اعتبار ہے عجب قصہ
ٹوٹنے پہ آے تو، ٹوٹ کر بکھرجائے
پھر چاھے کچھ کر جایں، پر زندگی نه سنور پاے
اعتبار ہے عجب قصہ
آنکھ سے ٹپکا اشک کہیں، کب آنکھ میں جا بستا ہے؟
شیشہ جب چٹخ جائے، کب پہلے سا جڑسکتا ہے؟
لفظ زبان سے نکل جائے، اور روح تک گھائل کر جائے
کب زندگی پہلے سی ہنستی ہے؟
پھر لاکھ منانا ہم چاہیں
پہلے سا ہنسانا ہم چاہیں
زندگی چپ ہو جاتی ہے
بھرے مجمعے میں رہتی ہے
پر تنہا سی ہو جاتی ہے
خامشیوں کی چپ قبا اوڑھے
کسی ویرانے پر جا نکلتی ہے
ہم دور تلک پیچھے جایں
یہ دور جا نکلتی ہے
پر ایک قصہ اور بھی ہے
ہم چاھے جتنا نازک ہوں
احساس کے دھاگوں میں بندھے
ہم کہنے کو مر جاتے ہیں
ہم زندہ پھر بھی رہتے ہیں
آنکھ سے ٹپکا اشک کہیں عرش الہی پر جا ہنستا ہے
وہ ٹوٹا شیشہ تلخ سہی، کہیں عزیز ہمیں جا کرتا ہے
ہم اپنے سچ کے سچے ہوں
اور دھن کی اپنے پکے ہوں
ہم پھر سے جینا سیکھتے ہیں
یہ دنیا لگتی ہے ظالم
پر یہ سب نگاہ کا قصہ ہے
دل عجز سے جب جھک جائے تو
کسی اپنے کو تڑپ کر بلاے تو
نگاہ پل میں اوپر اٹھتی ہے
یہ نگاہ جب وہاں اٹھ جائے
اس عرش پر جا ٹکراے تو
پھر سب بس تھم جاتا ہے
ہر زخم مرہم بن جاتا ہے
ہم کھلکھلا کر ہنستے ہیں
اس شکست کو شکریہ کرتے ہیں
ہم کہنے کو تنہا ہیں
پر تنہا یہاں کوئی نہیں
یہ سب نگاہ کا قصہ ہے
جو دل سے ہو گزرتا ہے
بس دل کا شیشہ صاف رہے
ہر عکس یہاں پھر خالص ہے
نه شکوہ کوئی شکایت ہے
اس انجانی دنیا سے
نه غرض ہے نه غایت ہے
اپنی نگاہ پاک رہے
دل کا شیشہ صاف رہے
بس اتنا ہم کو کافی ہے
وہ محرم ہمارے ساتھ ہے ناں
بس وہ ہی ہمکو کافی ہے!
جب راہ اس سے جڑ جائے تو
ہر راہ جا سلجھتی ہے
پھر اسکی بنائی یہ دنیا بھی
نگاہ میں ہماری جچتی ہے
یہ سب نگاہ کا قصہ ہے
جو دل سے ہو گزرتا ہے
Reply With Quote
کچھ یادیں ،کچھ باتیں
Aitebar Hai Ajab Qisa
Posting Permissions
