kya main zinda HoOn

[changa]

Jab Dard Puranay Hoo Baithay..
Jab `Yaad ka Jugnu`Raakh Huwa
Jab Aankh Main Aansoo Burrf Huway
Jab Zakhm Sey Dill Maanoos Huwa
Jab Tees ko Chubhna Bhool Giya
Jab Kashti Ka Khuda Na Khuda Huwa
Tab Mujh Peh khula Main Zinda Hoon!!!
Phir Dill ko Dharhakna Yaad Aaya!!!

Jab Qaarb ki Lambi Rahoon Main
Ahsaas kay Baal Safaid Huway
Ya Sooch ki Sarma Dhoopoon Main
Alaam kaa Mevah khushk Huwa
Jab Aankhain 'Bey Sailaab'Huien
Jab Neendain Andhi Hoo Baithin
Jab khawabain Bhi 'Bey khawab' Huien
Jab Chaand Chahrah Bey Dardi kaa
jab Tanhaii ka Seena Bhii
Ser Rakhnay ki Aaghoosh Laga
Jab Rait Peh Likhi Yaadon koo
Bey Mehar Huwa Ney Cheen Liya
Jab Hoosh ki kachi Deewaarain
Tasweeron Sey Aazad Huien
Jab 'Yaad Ruttain' Bey Dad Huien
Tab mujh Peh khula Main Zinda Hoon!!!
Phir Dill ko Dharakna Yaad Aaya!!!



Tab Aankhain kuch Aabaad Huien
Jab Mujh Peh khula Main Zinda Hoon...
Ahsaas kaa Bachpan Jaag Para
Phir Jazbay Bey Taqweem Huway!!
Phir Waqt Ney kuch Angrhaii Lii..
Phir Sooch ki Qabar Sey Dhool Urri
Phir Piyas ka Barzakh Bhool Giya!
Ik Hijar Sey kia Aazad Huway?
100 Hijar Naye Iejaad Huway!!
Phir ikk Nazar Siyyad Bani
Ik Nazar ka TaAirR Saidd Huwa
Phir Ashk Main Darya Qaid Huwa!!
Phir Dharkan Main Bhonchal Paray
Phir Ishq ka Joogi Galliyoon Main...
Taqdeer Kay Saanp Utha Laya!!



Phir Hosh Ka Jungle Sabz Huwa
Phir `Shouq_E_Darinda` jaag Utha..
Phir Zulff kay Teywar Shaam Banay
Us Shaam Main Phir Mehtaab Charha
Phir Hont kii Larzish, Geet Bani..
Phir Saans kaa Naam Saba Thehra!!
Phir Sher,Shaur Ka Wirrd Hua..
Phir Zanjeerain,Zaiwer Thehrien..
Phir Taqreerain Inaam huien
Phir Khoon sey Likhay Jazbon kii
Kuch Tehreerain Neelaam Huien!!
Phir Dard "ZULAIKHA" Ban Baitha..
Phir Qurb ka karb Jawaan Huwa
Phir Mujh peh Khula Main Zinda hoon!!!!



Kuch Wasl Shabaien `Shabb khaiz`Huien
Kuch Hijar kii Nabzain Teez Huien
Jab Qaid ko Taaza Umer Mili..
Uss Qaidi Umer kay Bakhtoon Ney..
Ik Shaam Sahuur Sey Pooch Lia
Mehjuur Hii Rehna Tha...Tou Hamain
Woh Pichla Hijar Hii kaafi Tha!!
Garr Qaid Hii JaA` Apnani Thi..
Kioun Pichlay Jaal Ko Chora Tha??
Kis Ahed Peh Pinjra Tora Tha??
Jab Jaal Teri Qamzori Thay...
Siyyad ko Kioun Badnaam kia??
Ik Soch Raha hoon Muddat Sey..
Kiuon Mujh Peh Khula Main Zinda Hoon??
Kioun Dill Ko Dharakna Yaad Aaya??

[*jamshed*]

nice