Writers Club Competition March 2014

[naz]

IS Maah ka mouzo hai "hamari qoum" app ko is mouzo per apney khayalat ka izhar karna hia...
tehrer ap ki apni honi chahye...


Rules:

Ek member ek hi baar share karay ga
Same aur edit sharing accept nhi hogi
Last date 20/3/2014 hai
Winner 50% poll aur 50% admins decide karen gy.

[shazia rana]

my sharing

[thefire1]

Walaikum Assalaam

Humari Qoum

Waisay tou yeh aik bohat hi taweel behas hay, chand lafzoon main bayan humaray Bani-e-qoum Quaid-e-Azam Mohammad Ali Jinnah kay iss quote say karta hoon, kay Pakistan bannay kay baad aik British sahaafi kay sawaal kay jawab main aap nay kaha kay 'Pakistan tou bann gaya, Pakistan ki qoum ko bannay main soou saal chayeh'!!

Humari qoum azaadi kay ibdidayii saloon say hiii haadsaat, parayshaniyon aur basqismatiyon ka shikaar rahiii shuroo main Allama ki Pakistan bannay say pehlay wafat, Kashmir kay issue ka na-paiydaar hal, Iqam-e-mutahida kay saamnay INDIA ki khulamkhulla khilafwarziyan, laakhoon balkay karooron muhajreen ki abaad-kaari, Quaid-e-azam ki jald wafat, 1948 main jang ka aaghaz yaani azaadi kay ek saal baad hi jang ka aaghaz, Khan Liaquat Ali Khan ki shaadat, Shuroo kay ibtidayii saaloon main Pakistan kay 13-14 head of state ki tabdeeliyan yaani ghair-mutahkam hukumat... iss kay bar-aks Hindustan kaafi arsay tak aik hi Governor General Lord Mount Batton or 1964 tak aik hi Prime Minister Jawahar Lal Nehro nay qoum ko aur qoum kay dastoor ko baananay main madad kii jiss kii waja unhain aik mutahid qoum bannay ka mouqa mila, aur hum aik MUNTASHIR qoum banay jis ka nateeja Mashraqii Pakistan ki alhaedgi ki shakal main saamnay aayay aur Paksitan kay bannay kay lag bhag 25 saal baad humaray mulk ka pehla Aayiin (Constitution) bana!!

Humari qoum tou abhi aik Raah tak rahii hay kay unn kay paas koi Nelson Mandela, Dr. Mahtir Mohammad, Lee Kuang, Hugo Shavez jaisay leaders aayain jo iss qoum ko mutahid karain, purwaqar karain aur humain aik bafkhar qoum bannay main apni 'rehnumayii' karain!!!

May ALLAH SWT light and guide our ways AMEEN SUM AMEEN

[Arosa Hya]

Aik dilchasp mozo !
Hmary mulk ki tra hmari qoom b dunia mai apni hi infradiyat rakhti hai.... hum hi wo khushkismat log hain jinhain pori dunia Pakistani k naam se janti hai !!

Hum ne jis b mulk mai apne qadam rakhe wahan apni dastan chor gaye, kahen apni
emandari or sachayi ki to kahen apni Evil Genius ki .... her jaga hmary hi karnamo k danky baj rahe hain !!
Jese mere kuch aflatoni zehn k hamil hum watano mai se hi aik jb beron e mulk gaye to gas supply on krny k liye coins k bjaye barf k coins istemal kr k police ko aik arsa
tk warta e herat mai daly rakha k akhir ye coins box se pani q nikalta hai jb k gas
b istemal hoi, isi tra aik dosry hum watan ne kufayat shoari se kam lety hoayaik joty ko bina coins k aik shoe booth se polish kia to dosra kisi dosre booth se!
Dosri traf hmare fateen log japan, france, canada, US etc jese mamalik ko economy or technology mai eham kirdar ada kr rahe hain.
Mere piyare hum watano ki aik barhi tadad beron e mulk rozgar ki talash mai apno se dor , khwahishon ki qurabniya deny chale jate hain .... Yahan munasib rozgar na hone k bais wo apno ko behtar zindagi deny k liye tanha is safar per nikal jaty hain magar seeny mai parha dil phir b Pakistan k naam per darhak uthta hai....


Kaha jata hai kisi qoom ki zehni halat dekhna ho to uski public places ko visit kr lain..... Aahh !! nehayat afsos se kehna parh raha hai k hmari qoom zehni tor pe boht ulji hoi hai. Aapko koi b public place Pumflets, banners, paints , ishteharat se khali nazar nhi aye gi, dewar ksi taleemi idary ki ho, ya madrasse ki, hospital ki ho ya ghar ki her naye jalsy, urs, hakeem, beuty cream k ishtehar ja ba ja nazar ayen ge or dewar apni asal chorayi se kafi zyada nazar ati hai
.....yahan tak k ap kisi taleemi idary mai chale jayen to uski dewaron hatta k baotul-khala ki dewarain b khali nazar na aa skain gi balky her jaga apko nakam ashiqon k DIL ki batain likhi nazar ayen gi, kahen tra tra k cartoons, or kahen behoda shairi... ye sb wehshat mai mubtla kr deny wali cheezain hai.
Pscycologically, ye zehni tor per bemar qoom ki ilamat hain..... haqeeqat b kuch aisi hai.
Na hum mashriq k hain, na maghrib k, na dunia k na deen k, na mukammal angrezi k
na urdu k , maloom nhi kon kis dagar pe chal raha hai. Is sb ne hmary zehno ko muntashir kr rakha hai...... Magar dekhiye is sb k
ba-wjood b Arfa kareem, afia siddiqui, Dr Abdul Qadeer jese beshumar gohr e nayab ab b is chaman ki paidawar hain!

Go k masaib o mushkilat ibtada se hi hmara muqaddar rahe or hum sazishon ka shikar bante aye, or sorat e haal hai k bjaye sulajne k mazeed
sangeen hoti ja rahi hai magar Itne nazuk halat mai b khush mizaji, zinda dili or his e zarafat mai hmara koi sani nhi.......
kbi koi siyah yahan ka rukh kre to muqami log itni milansari ka muzahra krte hain k wo apne apko prince charlus se zyada khushkismat hi smjta ho ga....apko kbi kisi siyah ka manfi feedback nhi mile ga. moqami log osy youn dekhne ate hain jese kisi dosre siyari ki makhlooq dekhne ka khas moqa mila ho, or sb ki koshish hoti
hai k hum ise guide krain. Ye sb siyahon k liye boht masroor kun hota hai!
Zinda dili ki aala misal cricket ka maidan hai jahan hum haar kr b lotain to chehre fatiha hi nazar ate hain, or mukhalif moun takte reh jaty hain !!
Hmari qoom ko dunia mi sabar treen hony ka aizaz b hasil hai.... Guzashta chand salon mai America mai sirf 2 ghante k liye electricity
supply sirf aik din k liye itla de kr moqof ki gayi to is k bawjod sary mulk mai hangama barpa ho gaya or hum salon se bijli or gas ki
load shedding na sirf bardasht kr rahe hain balky bar bar apni masomiyat k bais chakmy or khushamad mai aa jate hain or unhi ghafil logon ko iqtadar
k liye muntakhib kr lety hain , is umeed per k "Shayad ab hi ye sudar jayen or halat badal jayen".
Khasta hali k bawjood hmary pass dunia ki mani hoi army, advance messile technology or khobsorat dil hain
Gharz ye k kuch b ho hum aik achi qoom hain (Wo alag baat k halat ne bura bna dia ) or aik din zror dunia ki kamyab qomon ki fehrist mai khary ho ker apni misal qaim krain ge .

In Sha ALLAH!
Khuda hmara hamiy o Nasir ho (Ameen)
Fe aman ALLAH

[Hidden words]

closed