~!~ Aik Shair ~!~

[naz]

Jang Mian Roz Aik shair nazron ke samne se guzarta hai..kafi mayeen khez hota hai..socha wo yaha share kiya karon ..Mohtram Anwar Shour Sahab Ka Daily Aik Shair Hota hai.

Gilani

Multan Buzargo Ka,waliou Ka Ilaqa Hai
Is Shahar Ki Nisbat Se Mat Pochye Kiya Hain wo

Tazeem-o-Aqedat Ke Haqdar Na Hon Kaise
Makhdom Hain,Syed Hain,Yousaf Hain,Raza Hain wo

[naz]

"Apna"


Naz Uthwatey Hain Dono Hum Sey
Chain Her waqt Gharat Apna

Aik Hamsaya Hai Afghanistan
Aik Hamsaya Hai Bharat Apna



12 July 2008

[naz]

"Aam"

Seh Rahe Hain Awam Mehngaye
Hai Dukano Main Aam Mehngaye

Phir Bhi Hai Be Lagam Mehngaye
Subha Mehngaye , Shaam Mehngaye


13 July 2008

[naz]

"Bhi"

Kaye Iqsam Hain Chotey Barey Takhreb Karon Ki
Yaha KhudKush Bhi Hote Hain,Khudaye Kush Bhi Hote Hain

Kaye Mekhsos Dehshat Gard Ka Kiya Naam Le Koi
Usama He Nahi Hote Jaha Main Bush Bhi Hote Hain


15 July 2008

[naz]

"InshAllah"


Suraht-e-Hal Sudhar Jaye Gi InshAllah
Dard Ki Raat Guzar Jaye Gi InshAllah

Sar Pe Go Koi Hakomat Nahi , Allah Tu Hai
zindagi Apni Sanwar Jaye Gi InshAllah



16 July 2008

[naz]

"Magar"



Chain Se Bheta Hai America Shaour
Masla Kis Tarah Suljhaye Hue

Taleban IsKe Mukhalif Hain Magar
Hain Inhe wo Hum Se Uljhaye Hue


17 July 2008

[naz]

"Tawakal"


Hamain Darpaish Hai Jo Surat-e-Hal
Naye Hai , Dekhi Bhali Si Nahi Hai

Nikaley Ga Hamian Allah Is Sey
Hamari Koi Policy Nahi Hai


18 July 2008

[naz]

"Haye Haye"

Haye Haye Shaded Mehngaye
Burh Rahe Hai Mazeed Mehngaye

Kiya Yeh Mumkin Nahi Kisi Surat
Ho Jahanam Raseed Mehngaye


19 July 2008

[naz]

"Bohran"


Baron Ko Koi zarorat Nahi Taradud Ki
Musibatain Jo Pare Gi ,Ghulam Jhailain Gai

Salamti Ka Ho Bohran Ya Maieshat Ka
Awam Jhail Rahe The , Awam Jhailain Gai



20 July 2008

[naz]

"Safeena"

Talatum Ki Parwah Nahi Na Khuda Ko
Koi Kiya Bharosa Kare Mohtaram Per

Khuda Se Dua Mangaye Afiyat Ki
Safeena Hai Moujon Ke Raham-o-Karam Per


21 July 2008

[naz]

"Aur"


Hum Ne Jab Yeh Khabar Sunaye Inhe
Chehrey Faaq Hogaye Azeezon Ke

Burh Gaye Aur Tail Ki Qeemat
Churh Gaye Aur Daam Cheezon Ke

22 July 2008