯ
ﻣﯿﺮ ﺗﻘﯽ ﻣﯿﺮ
ﺑﮩﺖ ﮐﭽﮫ ﮨﮯ ﮐﺮﻭ ﻣﯿﺮ ﺑﺲ
ﮐﮧ ﺍﻟﻠﮧ ﺑﺲ ﺍﻭﺭ ﺑﺎﻗﯽ ﮨﻮﺱ
ﻣﯿﺮ ﺗﻘﯽ ﻣﯿﺮ
ﺭﺍﮦ ﻣﯿﮟ ﺍﻥ ﺳﮯ ﻣﻼﻗﺎﺕ ﮨﻮﺋﯽ
ﺟﺲ ﺳﮯ ﮈﺭﺗﮯ ﺗﮭﮯ، ﻭﮨﯽ ﺑﺎﺕ ﮨﻮﺋﯽ
ﻣﺼﻄﻔﯽ ﻧﺪﯾﻢ
ﺑﯿﭩﮭﻨﮯ ﮐﻮﻥ ﺩﮮ ﮨﮯ ﭘﮭﺮ ﺍﺱ ﮐﻮ
ﺟﻮ ﺗﯿﺮﮮ ﺁﺳﺘﺎﮞ ﺳﮯ ﺍﭨﮭﺘﺎ ﮨﮯ
ﻣﯿﺮ ﺗﻘﯽ ﻣﯿﺮ
ﮨﻢ ﻓﻘﯿﺮﻭﮞ ﺳﮯ ﺑﮯ ﺍﺩﺍﺋﯽ ﮐﯿﺎ
ﺁﻥ ﺑﯿﭩﮭﮯ ﺟﻮ ﺗﻢ ﻧﮯ ﭘﯿﺎﺭ ﮐﯿﺎ
ﻣﯿﺮ ﺗﻘﯽ ﻣﯿﺮ
ﺳﺨﺖ ﮐﺎﻓﺮ ﺗﮭﺎ ﺟﺲ ﻧﮯ ﭘﮩﻠﮯ ﻣﯿﺮ
ﻣﺬﮨﺒِِﻌﺸﻖ ﺍﺣﺘﯿﺎﺭ ﮐﯿﺎ
ﻣﯿﺮ ﺗﻘﯽ ﻣﯿﺮ
ﻧﮧ ﺗﻮ ﺯﻣﯿﮟ ﮐﮯ ﻟﯿﮯ ﮨﮯ ﻧﮧ ﺁﺳﻤﺎﮞ ﮐﮯ ﻟﯿﮯ
ﺟﮩﺎﮞ ﮨﮯ ﺗﯿﺮﮮ ﻟﯿﮯ ﺗﻮ ﻧﮩﯿﮟ ﺟﮩﺎﮞ ﮐﮯ ﻟﯿﮯ
ﺍﻗﺒﺎﻝؒ
ﮐﺎﻧﭩﮯ ﺗﻮ ﺧﯿﺮ ﮐﺎﻧﭩﮯ ﮨﯿﮟ ﺍﻥ ﺳﮯ ﮔﻠﮧ ﮨﮯ ﮐﯿﺎ
ﭘﮭﻮﻟﻮﮞ ﮐﯽ ﻭﺍﺭﺩﺍﺕ ﺳﮯ ﮔﮭﺒﺮﺍ ﮐﮯ ﭘﯽ ﮔﯿﺎ
ﺳﺎﻏﺮ ﻭﮦ ﮐﮩﮧ ﺭﮨﮯ ﺗﮭﮯ ﮐﯽ ﭘﯽ ﻟﯿﺠﺌﮯ ﺣﻀﻮﺭ
ﺍﻥ ﮐﯽ ﮔﺰﺍﺭﺷﺎﺕ ﺳﮯ ﮔﮭﺒﺮﺍ ﮐﮯ ﭘﯽ ﮔﯿﺎ!
ﺳﺎﻏﺮ ﺻﺪﯾﻘﯽ
ﺯﻣﺎﻧﮧ ﺁﯾﺎ ﮨﮯ ﺑﮯ ﺣﺠﺎﺑﯽ ﮐﺎ ﻋﺎﻡ ﺩﯾﺪﺍﺭ ِﯾﺎﺭ ﮨﻮ ﮔﺎ
ﺳﮑﻮﺕ ﺗﮭﺎ ﭘﺮﺩﮦ ﺩﺍﺭ ﺟﺲ ﮐﺎ ﻭﮦ ﺭﺍﺯ ﺍﺏ ﺁﺷﮑﺎﺭ ﮨﻮ ﮔﺎ
ﺍﻗﺒﺎﻝؒ
ﻓﮑﺮ ﻣﻌﺎﺵ، ﻋﺸﻖ ﺑﺘﺎﮞ، ﯾﺎﺩ ﺭﻓﺘﮕﺎﮞ
ﺍﺱ ﺯﻧﺪﮔﯽ ﻣﯿﮟ ﺍﺏ ﮐﻮﺉ ﮐﯿﺎ ﮐﯿﺎ ﮐﯿﺎ ﮐﺮﮮ
ﺳﻮﺩﺍ
ﺩﻥ ﮐﭩﺎ، ﺟﺲ ﻃﺮﺡ ﮐﭩﺎ ﻟﯿﮑﻦ
ﺭﺍﺕ ﮐﭩﺘﯽ ﻧﻈﺮ ﻧﮩﯿﮟ ﺁﺗﯽ
ﺳﯿﺪ ﻣﺤﻤﺪ ﺍﺛﺮ
ﺗﺪﺑﯿﺮ ﻣﯿﺮﮮ ﻋﺸﻖ ﮐﯽ ﮐﯿﺎ ﻓﺎﺋﺪﮦ ﻃﺒﯿﺐ
ﺍﺏ ﺟﺎﻥ ﮨﯽ ﮐﮯ ﺳﺎﺗﮫ ﯾﮧ ﺁﺯﺍﺭ ﺟﺎﺋﮯ ﮔﺎ
ﻣﯿﺮ ﺗﻘﯽ ﻣﯿﺮ
ﻣﯿﺮﮮ ﺳﻨﮓ ﻣﺰﺍﺭ ﭘﺮ ﻓﺮﮨﺎﺩ
ﺭﮐﮫ ﮐﮯ ﺗﯿﺸﮧ ﮐﮩﮯ ﮨﮯ، ﯾﺎ ﺍﺳﺘﺎﺩ
ﻣﯿﺮ ﺗﻘﯽ ﻣﯿﺮ
ﭨﻮﭨﺎ ﮐﻌﺒﮧ ﮐﻮﻥ ﺳﯽ ﺟﺎﺋﮯ ﻏﻢ ﮨﮯ ﺷﯿﺦ
ﮐﭽﮫ ﻗﺼﺮ ﺩﻝ ﻧﮩﯿﮟ ﮐﮧ ﺑﻨﺎﯾﺎ ﻧﮧ ﺟﺎﺋﮯ ﮔﺎ
ﻗﺎﺋﻢ ﭼﺎﻧﺪ ﭘﻮﺭﯼ
ﺯﻧﺪﮔﯽ ﺟﺒﺮ ﻣﺴﻠﺴﻞ ﮐﯽ ﻃﺮﺡ ﮐﺎﭨﯽ ﮨﮯ
ﺟﺎﻧﮯﮐﺲ ﺟﺮﻡ ﮐﯽ ﭘﺎﺋﯽ ﮨﮯ ﺳﺰﺍ ﯾﺎﺩ ﻧﮩﯿﮟ
ﺳﺎﻏﺮ ﺻﺪﯾﻘﯽ
ﮨﺸﯿﺎﺭ ﯾﺎﺭ ﺟﺎﻧﯽ، ﯾﮧ ﺩﺷﺖ ﮨﮯ ﭨﮭﮕﻮﮞ ﮐﺎ
ﯾﮩﺎﮞ ﭨﮏ ﻧﮕﺎﮦ ﭼﻮﮐﯽ ﺍﻭﺭ ﻣﺎﻝ ﺩﻭﺳﺘﻮﮞ ﮐﺎ
ﻧﻈﯿﺮ ﺍﮐﺒﺮ ﺁﺑﺎﺩﯼ
ﭘﮍﮮ ﺑﮭﻨﮑﺘﮯ ﮨﯿﮟ ﻻﮐﮭﻮﮞ ﺩﺍﻧﺎ، ﮐﺮﻭﮌﻭﮞ ﭘﻨﮉﺕ، ﮨﺰﺍﺭﻭﮞ
ﺳﯿﺎﻧﮯ
ﺟﻮ ﺧﻮﺏ ﺩﯾﮑﮭﺎ ﺗﻮ ﯾﺎﺭ ﺁﺧﺮ، ﺧﺪﺍ ﮐﯽ ﺑﺎﺗﯿﮟ ﺧﺪﺍ ﮨﯽ ﺟﺎﻧﮯ
ﻧﻈﯿﺮ ﺍﮐﺒﺮ ﺁﺑﺎﺩﯼ
ﺩﻧﯿﺎ ﻣﯿﮟ ﮨﻮﮞ، ﺩﻧﯿﺎ ﮐﺎ ﻃﻠﺐ ﮔﺎﺭ ﻧﮩﯿﮟ ﮨﻮﮞ
ﺑﺎﺯﺍﺭ ﺳﮯ ﮔﺰﺭﺍ ﮨﻮﮞ، ﺧﺮﯾﺪﺍﺭ ﻧﮩﯿﮟ ﮨﻮﮞ
ﺍﮐﺒﺮ ﺍﻟﮧ ﺁﺑﺎﺩﯼ
ﮐﮩﻮﮞ ﮐﺲ ﺳﮯ ﻗﺼۂ ﺩﺭﺩ ﻭ ﻏﻢ، ﮐﻮﺋﯽ ﮨﻤﻨﺸﯿﮟ ﮨﮯ ﻧﮧ
ﯾﺎﺭ ﮨﮯ
ﺟﻮ ﺍﻧﯿﺲ ﮨﮯ ﺗﺮﯼ ﯾﺎﺩ ﮨﮯ، ﺟﻮ ﺷﻔﯿﻖ ﮨﮯ ﺩﻝِ ﺯﺍﺭ ﮨﮯ
ﻣﺠﮭﮯ ﺭﺣﻢ ﺁﺗﺎ ﮨﮯ ﺩﯾﮑﮫ ﮐﺮ ﺗﺮﺍ ﺣﺎﻝ ﺍﮐﺒﺮِ ﻧﻮﺣﮧ ﮔﺮ
ﺗﺠﮭﮯ ﻭﮦ ﺑﮭﯽ ﭼﺎﮨﮯ ﺧﺪﺍ ﮐﺮﮮ ﮐﮧ ﺗﻮ ﺟﺲ ﮐﺎ ﻋﺎﺷﻖ
ﺯﺍﺭ ﮨﮯ
ﺍﮐﺒﺮ ﺍﻟﮧ ﺁﺑﺎﺩﯼ
ﻧﺌﯽ ﺗﮩﺬﯾﺐ ﺳﮯ ﺳﺎﻗﯽ ﻧﮯ ﺍﯾﺴﯽ ﮔﺮﻣﺠﻮﺷﯽ ﮐﯽ
ﮐﮧ ﺁﺧﺮ ﻣﺴﻠﻤﻮﮞ ﻣﯿﮟ ﺭﻭﺡ ﭘﮭﻮﻧﮑﯽ ﺑﺎﺩﮦ ﻧﻮﺷﯽ ﮐﯽ
ﺍﮐﺒﺮ ﺍﻟﮧ ﺁﺑﺎﺩﯼ
ﻣﮯ ﭘﺌﯿﮟ ﮐﯿﺎ ﮐﮧ ﮐﭽﮫ ﻓﻀﺎ ﮨﯽ ﻧﮩﯿﮟ
ﺳﺎﻗﯿﺎ ﺑﺎﻍ ﻣﯿﮟ ﮔﮭﭩﺎ ﮨﯽ ﻧﮩﯿﮟ
ﺍﻣﯿﺮ ﻣﯿﻨﺎﺋﯽ
ﺍُﻥ ﮐﮯ ﺁﺗﮯ ﮨﯽ ﻣﯿﮟ ﻧﮯ ﺩﻝ ﮐﺎ ﻗﺼﮧ ﭼﮭﯿﮍ ﺩﯾﺎ
ﺍُﻟﻔﺖ ﮐﮯ ﺁﺩﺍﺏ ﻣﺠﮭﮯ ﺁﺗﮯ ﺁﺗﮯ ﺁﺋﯿﮟ ﮔﮯ
ﻣﺎﮨﺮ ﺍﻟﻘﺎﺩﺭﯼ
ﮐﮩﮧ ﺗﻮ ﺩﯾﺎ، ﺍُﻟﻔﺖ ﻣﯿﮟ ﮨﻢ ﺟﺎﻥ ﮐﮯ ﺩﮬﻮﮐﺎ ﮐﮭﺎﺋﯿﮟ ﮔﮯ
ﺣﻀﺮﺕِ ﻧﺎﺻﺢ!ﺧﯿﺮ ﺗﻮ ﮨﮯ، ﺁﭖ ﻣﺠﮭﮯ ﺳﻤﺠﮭﺎﺋﯿﮟ ﮔﮯ؟
ﻣﺎﮨﺮ ﺍﻟﻘﺎﺩﺭﯼ
ﺍﮔﺮﭼﮧ ﮨﻢ ﺟﺎ ﺭﮨﮯ ﮨﯿﮟ ﻣﺤﻔﻞ ﺳﮯ ﻧﺎﻟﮧ ﺀ ﺩﻝ ﻓﮕﺎﺭ ﺑﻦ
ﮐﺮ
ﻣﮕﺮ ﯾﻘﯿﮟ ﮨﮯ ﮐﮧ ﻟﻮﭦ ﺁﺋﯿﮟ ﮔﮯ ﻧﻐﻤﮧ ﺀ ﻧﻮ ﺑﮩﺎﺭ ﺑﻦ ﮐﺮ
ﯾﮧ ﮐﯿﺎ ﻗﯿﺎﻣﺖ ﮨﮯ ﺑﺎﻏﺒﺎﻧﻮﮞ ﮐﮯ ﺟﻦ ﮐﯽ ﺧﺎﻃﺮ ﺑﮩﺎﺭ ﺁﺋﯽ
ﻭﮨﯽ ﺷﮕﻮﻓﮯ ﮐﮭﭩﮏ ﺭﮨﮯ ﮨﯿﮟ ﺗﻤﮭﺎﺭﯼ ﺁﻧﮑﮭﻮﮞ ﻣﯿﮟ
ﺧﺎﺭ ﺑﻦ ﮐﺮ
ﺳﺎﻏﺮ ﺻﺪﯾﻘﯽ
ﺁﺅ ﺍﮎ ﺳﺠﺪﮦ ﮐﺮﯾﮟ ﻋﺎﻟﻢِ ﻣﺪﮨﻮﺷﯽ ﻣﯿﮟ
ﻟﻮﮒ ﮐﮩﺘﮯ ﮨﯿﮟ ﮐﮧ ﺳﺎﻏﺮ ﮐﻮ ﺧﺪﺍ ﯾﺎﺩ ﻧﮩﯿﮟ
ﺳﺎﻏﺮ ﺻﺪﯾﻘﯽ
ﻣﺤﺸﺮ ﮐﺎ ﺧﯿﺮ ﮐﭽﮫ ﺑﮭﯽ ﻧﺘﯿﺠﮧ ﮨﻮ ﺍﮮ ﻋﺪﻡ
ﮐﭽﮫ ﮔﻔﺘﮕﻮ ﺗﻮ ﮐﮭﻞ ﮐﮯ ﮐﺮﯾﻨﮕﮯ ﺧﺪﺍ ﮐﮯ ﺳﺎﺗﮫ
ﻋﺒﺪﺍﻟﺤﻤﯿﺪ ﻋﺪﻡ
ﻋﺠﯿﺐ ﻟﻮﮒ ﮨﯿﮟ ﮐﯿﺎ ﺧﻮﺏ ﻣﻨﺼﻔﯽ ﮐﯽ ﮨﮯ
ﮨﻤﺎﺭﮮ ﻗﺘﻞ ﮐﻮ ﮐﮩﺘﮯ ﮨﯿﮟ، ﺧﻮﺩﮐﺸﯽ ﮐﯽ ﮨﮯ
ﺣﻔﯿﻆ ﻣﯿﺮﭨﮭﯽ
ﺻﺪ ﺳﺎﻟﮧ ﺩﻭﺭ ﭼﺮﺥ ﺗﮭﺎ ﺳﺎﻏﺮ ﮐﺎ ﺍﯾﮏ ﺩﻭﺭ
ﻧﮑﻠﮯ ﺟﻮ ﻣﮯ ﮐﺪﮮ ﺳﮯ ﺗﻮ ﺩﻧﯿﺎ ﺑﺪﻝ ﮔﺌﯽ
ﮔﺴﺘﺎﺥ ﺭﺍﻡ ﭘﻮﺭﯼ
ﭼﻞ ﭘﺮﮮ ﮨﭧ ﻣﺠﮭﮯ ﻧﮧ ﺩﮐﮭﻼ ﻣُﻨﮧ
ﺍﮮ ﺷﺐِ ﮨﺠﺮ ﺗﯿﺮﺍ ﮐﺎﻻ ﻣُﻨﮧ
ﺑﺎﺕ ﭘﻮﺭﯼ ﺑﮭﯽ ﻣُﻨﮧ ﺳﮯ ﻧﮑﻠﯽ ﻧﮩﯿﮟ
ﺁﭖ ﻧﮯ ﮔﺎﻟﯿﻮﮞ ﭘﮧ ﮐﮭﻮﻻ ﻣُﻨﮧ
ﻣﻮﻣﻦ ﺧﺎﻥ ﻣﻮﻣﻦ
Reply With Quote
