Meena Bazaar say Ladies Markey Tak - 2nd Episode

[thefire1]

Assalaam-O-alaikum

Meray Safar ka dosra dinn (2nd March 2014) bhi bohat dilchasp raha.. Aap jab bhi safar per jaayain tou Aiport say leaflets
zaroor uthayain, jiss main country/city map, main attraction, tour operators info, waghaira mill jaati hain, main nay bhi
aisa ki kia tha, dosray dinn subha Fajar ki namaz paRh kar woh leaflet paRhay aur zehan main plan banaya kay aaj 'Hong
Kong Wetlands Park' ki sayr ki jaayay... GPS on kia aur pata lagaya kay wahan MTR (Mass Transit Railway) known as METRO
in many countries say kaisay jaana, bas TRAVEL LINES ko zehan main rakha aur khoob tayyar ho kar safar per nikal paRa.

MTR station OLYMPIC meray hotel kay bilkul pass tha, METRO main daakhil hua aur wetlands parks ki taraf safar jaari
kardia, Train stop kay baad LIGHT train say poohanch gaya, aur jaisay hi Park main daakhil hua, sab mujhay aisay ghour
rahay thay jaisay aaj iss park main 'Main attraction' main hi hoon actually Chinese Asian Face Features say bohat
mutaasir hotay hain bilkhusoos baRi baRi aankhain, uthii hoyee Naak.... aur shayed jaisa mera haal hua, auroon ka bhi hota
hoga..... khair main jaldi jaldi qadam uthaata hoa sair karta raha, park kay andar hi restuarant tha, jiss main khaana khaya
aur again 'SEA FOOD only' yahan bhi halal restuarant ka masla tha aur main apnay kal kay experience ki waja say dobaara
'khalayee makhlooq' nahin banna chahta tha, issi Park main aik cottage banaya hay jahan say aaap apnay aap ko chupa kar
'jungle kay birds' ko dekh saktay hain taakay woh aap say daR kar uRR naa jaayay. ussi jaga GPS per qiblay ki direction
dekhii aur dhohar aur asar ki naamaz baithay baithay ada kii (ALLAH SWT qubool karay AMEEN). Shaam ko ghar
poohancha, aur doodh pee kar so gaya

Teesra dinn main nay Ocean Park main jaanay ka plan banaya hua tha, Ocean Park main poohanch gaya, Ocean Park per
poohanchnay kay liye koi MTR line nahin hay, albbatta under-construction hay and expected to be completed in 2015...
haan aik BUS hay jo kay ocean park tak jaati hay aur shaam ko 'Light and water show' jissay SYMBIO kehtay hain uss kay
baad waapis stop per chouR daitii hay, albatta uss bus kay stop tak jaanay kay liye MTR say hi jaana cheap travel option
hay.....khair bohat hi khoobsurat park tha, halki halki baarish nay iss ka husn aur bhi do-baala kar dia, khoobs rides per
ghouma, aur cheekhain maari wahii per phir SEA FOOD kha kar, hotel aakar so gaya.

4th day ka plan tha.... jee haan LADIES MARKET...jo MONG KOK main located hain, iss kay baaray main baad main tabsura
share karoonga, intizaar kijyey

Jaari hay..........

[Dolly]

​kh00b sair ki janaab ny tw..nd khaali haath wapis aa gy...aik doll bhi ni laai mere liye tw....

[thefire1]

Main nay kaha tha kay koi Doll pasand hiii nahin aayiii, dhoondh dhoondh kay thak gaya LADIES MARKET main




























































warna aap ki bhabhii laanay ka poora iraada tha mera

​kh00b sair ki janaab ny tw..nd khaali haath wapis aa gy...aik doll bhi ni laai mere liye tw....

[Arosa Hya]

khalayi makhlooq waly kam hi krne the na............ wese safar se zyada ap ne apna naqsha nhi khainch dia

[thefire1]

Khalayii Sha'air-O-sha'yeri aap kar rahii hain, aap kay signature suboot hay

Nahin main tou ASIANS ki baat kii thii, apna naqsha kahan khaincha hay abhi....

khalayi makhlooq waly kam hi krne the na............ wese safar se zyada ap ne apna naqsha nhi khainch dia

[Dolly]

Main nay kaha tha kay koi Doll pasand hiii nahin aayiii, dhoondh dhoondh kay thak gaya LADIES MARKET main




























































warna aap ki bhabhii laanay ka poora iraada tha mera

haha...bhaabi nai mili tw goli maarein na....meri dolllllll....... mujhy chahiyeeeeeeeee.........

[Vampire]

walaikumusalam

safar ki tareef se ziyada apni tareef k pull baandh diye hain ap ne

acha laga parh kar

[Arosa Hya]

Khalayii Sha'air-O-sha'yeri aap kar rahii hain, aap kay signature suboot hay

Nahin main tou ASIANS ki baat kii thii, apna naqsha kahan khaincha hay abhi....

ye apko kahan se khalayi shair nazar aa raha hai hon ?
jo kehta hai na wo khud hi hota hai.........

[thefire1]

KHALA yaani SPACE ka tou zikar kia hay aap nay shaayeri main tou khalayee shaayeri hoyii kay nahin. .............






















aur aap say guzaarish hay kay typical Pakistani biwiyoon walla suloook naa karate. .........huh



























pitayiii Laganay say pehlay SAFARI I I ka tou mouqa dain

ye apko kahan se khalayi shair nazar aa raha hai hon ?
jo kehta hai na wo khud hi hota hai.........

[thefire1]

****safayee