-
Meena Bazaar say Ladies Markey Tak - 3rd Episode
Assalaam-O-alaikum
Apnay silsilay ko jaari rakhtay huway, apnay safar naamay ka third episode aap ki khidmat main paish kar raha hoon...
Yeh raha sab say dilchasp dinn.... jee haan aaj kay dinn ko yaani 4th day yaani 4th March 2014 ko main nay LADIES MARKET kay liye mukhtas kia tha.... MEENA BAZAAR ki ranginiyon say waaqif mera zehan ladies market main jaanay ko bohat baytaab ho raha tha.... 
Khair MTR say sab say pehlay Tsim Sha Tsui (dont worry about pronouncing it... main khudh bhi thiik say nahin keh paaya, infact HONG KONG waalay khudh bhi sahii prounounce nahin karsaktay iss liye short main TST kehtay hain 
) kay stop per utra... Yeh jaga tourists say bharii hotii hay, and TST is known as the 'tourist area'... khair, yahan per sab say pehlay Hong Kong Museum of art main gaya, amazing work, iss ki tasweerain cybershot main share karoonga jald hii, iss art museum kay paas hii TST ki mashoor 'seaside beach' hay jisay 'Avenue of Stars' bhi kaha jaata hay, kiyonki yahan sab Chinese film stars kay naam kay floor tiles lagayay gayain hain, you can find a tile of Jackie chan and also a statue of Bruce Lee... dheemi dheemi baarish, hawa main namii aur kaalay kaalay badaloon kay jhurmat say jhaankta hua sooraj.... bohat hi bhala lag raha tha, just refreshing.
Khair kaafi chalnay kay baad bhook ka ehsaas hua, tou aik cart per aik shakhs kuch boil kar raha tha, bas uss ki khusboo uss tak khainchtii hoyee lay gayii.... magar wohii marhala kay aakhir iss say kaisay poochoon kay aik khalq-e-khuda tuu kia bana raha hay aur kiyon khushboo say mujhay parayshaan kar raha hay aur meri bhoook ki shiddat ko bhaRaa raha hay.... khair meri mushkil aasaan hoyee kay aik chinese family jo kay American Chinese thay nay meri madad kii aur kaha kay yeh FISH BALLS hain, Fish ka naam suna aur main nay foran kaha, day day bhai jitna daina hay, aur main aisay uss dish per chapta jaisay humaray yahan shadii main log dinner buffet per toott-tay hain khair achii miqdaar main Fish balls kha kar.... wahii park main wuzoo kia aur asr aur dhohar ki namaaz ada karnay kay baad LADIES market ka rukhh kia....!
LADIES market Mong Kok main aabaad hay jo kay TST say 3 stop kay faaslay per hay, bas wahan poohancha aur jaisay hi MTR station say bahar nikla tou logoon ka itna hujoom daikh kar apnay college kay dinn aagayay kay hum bhi bilamaqsad MEENA BAZAAR kay chakkar kiyon lagaatay thay khair thoRii durr aagay gaya tou Chinese film ki shooting chall rahii rahiii jiss main hero kay dono haath rassi say bandhay huway thay aur kaala kapRa jo PHANSI kay waqt pehnaatay hay pehna hua tha aur zameen per ulta laita tha, uss kay munn kay paas MICROPHONE aur shooting camera uss kay saamnay tha, Director jo kay dikhnay main koi American lag raha tha nay kaha ACTION aur woh hero nay apni rassi khoulii, apnay sar say kapRa uthaaya aur idhar udhar daikhnay laga, aur achaanak jahan main khaRa tha wahan bhaagta hua aaya (acutally jahan main khaRa yeh shooting dekh raha tha wahan aik Telephone booth tha aur film ki script kay mutaabik ussay phone booth tak aana tha aur uss main jaa kar phone utha kar kuch baat karnii thii) khair jaisay hii woh meri taraf aaya main ghabraa gaya magar apni jaga say tis say mis na hua, aakhir Pakistani bachha hoon anyways, assistant directors nay sab ko hata dia aur mujhay kaha kay apni jaga say nahin hilo 'Dont move'.... aur main 'statue of liberty' ki tarah saakit khaRa hogaya... chalain iss baahnay main 'Chinese movie' main kahin na kahin nazar aajayoon ga main nay iss kii apni mobile per aik video bhi banayii hay, I dont know how to share video, if known, for sure I will share with you guys 
LADIES market main as expected, LADIES kay liye shopping malls, waghaira ba kasrat thay..... magar asal main ladies market kuch aur faaslay per thii, khair logon say poochtay puchaatay (ishaaroon ki zaban main) main bilaakhir LAdies market poohanch hi gaya..... aur agar ladies market ki aam zabaan main tashreeh karoon aur uss ki Karachi kii kisi market say manzar-kashii karoon tou 'Karachi ka Landa Bazaar' jahan pathan hazraat apni naak main drill machine chalatay huway aur muunn main naswaar chabatay aur saRkon per thooktay huway nazar aatay hain farq srif itna tha kay yahan mayarii shakl-o-sourat kii khawateen haath main CALCULATOR haath main liye khaRii hotii hain taakay customers ko daam calculators per batayain.... thoRii dair iss Ladies market main ghoomnay kay baad phir bhook ka ehsaas hua, waisay bhi ziyada chalnay say bhook taiz hi lagtii hay, tou wahii aik dukaan per dekha kay log line main khaRay hain, main bhi line main lag gaya, aur jab mera number aaya tou main nay poocha kia baych rahay hain, unhoon nay kaha Turkey breast, chicken, beef..... main nay poocha aur tou uss nay kaha Squids.... main nay kaha day dooo jee aur teen seekh squids ki lee aur haRap kar gaya, acha laga tou phir line main lag gaya aur 3 aur lay lee aur haRap kar gaya, khair ab baarish bhi thoRii tiayz honay lagiii, jaldi jaldi MTR poohancha aur hotel poohanch kar sou gaya....
kiyonki agla dinn yaani 5th March mujhay Disneyland hotel main shift hona tha, aur wahii per 2 raatain guzarnii thii to enjoy the Disneyland of HongKong fun..... baaqi baad main....
jaari hay............................
-
​hmmmm...thora khaya kryn....pait00...
-
Photobucket
-
Walaikumusalam
o bhai kitna khaogey 
chaliye mubarak ho movie main aa gaye ap
aur phir ap karachi hi ghum letay inna taradud kiyun kiya 
maza aya parh kar 
-
Parrh lia tum ne 
-
-
-
Photobucket
Khaoon ga nahin tou tumhaaray peenay kay liye khoon kaisay banayoon ga
Haan cheenii movie main pakistanii
Karachi main ghoomnay kay naam say bhi darr lagta hay abhi.... 
-
Men abi pehli qist pe hun or ap 3sri pe b pohanch ge
-
Photobucket
Posting Permissions
- You may not post new threads
- You may not post replies
- You may not post attachments
- You may not edit your posts
-
Forum Rules
Reply With Quote
Originally Posted by Dolly
