-
Meena Bazaar say Ladies Markey Tak
Assalaam-O-alaikum
Chalain janab aaj aap say apnay safar ka ahwaal share kartay hain.....!! 1st March 2014
Kaafi kuch tayyari kay baad Qatar Airways ki flight say Hong Kong ki sar zameen per qadam rakha..... mousam ki thandak
aur hawa main nami, bohat bhalii mehsoos hoyee.... subah taqreeban 4 bajay ki flight thii iss liye exitement main poori raat
bhi neend nahin aayiii, flight 13 ghantay kii thiii magar time difference ki waja say Hong Kong kay raat 8:40 per flight nay
land kia....
Immigration passport control per poohancha tou wahan moujood cheenay nay, mera passport dekha aur upper say lay kar
neechay say mera aisa jaizaa lia jaisay main koi 'khoobsurat dosheeza' hoon, main andar hi andar thoRa ghabra gaya kay
kahin izzat... 
anyways, uss nay foran apnay counter per CLOSE ka sign laga dia jiss ki waja say meray peechay khaRay
huway log Que say hat gayay aur dosrii Que main khaRay hogayay.... mujhay bohat Royalty feel hoyee kay srif mujhay
attend karay ga 
anyways uss nay apnii pocket say aik list nikaali, aur meray naam say compare karnay laga, baharkaif
mera naam uss list main nahin tha, mujhay baRii mayoosi hoyee kay shayed main woh VIP nahin hoon jiss ka iss ko
intizaar tha.... Phir woh barq-raftaari kay saath apni ungliyan keyboard per chalata raha, aur main kisi miskeen ki tarah
wahan khaRa raha kay kab yeh passport per entry ki stamp maaray aur kab main andar jaaoon, bilaakhir taweel search kay
baad (pata nahin kia search kar raha tha, agar thefire1 google kar laita tou kahin na kahin main mil hi jaata ) uss nay aik
form nikaala aur uss form per mera naam aur passport number likhnay laga..... main samjha shayed immigration arrival
control form hoga, magar uss form ki heading dekhtay hii mujhay gasshh jaisay aanay lagay.... jee uss form ki heading thi
RESTRICTED aur main sochnay laga ab tou iss nay meri entry restirct kar dii hay, ab main yahan kaisay daakhil hoon ga aur
sab say baRii fiqar iss baat ki thii kay SD kay liye 'Meenaz baazaar say Ladies Market tak' kaisay likh paayoon ga....
Khair woh apni seat say khaRa huwa, mera passport aur woh form uss kay paas tha, woh kisi officer kay cabin main gaya
aur officer nay aik immigration officer ko paas bhaija jiss nay nihayat adab-o-ahtiram say mujhay kaha ' Sir, this way
please' aur mera dil khushi say uchalnay laga kay chalooo 'hunn tay main daakhil hogaya' khair uss nay mujhay
immigration officer kay room main lay kar jaa kar bitha dia, jahan pehlay say 2 adad Irani national apnii aamad ka sabab
bayan kar rahay thay.... phir mujhay achanak yaad aaya kay main tou PAKISTAN say ta'aluq rakhta hoon aur humaray mulk
ka passport bayshak GREEN hoo magar duniya bbhar main iss ki properties LAAL (yaani danger) color waali haain
Officer nay mujh say meray aanay ka sabab bhi poocha, aur main nay ussay saari booking, return ticket, hotel reservation,
aur merii khudh ki banayii hoyee 'Travel itinerary' batyii, jiss say woh kaafi convince hua, aur bilaakhir baRii izzat-o-
ahtiram kay saath mujhay Hong Kong main entry mill gayiii....
albatta yeh sab karwayii kartay kartay raat kay 10:30 baj gayay.... thakkan bhi bohat ziyada hogayii thiii, iss liye jaisa main nay plan kia tha kay hotel main bus main jayoon ga, uss plan ko multawii kar kay main nay TAXI main jaanay ka iraada kia kay raat bhi kaafi hogayii aur thakan bhi tou taxi waala jaldii poohanch jaayay ga, airport information office say taxi ka poocha aur Maroon color ki taxi main meter ON kar kay baith gaya, ahtiyatan information desk say pooch lia tha kay jiss ilaaqay main, main jaa raha hoon wahan ka taxi fare kitna hona chayeh, jiss per uss nay mujhay HK$250/- tak ka kaha, khair azhra-e-ehtiyat taxi driver ko jo kay hair style, beared aur baalon kay style say tou 'Bob Marley' lagta tha, magar colour main "aamir khan' poocha kay Meter ON hay na, aur uss nay kaha 'offcourse.... aur apnay noukeelay daanton kay saath qeqaha lagaya', mujhay @Vampire; kay noukeelay daant yaad aagayay khair safar chalta gaya, aur meri nazar musalsal meter aur uss ki ungliyon per thii... main nay sunnn rakha tha kay chinese meter ko bhagaanay main bohat maahir hotay hain, khair iss fun say humaray mulk kay log bhi
peechay nahin raastay main uss say poocha kay aiy Allah kay banday, mujhay bhook lagg rahii hay, kahin HALAL restuarant hay yahan, aur woh mujhay aisay dekhnay laga jaisay main koi 'khalayiii makhloouq' hoon, main foran samajh gaya kay issay HALAL samajh nahin aaya, main nay poocha MUSLIM FOOD, uss woh bhi nahin pata tha.... khair uss say ishaaratan baat ki kay khaana khaana hay aur phir uss nay kaha food, resuarant... aur main nay haami main sar hilaa dia aur dil hi dil khush honay laga jaisay yeh khushi 'himalya ki choutii uboor karnay say bhi baRi hoo' uss nay kaha kay iss waqt tou ziyada tar restuarant bandhh ho jaatay hain, aap kay hotel kay paas aik 7 Eleven mart hay aap wahan say kuch lay lain..... taqreeban kuch 35 minutes ki drive kay baad hotel aagyay aur meter per bill tha HK$237 main bohat khush hua kay imaandaar aadmi hay, phir uss nay trunk khola aur main apna Bag utaarnay kay liye neechay utra, saman nikaalnay kay baad uss ki tarah mutwaja hua tou uss nay haath main HK$374 ki raseed thama dee, main nay kaha abay oo bad-bakhtt yeh kia hay, kehnay laga kay raastay main Toll entry thii iss liye yeh additional amount aap ko pay karnii paRay gii... khair uss say behas main kia paRta waisay hi neend say hachkolay khaa raha tha..... ussay paisay diye aur hotel main poohanch gaya.
hotel per moujood night staff nay mujh say English main aisay baat kii jaisay humari mahsoor adaakara MEERA kartii hay anyways main samajh gaya kay kia keh rahii hay, aakhir Meera ko samajhnay ka experience kaam aagya room ka Card lia aur jaldi say room main poohanch gaya..... sab say pehlay wuzoo kar kay Dhohar, Asar, Maghrib aur Isha ki namaz -Jama-O-kasar' ada kii.... hotel room main paani tha jiss say piyas tou bujh gayii magar pait ki bhook ka kia karta....
jaldi say neechay bhaga aur 7 Eleven main daakhil hogaya.....Wahan moujood staff tou English kay naam say bhi waaqif nahin tha, main nay poocha Youghut hay aur woh mujhay aisay dekhnay laga jaisay main koi bhoot hoon aur uss ko daraanay ki koshish kar raha hoon, main nay socha kay kahin police ko hi naa bula lay aur Yoghurt lainay kay dainay paRh jaayain anyways, uss say poocha kay yahan wifi hay aur luckily
tamam 7 eleven main FREE WIFI hota hay, main nay foran wifi connect ki aur google per jaa kar type ki 'Yoghurt in Chinese' aur phir uss ko dikhaaya aur woh apnay peelay peelay dantoon kay saath aisa hansa kay mujhay @sarfraz_qamar; ki yaad aagayiii aur kehnay laga NO khair paani lia, dood lia aur aik anday cheese ka sandwich jo naashtay main khaatay hain woh kha kar raat ko so gaya.....yeh thiii pehlay dinn ki dastaan.......
jaari hay....... 
-
Originally Posted by
sannan
Paen zindagi men pehli bar mene ap se agree kia 
-
@thefire1 men b tab parrhun gi jab Urdu men hoga 
-
-
-
-
Zameen Junabad Nah Junbad Gul Muhammad 
-
-
-
Bisti?? 
-
kya bat hy
Sent from my GT-I9100 using Tapatalk
Posting Permissions
- You may not post new threads
- You may not post replies
- You may not post attachments
- You may not edit your posts
-
Forum Rules
Reply With Quote
