Ufff Ye Sinf e Nazuk!!!

[Dolly]

Un ki paidaiesh par nah khushi manayi jati hai. .. .. nah un ke marnay par gham kya jata hai. larkiyan be chari saari zindagi apne bhaiyon, shohar aur bachon ke hathon istehsal ki Nazar hoti rehti hain. bhai behnoon se qarz le kar bhool jatay hain, mein ne khud apni ekloti behan se taqreeban 64 baar' ' qarz hansa' ' liya.' 'hansa' ' is liye ke jab bhi woh baichari qarz ki wapsi ka taqaza karti mein" hans" ke dikha deta .
larkiyan bohat bholi hoti hain. .. . isi “bholpan“ mein kayi bhoolay bhaale larkoon ki neendain haraam kar deti hain aur bhool jati hain. sachey pyar ki sada mutlashi hoti hain. hamaray paros mein aik 40 sala larki howa karti thi jisay hum' ' tai sughran' ' kaha karte thay. tai sughran ke 13 bachay thay, magar tai phir bhi shikayat karti rehti thi ke is ke shohar ko is se' ' mohabbat' ' nahi hai.! ! !
larke khul kar mohabbat karte hain. .. . jabkay larkiyan mohabbat ke baad khulti hain, larka mohabbat kere to poooray khandan ko pata hota hai. .. .. . larki ko mohabbat ho jaye to usay khud bhi maloom nahi hota. ..! ! !
hamari aik class fellow' ' Shabana ' ' howa karti thi. larkoon ki bohat numainda qisam ki khatoon! !! har waqt mard aur aurat ki barabari ki behas mein mashgool rehti thi. un ka daawa tha ke jab larkiyan har kaam kar sakti hain to inhen' 'sanf e nazuk ' ' kyun kaha jata hai. meri Shabana se khasi lagti chubhti thi. aik din jab miss Shabana hasbey mamool class discussion ke douran larkoon larkiyon ki' ' barabari' ' par lecture day rahi theen to mujh se nah raha gaya mein ne sawal dagha :
miss Shabana ! kya aap ko' ' goli Pal' ' khelna aata hai? Shabana shashdar reh gayi !
kya aap gali danda khailtay hue zor se' ' tal' ' laga sakti hain? mein ne dosra missile chorra .
phir class mein sirf taliyan goonj rahi theen aur miss Shabana ki phankarain. ..! ! !
dosray haftay hi maloom howa ke miss Shabana ne baqaidagi se islami dars mein shirkat karna shuru kar diya hai .
agar duniya mein sirf larkiyan hi hoten. .. . to yaqeen jaaniye nah atom bomb ijaad hota. .. . nah hi kisi terhan ke dosray weapon of MESS destruction. .. balkay un ki jagah' 'tida bomb' ',' ' chipkali missile' ' aur' ' laser guided cocroach missile' ' hotay. .. .! ! !
aman hi aman hota, nah mahol ko khatrah, nah duniya ke bhasam honay ka dar. . !
aik dafaa mujhe larkiyon ki larai dekhnay ka ittafaq howa. .. do larkiyan sirf aik dosray ke baal khech rahi theen. larai ke ekhtataam par faateh aur mftoh dono larkiyan baqaida hichikiyaan le ke zaroqtar ro rahi theen .
larkiyan gaari chalanay mein bohat mohtaat hoti hain. un ke gaari sarrak par laatay hi dosray gariyon walay foran mohtaat ho jatay hain. inhen sirf gaari chalana aati hai. gaari kaisay chalti hai? un ke firshton ko bhi maloom nahi. agar kabhi koi larki ghalti se engine ka hُd khol kar andar jhaank le to foran ghash kha kar gir parre. un ke nazdeek carborator aur rediator mein sirf spelling ka farq hota hai .
kya aap ne apni zindagi mein kisi larki ko gaari ka tyre tabdeel karte dekha hai. .. .? kabhi nahi! !! kabhi dekhen ge bhi nahi! ! !
un mein hisِ e mazah ka khasa fuqdaan hota hai. larkoon ke 99 feesad latefay un ke Jore ke oopar se guzar jatay hain. un ka apna aik mazah hota hai. kuch aisa. .. .. .. .. .
Samina ! Allah hay hay hay hay hay hay! !! mein taya jaan ke ghar gayi ( ab pata nahi yeh Samina se mukhatib hain ya Allah se ) jounhi andar daakhil hui, aik itna bara kutta agay khara tha, meri to jaan hi nikal gayi. .. hahaha. .. hahaha. ..! ! !
Allah ko haazir nazir jaan kar bitayen ke is mein hansnay wali kya baat hai ?
larkiyon ka mehboob mashgala apne bhai ke liye dulhan dhondhna hota hai. mehez' ' larke ki behan hain' ' suneney ke liye tees chalees ghar yuhin phir phira layte hain. rishte walay ghar mein un ki' ' tour' ' dekhnay wali hoti hai. magar jab koi aur larki un ka apna rishta dekhnay ke liye un ke ghar aa jaye to un ko chupnay ke liye jagah nahi millti. .. . !
larkiyon ke baray mein aik ghalat propeganda yeh bhi hai ke yeh bolti bohat hain! mein is se mutfiq nahi hon .
aik larki to mehez doosri ko chup karwanay ke liye ghanta daidh ghanta bol layte hai. .. aur doosri pehli ko chup karwanay ke wastay mazeed ghanta do ghantay bol le to aakhir is mein kya buraii hai, bhala bitayen ?
dosray un ko yeh ehsas bhi hota hai ke agar yeh chup ho gayeen to doosron ko sawal karne ka mauqa mil jaye ga. .. . aur zahir hai kisi bhi sawal ka jawab dainay ke liye aqal darkaar hoti hai. ..! ! !
larkiyan bohat jald ro deti hain. yeh rona un ke dukhi honay ki alamat nahi, darasal yeh aik exercise hai. saaray dukh aanso-on ke rastay foran nikaal bahar karti hain. .. . palak jhapakty mein dil ka boojh halka ho jata hai aur yeh bhali changi. ..! !! jaisay kُchh howa hi nahi. .. jabkay larke becharay gham seenay se lagaye barson sulagtey rehtay hain .
larkiyan jaisi bhi hain, hamari zindagi ke canvas ke rang unhi ke dam qadam se Khultay hain. .. maa, behan, beti ya biwi har soorat mein hum un ki mohabbaton ke mohtaaj hotay hain .
column nigaar - Shahzad Raza