~!~ Aik Shair ~!~

[naz]

Jang Mian Roz Aik shair nazron ke samne se guzarta hai..kafi mayeen khez hota hai..socha wo yaha share kiya karon ..Mohtram Anwar Shour Sahab Ka Daily Aik Shair Hota hai.

Gilani

Multan Buzargo Ka,waliou Ka Ilaqa Hai
Is Shahar Ki Nisbat Se Mat Pochye Kiya Hain wo

Tazeem-o-Aqedat Ke Haqdar Na Hon Kaise
Makhdom Hain,Syed Hain,Yousaf Hain,Raza Hain wo

[naz]

"Bachey"


Ku Na Bachon Ko Bilaktey Dekh Ker
Gham zada Maa Baap Jeena Chor Dain

Dood Mehnga Bik Raha Hai Kis Qadar
Kaash Bachey Dood Pena Chor Dain

[naz]

"Khabar"

Baz Log Is Khabar Pe Khush Hongai
Baz Maghmom Aur Sharminda

Mushtael Sehriou Ne Bur Sar-e-Aaam
Dakoo`n Ko Jala Diya zinda

[naz]

"Khas-o-Aam"

Ho Agar Khas-o-Aam Ghussey Main
Ku Na Ho Khas-o-Aam Se Khatra

Dako`on Ko Police Ka Khouf Nahi
Aj Kal Hai Awaam Se Khatra

[naz]

"Bohran"

Is Mulk Main Rehta Hai Tawanaye Ka Bohran
Her waqt Kisi Marka Araye Ka Bohran

Leken Jo Nahi Qabl-e-Bardash Abb Aaa Dost
Mehnagye Ka Bohran Hai Mehngaye Ka Bohran

[naz]

"Dour"

Agaya Mail Ka,Milap Ka Din
Kat Gaya BeTapak Raat Ka Dour

Phir Mubarak Ho Pak-o-Bharat Ko
Aik Jama Muzakrat Ka Dour

[naz]

"wafir"

Kursiou Ke Liye Hakomat Ko
Admi Beshumar Milte Hain

Her Jamat Main Is Tarah Ke Log
"Aik Dhondo,Hazar Milte Hain"

[naz]

"HoshRuba"

Abhi Se HoshRuba Qeematain Hain Cheezon Ki
Na Janey Tera Nasebon Ka Haal Kiya Hoga

Bajat Se Qabul Gharebon Ka Hai Bura Alam
Bahat Ke Bad Gharebon Ka Haal Kiya Hoga

[naz]

"Berozgar"

Koi Berozgar Uff Na Karey
Hul zarori Sawal Hojayain

Wo Bhi Hojaye Ga Bahal Kabhi
Pheley Judge Tu Bahal Hojayain

[naz]

"Bijli"


Pohnch Jaye Chahey Jaha Loadshading
Abhi Horahe Thi waha Loadshading

Abhi Horahe Hai Yaha Loadshading
Nahi Mulk Bhur Main Kahan Loadshading

[naz]

"Ajaradar"

Ahl-e-Dolat Ka Ajara Ku Na Ho Sohan-e-Rooh
Dard Mando Ke Liye,Roshan zameeron Ke Liye

Kiya Raison Ke Liye Hasil Hue Thi Yeh zameen
Yeh watan Qaim Hua Tha Kiya Ameeron Ke Liye ?