*~..Ghazal of the day 27th January 2014..~*

[Hidden words]

Woh shaqs kabhi dasht se guzre usay kehna,
Aik pal mere ghar main bhi thehre usay kehna,

Kehna k samander k kinaare pe na jaaye,
Kuch log smander se bhi hain gehre usay kehna,

Zarkhaiz zameenen kabhi banjar nahi hotin,
Dariya he badal lete hain raste usay kehna,

Kuch log safar k liye mouzoo nahi hote,
Kuch raaste katte nahi tanha usay kehna,

Is shaher me kuch keh k gunahgaar na hona,
K basti k sabhi log hain behre usay kehna,

Phir waqt k maqtal me sajti hain wo aankhen,
Jo dekhti hain khwaab sunehre usay kehna...!!!