Writer's club compition january...

[shazia rana]

ASSLAM-O-ALAIKUM

tamaam doston ko khush amdeed



iss maheene men ap logon ki pasand ka topic lai hun

yani sab ko naye saal pe kuch na kuch likhna hai

chahe wo iqtabas,afsana ya koi khubsurat bat ho k ap new year kese

manate hen ya kuch logon ki tara nai manate tu is ki wajah byan kren

Rules:

Ek member ek hi baar share karay ga
Same aur edit sharing accept nhi hogi
Last date 20/1/2014 hai
Winner 50% poll aur 50% admins decide karen gy.

[shazia rana]

Assalaam-O-alaikum

2014 ki aamad hay yaani 'Tera Gaya' chalain iss baar iss topic per aik nazm likhta hoon... apnay hi andaaz main, aur mukhtalif shouba-e-hayaat say taaluq rakhnay waaloon ki soch bayan karta hoon yeh rahii meri entry...!


NAYA SAAL

Ghareeb Awam!
Aiy nayay saal teray aanay main Naya kia hay
Teray aanay ya jaanay say badla kia hay
Joon ka tuu hay hum per mehngayii ka azaab
Ameeron kay yonhi hain band, hum per baab
Yoonhi sehtay hain hum iss zindagi kay ataab
Terii aamad ka phir yeh sab charcha kia hay
Teray aanay yaa jaanay say badla kia hay

Politicans
Aiy nayay saal teray aanay main Naya kia hay
Teray aanay ya jaanay say badla kia hay
Yonhii karta hoon qatal rozz apnay zameer ka
Yonhii chamcha bana rehta hoon wazeer ka
Badshah aaj bhi hoon main apni taqreer ka
Srif hindsay kay badalnay say hota kia hay
Teray aanay yaa jaanay say badla kia hay

Aashiq (Sachay waalay)
Aiy nayay saal teray aanay main Naya kia hay
Teray aanay ya jaanay say badla kia hay
Wohi shab-o-roz ka tanhayii main rona mera
Wohi gham-e-ishq main jaltay huway sona mera
Wohi deedar ki khuwahish main taRapna mera
Saal badanlay ka bhala yeh silsila kia hay
Teray aanay yaa jaanay say badla kia hay

Aashiq (dil phaink meray type )
Aiy nayay saal teray aanay main Naya kia hay
Teray aanay ya jaanay say badla kia hay
Wohi humara shab-o-roz ishq main khuwar hona
Kabhi sandal tou kabhi danday ka shikar hona
Kabhi College, kabhi Uni, Kabhi office main pyar hona
Yeh aashiq, teray badalnay say sudhra kia hay
Teray aanay ya jaanay say badla kia hay


Abhi abhi likhi hay, ghaltii ki paishgii maazrat Enjoy

bohat achi hai specially ghareeb awaam i wish k ye shamil ho jaye compitition men coz i don't know the poetry is accepted or not lemme ask the admin

[thefire1]

jee admin say kahyeh ga kay thefire1 nay tehreer shairaana andaaz main likhii hay pasandeedgi ka shukriya, main tou bila muqablay hi jeet gaya, aap kay comments bohat ma'ainay rakhtay hain khush rahyeh

bohat achi hai specially ghareeb awaam i wish k ye shamil ho jaye compitition men coz i don't know the poetry is accepted or not lemme ask the admin

[~Maliha~]